478.73
-0.03
561.07
+4.18
8.06
+0.07
+26
Եղանակը Երևանում
Հայ
Հրանտ Դինքի գործով թուրքական դատարանի վճիռը չի կարելի հայկական կողմի հաղթանակ համարել. փորձագետ
13:54
18 Հունվարի 2012

ԵՐԵՎԱՆ, 18 հունվարի. /Նովոստի-Արմենիա/. «Ակոս» (Agos) հայ-թուրքական շաբաթաթերթի գլխավոր խմբագիր Հրանտ Դինքի սպանության գործով թուրքական դատարանի վճիռը չի կարելի հայկական կողմի հաղթանակ համարել, կարծում է  թուրքագետ Արտակ Շաքարյանը:

«Ցավոք, շատ ԶԼՄ-ներ Դինքի գործով դատարանի վճիռը ներկայացրեցին որպես արդարության հաղթանակ, և մեղավորները դատապարտվեցին ցմահ բանտարկության, սակայն դա այդպես չէ: Այո, մեղադրյալներից մեկը դատապարտվեց ցմահ բանտարկության, սակայն շատերը պատիժ չստացան, թուրքական դատարանն արեց ավելի քիչ, քան կարող էր», - ասաց նա «Նովոստի» միջազգային մամուլի կենտրոնում:

Երեքշաբթի Թուրքիայի դատարանը ցմահ բանտարկության է դատապարտել մեղադրյալներից մեկին՝ Յասին Խայալին: Միաժամանակ գործի ևս 19 դերակատարները, ովքեր ավելի վաղ մեղավոր էին ճանաչվել, արդարացվել են: Դատարանը մերժել է ենթադրությունն այն մասին, թե նրանք բոլորը ներառված էին Դինքի սպանությունը ծրագրած ահաբեկչական խմբավորման կազմում:

Նախորդ տարի դատարանը 21 տարի և տասն ամիս ազատազրկման էր դատապարտել սպանության անմիջական կատարող Օգյուն Սամաստին, ում 18 տարին այդ պահին չէր լրացել:

Շաքարյանի խոսքերով՝ որոշ միջազգային կազմակերպություններ կարծում են, որ Թուրքիան ձախողել է այս դատական գործընթացը և չի կարողացել արդար որոշում ընդունել:

«Հինգ տարի տևած դատավարության արդյունքում դատապարտվեց ընդամենը երկու մարդ՝ Օգյուն Սամաստը, ով դատապարտվեց 22 տարի ազատազրկման և Յասին Խայալը, ով դատապարտվեց ցմահ բանտարկության: Սակայն կարևոր է այն, որ նախօրեին դատարանը վճռեց, որ դա կազմակերպված հանցագործություն չէ և ահաբեկչական գործողություն չի եղել, հետևաբար Սամաստի պատժի ժամկետը կարող է կրճատվել: Բացի այդ, հասկանալի է, որ Թուրքիայում այդ երկուսին համարելու են ազգային հերոսներ», - ասաց փորձագետը:

Շաքարյանի խոսքերով՝ դատարանն անգամ ուշադրություն չդարձրեց մեղադրյալներից մեկի ցուցմունքների վրա այն մասին, որ նա զգուշացրել է ոստիկանությանը պատրաստվող հանցագործության մասին:

«Այսպիսով, հանցագործության իրական պատվիրատուները մնացին ազատության մեջ: Այսօրվա իշխանություններին և Էրդողանին ձեռնտու է նման որոշումը, քանի որ այն վերաբերում է այն անձանց, ովքեր անցնում են «Էրգենեկոն» ուլրտաազգայնամոլ կազմակերպության (որի անդամները մեղադրվում են կառավարությունը տապալելու փորձի մեջ - «Նովոստի-Արմենիա») գործով, և իրական պատվիրատուների բացահայտելու դեպքում իշխանությունը կարող էր հասնել մինչև ռազմական-ազգային գագաթը, ինչը չարեց՝ ելնելով ներքին նկատառումներից», - ասաց նա:

Շաքարյանի կարծիքով՝ դատարանի նման խայտառակ վճիռը կարող է դրդել Ֆրանսիայի Սենատին հակաթուրքական որոշում ընդունել:

Ֆրանսիայի կառավարությունը նախատեսում է հունվարի 23-ին Սենատի նիստի քննարկմանը ներկայացնել Հայոց ցեղասպանության ժխտումը քրեականացնող օրինագիծը:

Դեկտեմբերի 22-ին Ֆրանսիայի Ազգային ժողովի կողմից հավանության արժանացած օրինագիծը նախատեսում է մեկ տարվա ազատազրկում և 45 հազար եվրո տուգանք Օսմանյան կայսրությունում Հայոց ցեղասպանության ժխտման համար, որի ժամանակ սպանվել է շուրջ 1,5 մլն հայ:

Շաքարյանը նշեց, որ Հայաստանն իր կողմից պետք է օգտագործի եվրոպական հարթակները՝ ցույց տալու համար, որ Թուրքիան իրավական երկիր չէ և ճնշում է գործադրում ազգային փոքրամասնությունների, հատկապես՝ հայերի վրա, և ցեղասպանության քաղաքականությունը շարունակվում է, քանի որ Դինքը, ով արտահայտում էր հայերի կարծիքը, տուժեց այդ ամենի պատճառով:

Թուրք-հայկական «Ակոս» (Agos) շաբաթաթերթի գլխավոր խմբագիր Հրանտ Դինքը (Hrant Dink) սպանվել է 2007 թվականի հունվարի 19-ին՝ Ստամբուլում, իր գրասենյակի մոտ: Սպանությունից մեկ օր անց ոստիկանությունը ձերբակալել է 17-ամյա Օգյուն Սամաստին, ով առաջին իսկ հարցաքննության ժամանակ խոստովանել է հանցագործությունը, հայտարաարելով, որ որոշել է սպանել լրագրողին, նախևառաջ,  Հայոց ցեղասպանության խնդրին վերաբերող նրա հրապարակումնեևրի համար: -0-

Loading...
Թեմատիկ նյութեր
Բաժնի այլ նյութեր
15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։