486.74
-0.21
511.42
-1.92
8.41
+0.01
-4
Եղանակը Երևանում
Հայ
Մարդու իրավունքների պաշտպանության ազգային ռազմավարության նախագիծը Հայաստանում պատրաստ կլինի մինչև 2012թ.-ի վերջը
15:24
13 Դեկտեմբերի 2011

Մարդու իրավունքների պաշտպանության ազգային ռազմավարության նախագիծը Հայաստանում պատրաստ կլինի մինչև 2012թ.-ի վերջը, երեքշաբթի խորհրդարանական լսումների ժամանակ հայտնեց ՀՀ ազգային անվտանգության խորհրդի քարտուղար Արթուր Բաղդասարյանը:

Հայաստանում ԵՄ խորհրդատվական խմբի հետ համագործակցելով՝ Ազգային ժողովը և Ազգային անվտանգության խորհուրդը երեքշաբթի խորհրդարանական լսումներ են կազմակերպել «Մարդու իրավունքների պաշտպանության ազգային ռազմավարություն» նախագծի վերաբերյալ:

Մարդու իրավունքների պաշտպանության հիմնական սկզբունքներն ու ուղվածությունները հաստատող ռազմավարությունը ներկայացվել է հանրային և միջազգային կազմակերպություններին, ինչպես նաև՝ պետական ծառայողներին:

«Ռազմավարության մշակման հարցում շահագրգիռ բոլոր կողմերը կարող են իրենց առաջարկները ներկայացնել մինչև հունվարի 15-ը: Հունվարի վերջին նախագիծը կքննարկվի Ազգային անվտանգության խորհրդում, իսկ այնուհետև կառաջարկվի նախագահի հաստատմանը»,- ասաց նա:

Ըստ Բաղդասարյանի՝ ռազմավարությունն ավարտին է հասցվել՝ հաշվի առնելով հասարակական քննարկումների արդյունքները:

Հայկական խորհրդարանի փոխխոսնակ Էդուարդ Շարմազանովն իր հերթին նշեց, որ նոր ռազմավարությունը կոչված է համակարգել մարդու իրավունքների պաշտպանության ոլորտը և այն իրավական դաշտ տանել:

«Այդ ուղղությամբ լավ աշխատանք է իրականացվել, և, իհարկե, այստեղ մեծ է խորհրդարանի դերը, քանի որ մենք նման լսումների կազմակերպման համար մեր գործընկերներին ենք տրամադրում Ազգային ժողովի հարթակը»,- ասաց նա:

Շարմազանովն ընդգծեց, որ Եվրամիության, հայկական խորհրդարանի, հասարակական հատվածի ներկայացուցիչների մասնակցությունը փաստաթղթի մշակման հարցում կբերի նրան, որ վերջնական տարբերակով լիարժեք փաստաթուղթ կներկայացվի: 

«Բայց դա բավարար չէ, կարևոր է, որպեսզի մենք ապագայում կարողանանք այն իրականացնել գործնականում, իսկ դրա համար անհրաժեշտ է, որպեսզի մարդիկ վերանայեն իրենց հայացքները: Մեզ նոր մտածողություն է հարկավոր, որպեսզի լուծենք հին մտածողության արդյունք դարձած խնդիրները»,- ավելացրեց փոխխոսնակը:

Մարդու իրավունքների պաշտպանության ազգային ռազմավարության մշակումը նախատեսված է 2009-2011թթ.-ի միջոցառումների ցուցակով՝ Հայաստան-ԵՄ գործողությունների ծրագրի իրականացման շրջանակներում: Ծրագրի նպատակն է մարդու իրավունքների պաշտպանության և հիմնական ազատությունների ամրապնդումը: Ռազմավարությունը թույլ կտա առավել հետևողական և համակարգված քաղաքականություն իրականացնել այդ բնագավառում, բարձրացնել քաղաքացիների իրազեկվածության մակարդակը, ինչպես նաև կատարել Հայաստանի կողմից իր վրա վերցրած երկկողմ և միջազգային պարտավորությունները:

Լսումներին ներկա են եղել մի շարք դիվանագիտական առաքելությունների և գերատեսչությունների ներկայացուցիչներ, մասնավորապես՝ Ֆրանսիայի դեսպան Անրի Ռենոն, Մարդու իրավունքների պաշտպան Կարեն Անդրեասյանը, ինչպես նաև Հայաստանում ԵՄ պատվիրակության նորանշանակ ղեկավար Տրայան Հրիսթեան (Traian Hristea): -0-

Loading...
Թեմատիկ նյութեր
Բաժնի այլ նյութեր
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։