482.84
+0.58
521.61
+4.72
7.62
+0.05
-7
Եղանակը Երևանում
Հայ
Հայկական բանակի դերն ու նշանակությունը պետք է գնահատվեն գիտականորեն, այլ ոչ թե զգացմունքայնորեն. Օհանյան
13:32
25 Հունվարի 2012

ԵՐԵՎԱՆ, 25 հունվարի. /Նովոստի-Արմենիա/. Հայկական հասարակությունում և բազմադարյա պատմության մեջ բանակի դերն ու նշանակությունը պետք է գնահատվեն գիտականորեն հիմնավորված մեթոդաբանությամբ, այլ ոչ թե զգացմունքային հարթակում, հայտարարել է ՀՀ պաշտպանության նախարար Սեյրան Օհանյանը՝ չորեքշաբթի ելույթ ունենալով Հայաստանի ազգային բանակի ձևավորման 20-ամյակին նվիրված հոբելյանական գիտաժողովի բացման ժամանակ:

Գիտաժողովն անցկացվում է Երևանի պետական համալսարանում:

«Բանակը հստակ կարգավորված գործառույթներ իրականացնող կառույց է, և թվում է, որ երկու տասնամյակի ընթացքում պետք է ստեղծվեին այն գիտականորեն հիմնված սկզբունքները, որոնց վրա պետք է հենվեն հայկական բանկի դերի և նշանակության մասին անաչառ և ճիշտ պատկերացումները: Սակայն մինչև հիմա այս հարցերի պատասխանները տրվում էին զգացմունքային հարթակներում, ինչի պատճառը բանակի դերի գնահատման գիտականորեն հիմնավորված մեթոդաբանության բացակայությունն է», - ասել է Օհանյանը:

Նրա խոսքերով՝ այսօր Հայաստանում, ցավոք, հաշվի չի առնվում այն փաստը, որ բանակը ոչ միայն մեծ և հզոր, այլև նուրբ և զգայուն մարմին է:

«Չի կարելի դատել բանակի մասին՝ ելնելով հասարակական տրամադրություններից, որոնք պայմանավորված են ներքաղաքական գործընթացների հետ կապված նեղ շահերով, ներկուսակցական բախումներով և այլ հանգամանքներով: Այս տրամադրությունները միշտ փոխվում են, իսկ բանակը լուռ շարունակում է կատարել իր գործառույթները», - ավելացրել է նա:

Նախարարը նաև ընդգծել է, որ զինված ուժերը «կրակային խոցելիության և պաշտպանության պարզ համադրություն չեն»:

«Բանակը կապված է գիտատար հասկացությունների հետ, քանի որ մեծ դեր է խաղում գիտության առաջընթացում: Համոզված եմ, որ այս գիտաժողովը լուրջ քայլերից մեկը կդառնա բանակի դերի և նշանակության մասին ավելի լայն հայացքների ձևավորման հարցում: Տարիներն անցնում են, իսկ բանակաշինության գործընթացը շարունակվում է: Սակայն ինչպիսին կլինի այդ գործընթացը հաջորդ 5-10 տարվա ընթացքում պայմանավորված է նրանով, թե որքան իրատեսական մենք կգնահատենք մեր այսօրվա ձեռքբերումները», - նշել է նա:

Ազգային բանակի ձևավորման 20-ամյակին նվիրված հոբելյանական գիտաժողովի ընթացքում կներկայացվեն զեկույցներ պատմության տարբեր ժամանակաշրջաններում հայկական բանակի մասին՝ սկսած հնագույն ժամանակներից մինչ մեր օրերը:

Գիտաժողովի շրջանակներում կանցկացվի ռազմահայրենասիրական թեմային նվիրված ԵՊՀ-ի հրատարակությունների ցուցահանդես և լուսանկարչական ցուցահանդես:

Միջոցառման ընթացքում պաշտպանության նախարարի հրամանով գերատեսչության հոբելյանական մեդալներով պարգևատրվեցին ԵՊՀ-ի մի շարք գիտնականներ և պրոֆեսորներ, այդ թվում նաև բուհի ռեկտոր Արամ Սիմոնյանը:

Հայաստանը հունվարի 28-ին նշում է Ազգային բանակի ձևավորման օրը:-0-

Loading...
Թեմատիկ նյութեր
Բաժնի այլ նյութեր
11:22
08 Դեկտեմբերի 2016
Գագիկ Ծառուկյանը մերժել է Սերժ Սարգսյանի առաջարկը
Սերժ Սարգսյան-Գագիկ Ծառուկյան հանդիպման ժամանակ Սերժ Սարգսյանը Գագիկ Ծառուկյանի հետ քննարկել է նախընտրական և հետընտրական զարգացումների հնարավոր բոլոր սցենարները:
16:51
07 Դեկտեմբերի 2016
Ֆրանսիայի ՆԳՆ նոր ղեկավարն Արցախի բարեկամն է և ընդգրկված է Ադրբեջանի «սև ցուցակներում»
Ֆրանսիայի ներքին գործերի նախարար Բրունո Լը Ռուն ներառված է ադրբեջանական արտաքին գերատեսչության «սև ցուցակում»:
11:52
07 Դեկտեմբերի 2016
«Դաշնակցությունը» ընտրություններից հետո հնարավոր է միանա իշխող ՀՀԿ-ին
ՀՅԴ-ն չի բացառում, որ ևս մաս կազմի իշխանական դաշինքին:
11:37
06 Դեկտեմբերի 2016
Չի բացառվում Դալլաքյան–Ծառուկյան քաղաքական տանդեմը
Չի բացառվում, որ Վիկտոր Դալլաքյանը միանալ Գագիկ Ծառուկյանի ստեղծելիք դաշինքին:
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը:
12:34
03 Դեկտեմբերի 2016
ՀՀ նախագահ Սերժ Սարգսյանն ու ԱՄՆ նորընտիր փոխնախագահ Մայք Փենսը հեռախոսազրույց են ունեցել
Հեռախոսազրույցը կայացել է ամերիկյան կողմի նախաձեռնությամբ:
19:55
02 Դեկտեմբերի 2016
Հայ–ռուսական զորախմբի ստեղծումը բխում է Հայաստանի շահերից. պաշտպանության նախկին նախարար
Հայաստանի և Ռուսաստանի Զինված ուժերի միավորված զորախմբի ստեղծումը բխում է Հայաստանի շահերից, ուրբաթ լրագրողներին հայտարարեց ՀՀ պաշտպանության նախկին նախարար Վաղարշակ Հարությունյանը։
17:18
02 Դեկտեմբերի 2016
Ադրբեջանի հետ սահմանագծում լարվածություն չկա. ՀՀ ՊՆ
Հայ-ադրբեջանական սահմանագծում և ղարաբաղա-ադրբեջանական շփման գծում իրավիճակը հանգիստ է, ասաց ՀՀ ՊՆ մամուլի քարտուղար Արծրուն Հովհաննիսյանը:
11:43
02 Դեկտեմբերի 2016
Րաֆֆի Հովհաննիսյանի որոշումը վտանգում է «Ժառանգություն» կուսակցության գոյությունը
Րաֆֆի Հովհաննիսյանը սպասում է քաղաքական դաշտում կատարվելիք փոփոխություններին: