482.01
-0.12
540.96
+2.13
8.56
+0.01
+21
Եղանակը Երևանում
Հայ
Հայաստանի երիտասարդների գրեթե կեսը գործազուրկ է. փոխնախարար
14:24
19 Դեկտեմբերի 2011

ԵՐԵՎԱՆ, 19 դեկտեմբերի. /Նովոստի-Արմենիա/. Այսօր Հայաստանի երիտասարդների գրեթե կեսը գործազուրկ է, լրագրողներին հայտարարել է ՀՀ սպորտի և երիտասարդության հարցերի փոխնախարար Արսեն Քարամյանը՝ ներկայացնելով նախարարության կողմից անցկացված հետազոտություն-հարցման արդյունքները:

Հարցումն անցկացվել է UNDP-ի հետ համատեղ՝ «Երիտասարդության մասին ազգային զեկույցի» պատրաստմանն ուղղված աշխատանքների շրջանակներում, որի հիմքի վրա ՀՀ կառավարությունը պետք է մշակի երիտասարդական քաղաքականության 2012-2017 թթ. ռազմավարությունը: Հարցումը կատարվել է վերջին 3-4 ամսվա ընթացքում Երևանի, հայկական գյուղերի և մյուս քաղաքների 18-30 տարեկան 1,2 հազար երիտասարդների շրջանում:

Այսպես, հարցման արդյունքների համաձայն՝ հարցվածների 48,7 տոկոսը գործազուրկ է, իսկ 32,6 տոկոսը ընդհանրապես չի դրսևորում որևէ տնտեսական ակտիվություն: Կանանց շրջանում այդ ցուցանիշը կազմում է 49,3 տոկոս:

Հարցվածների 83,6 տոկոսի համար իրենց բավարարող ամսական աշխատավարձը միջինը կազմում է 200 հազար դրամ (շուրջ 523 դոլար), և միայն երիտասարդների 16,4 տոկոսն է պատասխանել, որ իրենց 200 հազար դրամից ավել աշխատավարձ է հարկավոր:

Երևանի հարցվածները կարծում են, որ չորս հոգուց (2 չափահաս, 2 անչափահաս) բաղկացած ընտանիքի լավ կենսամակարդակի ապահովման համար հարկավոր է ամսվա ընթացքում ստանալ 515 հազար դրամի եկամուտ (շուրջ 1347 դոլար), իսկ որպեսզի ընտանիքն աղքատ չհամարվի, նրան ամսեկան պահանջվում է 350 հազար դրամ (շուրջ 915 դոլար):

Գյուղի երիտասարդությունը կարծում է, որը ընտանիքի լավ կենսամակարդակի ապահովման համար ամսական հարկավոր է 191 հազար դրամ (շուրջ 499 դոլար), իսկ որպեսզի ընտանիքն աղքատ չհամարվի, հարկավոր է 123 հազար դրամ (շուրջ 321 դոլար): Հայաստանի մյուս քաղաքներում կարծում են, որ ընտանիքի լավ կենսամակարդակի ապահովման համար ամսական հարկավոր է 371 հազար դրամ (շուրջ 829 դոլար), իսկ որպեսզի ընտանիքն աղքատ չհամարվի, հարկավոր է  221 հազար դրամ (շուրջ 578 դոլար):

«Միաժամանակ 18-19 տարեկան երիտասարդների մեծամասնությունը (68,4 տոկոս) ավելի շատ նախընտրում է ունենալ սեփական բիզնես, քան բարձր վարձատրվող աշխատանք, իսկ հարցված կանանց շրջանում շատ են կանայք, ովքեր ընդհանրապես չեն ցանկանում աշխատել», - ավելացրեց Քարամյանը:

Հարցման արդյունքները պարզեցին, որ հարցվածների 38,1 տոկոսը դժգոհ է բուհական կրթությունից, իսկ 64,4 տոկոսը ցանկանում է բարձրագույն կրթություն ստանալ արտերկրում:

Քարամյանը նշեց, որ ուսումնասիրությունը դեռևս ամբողջովին չի ավարտվել: «Հուսով եմ, որ մինչև 2012 թ.-ի փետրվարի վերջ մենք արդեն կավարտենք մեր զեկույցն ու կհրատարակենք այն առանձին գրքի տեսքով», - ասաց նա:

ՀՀ ազգային վիճակագրական ծառայության տվյալների համաձայն՝ հանրապետությունում այսօր բնակվում է 18-30 տարեկան շուրջ 720 հազար մարդ: 

ՀՀ ազգային վիճակագրական ծառայության տվյալների համաձայն՝ Հայաստանում գործազրկության միջին մակարդակը 2011 թ.-ի հոկտեմբերին կազմել է 6 տոկոս՝ 2010 թ.-ի նույն ժամանակահատվածի համեմատ կրճատվելով 0,9 տոկոսային կետով: ՀՀ զբաղվածության պետական ծառայությունում գրանցված է աշխատանք փնտրող 83,9 հազար մարդ: Միաժամանակ գործազուրկի կարգավիճակ է ստացել 70,5 հազար մարդ:

ՀՀ ազգային վիճակագրական ծառայության գնահատման համաձայն՝ տնտեսապես ակտիվ բնակչության ընդհանուր թիվը 2011 թ.-ի երրորդ եռամսյակում կազմել է 1213,1 մարդ, որից 1140,5 հազարը աշխատանք ունի: -0-

Loading...
Թեմատիկ նյութեր
Բաժնի այլ նյութեր
15:08
24 Մայիսի 2017
ՀՀ վարչապետն աշխատանքային այցով կմեկնի Կազան
ՀՀ վարչապետ Կարեն Կարապետյանը մայիսի 25–ին աշխատանքային այցով կմեկնի ՌԴ։
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա:
11:26
03 Մայիսի 2017
Ի՞նչ պաշտոն կզբաղեցնի Արփինե Հովհաննիսյանը և ո՞վ կփոխարինի նրան նախարարի պաշտոնում
Արդարադատության նախարար Արփինե Հովհաննիսյանն առաջիկայում հրաժարական կտա զբաղեցվրած պաշտոնից։