481.93
+0.2
569.16
+0.19
8.37
-0.02
+7
Եղանակը Երևանում
Հայ
Ղարաբաղյան խնդրին նվիրված Սոչիի եռակողմ հանդիպումը նախընտրական նպատակներ էր հետապնդում. Դաշնակցություն
16:59
24 Հունվարի 2012

ԵՐԵՎԱՆ, 24 հունվարի. /Նովոստի-Արմենիա/. Նախօրեին Սոչիում տեղի ունեցած Ռուսաստանի, Հայաստանի և Ադրբեջանի նախագահների հանդիպումը, որը նվիրված էր ղարաբաղյան հակամարտության կարգավորմանը, այս երկրներում ընտրությունների նախաշեմին բարենպաստ տպավորություն ստեղծելու փորձ էր, կարծում է ՀՅԴ Հայ դատի կենտրոնական գրասենյակի և քաղաքական հարցերի պատասխանատու Կիրո Մանոյանը:

Ռուսաստանի, Ադրբեջանի և Հայաստանի նախագահներ Դմիտրի Մեդվեդևը, Սերժ Սարգսյանն ու Իլհամ Ալիևը Սոչիում ղարաբաղյան հակամարտության կարգավորմանը նվիրված թվով տասներորդ եռակողմ բանակցություններ են անցկացրել, որի արդյունքում համատեղ հայտարարություն են ընդունել, որում Ադրբեջանի և Հայաստանի նախագահները պատրաստակամություն են հայտնել արագացնել հիմնական սկզբունքների վերաբերյալ համաձայնության ձեռք բերումը

«Կարծում եմ, որ Սոչիի հանդիպումն ու համատեղ հայտարարությունն, իրականում, այդ երկրների կողմից դրական նախընտրական տպավորություն ստեղծելու փորձ էին, ոչ ավելին: Պարզ է, որ այս ողջ ժամանակահատվածում միջնորդ-երկրները, մասնավորապես Ռուսաստանը բոլոր ուժերով կփորձեն խուսափել պատերազմից ղարաբաղյան հակամարտության գոտում», - երեքշաբթի մամուլի ասուլիսի ժամանակ ասել է Մանոյանը:

2012 թ.-ին նախագահական ընտրություններ կանցկացվեն Ռուսաստանում և խորհրդարանական ընտրություններ՝ Հայաստանում, իսկ հաջորդ տարի նախագահական ընտրություններ են անցկացվելու Ադրբեջանում:

Միաժամանակ Մանոյանն ընդգծել է, որ ԵԱՀԿ ՄԽ համանախագահ-երկրների, հատկապես Ռուսաստանի ջանքերը կկենտրոնանան պատերազմից խուսափելու վրա:

Այս ամենի կապակցությամբ նա պատահական չհամարեց Սոչիի հանդիպման ժամանակ շփման գծում մոնիտորինգ իրականացնելու մասին որոշումը:

«Այս ամենը մեկ նպատակ է հետապնդում՝ ստեղծել որոշակի բարենպաստ մթնոլորտ և տպավորություն, սակայն իրական գործընթաց չկա և չի էլ լինի», - նշել է Մանոյանը:

Քաղաքական գործիչը նաև նշել է, որ Ադրբեջանը, ղարաբաղյան հակամարտության կարգավորմանը նվիրված բանակցությունների ընթացքում բարենպաստ տպավորություն ստեղծելով, ՄԱԿ ԱԽ-ում անդամակցության երկու տարվա ընթացքում անուղղակի կերպով կձգտի խանգարել ԵԱՀԿ ՄԽ աշխատանքին:

ՄԱԿ-ի գլխավոր վեհաժողովը 2011 թ.-ի հոկտեմբերի 24-ին Ադրբեջանին ընտրել է ԱԽ ոչ մշտական անդամ երկու տարի ժամկետով: ՄԱԿ-ի ԱԽ-ում ներառված է 15 պետություն, որոնցից հինգը մշտական անդամներ են, ունեն վետոյի իրավունք: Այդ պետություններն են՝ Ռուսաստանը, ԱՄՆ-ն, Չինաստանը, Մեծ Բրիտանիան և Ֆրանսիան: Մնացած անդամ-երկրները փոխվում են ռոտացիոն հիմքով:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը: