487.98
-0.05
577.67
+5.94
8.09
-0.1
+3
Եղանակը Երևանում
Հայ
Հայաստանը պետք է չեզոք դիրք զբաղեցնի Արևմուտքի և Իրանի միջև հակամարտության հարցում. փորձագետ
16:47
01 Դեկտեմբերի 2011

ԵՐԵՎԱՆ, 1 դեկտեմբերի. /Նովոստի-Արմենիա/. Հայաստանը պետք է չեզոք դիրք զբաղեցնի եվրոպական երկրների և Իրանի միջև հակամարտության հարցում, կարծում է ՀՀ ԳԱԱ Արևելագիտության ինստիտուտի ավագ գիտաշխատող Գոհար Իսկանդարյանը:

Երեքշաբթի արմատական տրամադրված իրանցի ուսանողները բողոքի ակցիա էին կազմակերպել Իրանում Մեծ Բրիտանիայի դեսպանատան առջև: Բողոքի մասնակիցները մուտք են գործել բրիտանական դիվանագիտական առաքելության գլխավոր շենք, պոկել և այրել են դրոշը՝ նրա փոխարեն տեղադրելով իրանական դրոշը: Ակցիայի մասնակիցները ներխուժել են դիվանագիտական ներկայացուցչության մեկ այլ շենք, որտեղից գողացել են գաղտնի փաստաթղթեր: Այս ամենին ի պատասխան՝ Մեծ Բրիտանիան Իրանից ամբողջովին տարհանել է իր դիվանագիտական անձնակազմին: Դեսպաններին հետ կանչելու մասին որոշում են ընդունել նաև Ֆրանսիան, Գերմանիան և Նիդեռլանդները:

Բրիտանիայի արտգործնախարարության կարծիքով՝ միջադեպը չէր կարող տեղի ունենալ առանց Իրանի կառավարության կողմից որոշակի աջակցության: Բրիտանիայի ԱԳ նախարար Ուիլյամ Հեյգը պահանջել է, որպեսզի Լոնդոնում Իրանի դեսպանատունն անհապաղ փակվի:

Նոյեմբերին վատթարացան իրանաբրիտանական հարաբերությունները: Նախորդ շաբաթ Մեծ Բրիտանիայի կառավարությունը լրացուցիչ ֆինանսական պատժամիջոցներ է կիրառել Իրանի նկատմամբ, որոնք ուղղված են Թեհրանի վրա գործադրվող ճնշման ուժեղացմանը: Այս ամենի առիթ էր դարձել Իրանի միջուկային ծրագրի վերաբերյալ ՄԱԳԱՏԷ-ի զեկույցի հրապարակումը, որը հայտարարեց, որ Թեհրանը մինչև 2003 թ.-ը աշխատանքներ էր իրականացնում միջուկային զենքի ստեղծման ուղղությամբ:

«Կարծում եմ, որ Հայաստանն այս իրավիճակում չի կարող որևէ լուրջ գործողություն ձեռնարկել, այլ կարող է միայն կոչ անել լուծել խնդիրը դիվանագիտական հարթության վրա և առանց ուժի կիրառման, քանի որ ուժի կիրառման հետևանքով առաջին հերթին կտուժի խաղաղ բնակչությունը», - ասաց նա հինգշաբթի «Նովոստի» միջազգային մամուլի կենտրոնում տեղի ունեցած մամուլի ասուլիսի ժամանակ:

Իսկանդարյանի խոսքերով՝ Հայաստանը որևէ կերպ չի կարող պաշտպանել Իրանին և եվրոպական երկրների դեմ դուրս գալ, առավել ևս՝ ՄԱԿ-ում կամ միջազգային այլ կազմակերպություններում:

«Ես նաև չեմ կիսում այն տեսակետը, թե Հայաստանի տարածքը կարող է օգտագործվել Իրանի նկատմամբ ռազմական գործողություններում: Բացի այդ, Հայաստանն ու Իրանը շատ լավ հարաբերություններ ունեն, Իրանը Հայաստանի համար դեպի եվրոպական երկրներ արտաքին առևտրաշրջանառության կարևորագույն ճանապարհն է, և ԱՄՆ-ն դա շատ լավ հասկանում է», - նշել է նա՝ ավելացնելով, որ Հայաստանի չորս հարևաններից երկուսի հետ (Թուրքիա և Ադրբեջան) չկան դիվանագիտական հարաբերություններ, իսկ մեկի հետ (Վրաստան) մշտապես խնդիրներ են ծագում բեռներ տեղափոխելիս:

Մեկնաբանելով Ռուսաստանի դերը Իրանի և արևմտյան երկրների միջև հակամարտության հարցում՝ Իսկանդարյանն ընդգծել է, որ Ռուսաստանի և Իրանի հարաբերությունները կարելի է ռազմավարական համարել:

«Դա երևում էր նաև ՄԱԿ-ի ԱԽ-ում հակաիրանական բանաձևերի ընդունման ժամանակ, երբ Ռուսաստանն ու Չինաստանը կողմ էին Իրանի նկատմամբ պատժամիջոցների մեղմմանը: Ռուսաստանի շահերից չի բխում նրա հարավային սահմանների մոտ պայթյունավտանգ իրավիճակների ստեղծումը: Ի դեպ, Չինաստանը ևս բազմիցս հայտարարել է, որ թույլ չի տա ռազմական գործողություններ իրականացնել Իրանի տարածքում, քանի որ երկու երկրները բավականին սերտորեն են համագործակցում նավթային արդյունաբերության ոլորտում, և իրանական նավթային արդյունաբերության վրա իրականացվող հարվածը կնշանակի հարված Չինաստանի շահերին», - հայտարարել է փորձագետը:-0-

Loading...
Թեմատիկ նյութեր
Բաժնի այլ նյութեր
20:39
15 Նոյեմբերի 2017
Խաչքարեր և ցուցահանդես. մեկնարկել է Սերժ Սարգսյանի այցը ՌԴ (ՖՈՏՈ)
Հայաստանի նախագահ Սերժ Սարգսյանը ՌԴ նախագահ Վլադիմիր Պուտինի հրավերով աշխատանքային այցով այսօր ժամանել է Մոսկվա:
19:46
15 Նոյեմբերի 2017
Կարեն Կարապետյանը պահպանեց վարչապետի պաշտոնում իր վերընտրման վերաբերյալ ինտրիգը
Հայաստանի վարչապետը չորեքշաբթի պատասխանել է երկրի վարչապետի պաշտոնում իր թեկնածության առաջադրման մասին հարցին։
18:35
15 Նոյեմբերի 2017
Հայտնի են Ռուսաստանի կողմից Թուրքիային 2 մլրդ դոլարի С-400 համակարգեր մատակարարելու ժամկետները
С-400 զենիթահրթիռային համակարգի մատակարարումները Թուրքիային կսկսվեն Անկարայի կողմից այս համաձայնագրով նախատեսված բոլոր վճարումները կատարելուց հետո։
17:26
14 Նոյեմբերի 2017
ՀՀ նախագահն աշխատանքային այցով կմեկնի ՌԴ
Սերժ Սարգսյանը կհանդիպի ՌԴ նախագահ Վլադիմիր Պուտինի հետ:
15:14
14 Նոյեմբերի 2017
Հայկական ԶԼՄ–ները` Լավրովի` Երևան և Բաքու սպասվելիք այցերի նպատակների մասին
Ռուսաստանի արտաքին գործերի նախարար Սերգեյ Լավրովը նոյմբերի 19–ին կայցելի Բաքու, իսկ նոյեմբերի 20–ին` Երևան։
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։