485.33
+0.37
572.16
-1.31
8.2
-0.02
-3
Եղանակը Երևանում
Հայ
ԿԱՅԾԱԿ «ԱՄԻ Նովոստի–Արմենիա». երկու տարի վերագործարկումից հետո. ի՞նչ է արվել և դեռ ի՞նչ ենք ուզում անել
Երևանի նոր քաղաքապետը երդվել է ծառայել Հայաստանի մայրաքաղաքի բարգավաճմանը
12:38
18 Նոյեմբերի 2011

ԵՐԵՎԱՆ, 18 նոյեմբերի. /Նովոստի-Արմենիա/. Տարոն Մարգարյանը պաշտոնապես ստանձնել է Երևանի քաղաքապետի պաշտոնը` ուրբաթ երդվելով «Երևանի մասին» օրենքի վրա:

«Խոստանում եմ բարեխղճորեն կատարել Երևանի քաղաքապետի պարտականությունները` ՀՀ Սահմանադրությանը համապատասխան, ծառայել մայրաքաղաքի և նրա բնակիչների բարգավաճմանը», - ասել է Մարգարյանը երդմնակալության արարողության ժամանակ:

Մարգարյանի երդմնակալության արարողությանը ներկա էին ՀՀ նախագահ Սերժ Սարգսյանը, ՀՀ վարչապետ Տիգրան Սարգսյանն ու Երևանի ավագանու խորհրդի անդամները: ՀՀ նախագահը շնորհավորական խոսքում Մարգարյանին մաղթել է ուժ, համբերություն և եռանդ մայրաքաղաքի քաղաքապետի պաշտոնում պարտականությունների կատարման գործընթացում:

«Դու իրավունք չունես հիասթափեցնել համաքաղաքացիներին և գործընկերներին: Մենք միշտ քո կողքին ենք և միշտ պատրաստ ենք աջակցել քեզ», - ասել է Սարգսյանը:

Ինչպես նշել է ՀՀ նախագահը, քաղաքապետի հիմնական խնդիրն է թեթևացնել մայրաքաղաքի բնակիչների կյանքը և անել հնարավոր ամեն ինչ` քաղաքի բարգավաճման համար:

Երևանի Ավագանու խորհուրդը նոյեմբերի 15-ին Երևանի քաղաքապետի պաշտոնում միաձայն ընտրել է ՀՀ նախկին վարչապետ Անդրանիկ Մարգարյանի որդուն` Տարոն Մարգարյանին:

Քաղաքապետի պաշտոնը մնացել էր թափուր այն բանից հետո, երբ Երևանի նախկին քաղաքապետ Կարեն Կարապետյանը հոկտեմբերի 28-ին հրաժարականի մասին դիմում էր ներկայացրել` իր որոշումը բացատրելով այլ աշխատանքի անցնելով և անձնական պատճառներով:

Հայաստանի Հանրապետական կուսակցության խորհուրդը հոկտեմբերի 31-ի նիստում Երևանի քաղաքապետի պաշտոնում առաջադրել էր Տարոն Մարգարյանի թեկնածությունը, ով զբաղեցնում էր Երևանի փոխքաղաքապետի պաշտոնը: 

Նոր քաղաքապետն իր հերթին շնորհակալություն հայտնելով ՀՀԿ նախագահ, ՀՀ նախագահ Սերժ Սարգսյանին և կուսակցությանը` հայտարարել է, որ քաղաքային վարչության մարմնի ղեկավարի պաշտոնում աշխատանքը իրեն հոգեպես մոտ է:

«Ես լավ ուսումնասիրել եմ քաղաքային տնտեսության հարցերը և կարծում եմ, որ թիմային մոտեցմամբ մենք կարող ենք հաջողության հասնել մայրաքաղաքի զարգացման գործում», - ասել է նա:

Տարոն Մարգարյանը ծնվել է 1978 թվականի ապրիլի 17-ին Երևանում, մտավորականի ընտանիքում:

1995թ. էքստեռն կարգով ավարտել է Ավանի թիվ 177 դպրոցը և նույն թվականին ընդունվել Հայկական գյուղատնտեսական ակադեմիա:
2001թ. ավարտել է Հայկական գյուղատնտեսական ակադեմիայի մագիստրատուրան և ստացել ճարտարագիտության մագիստրոսի աստիճան` գյուղատնտեսության մեքենայացում մասնագիտությամբ:

2001-2003թթ. աշխատել է ՀՀ կառավարությանն առընթեր անշարժ գույքի կադաստրի պետական կոմիտեի Նոր Նորքի տարածքային ստորաբաժանումում որպես առաջատար մասնագետ, այնուհետև` բաժնի պետ: 2003թ. նշանակվել է ՀՀ բնապահպանության նախարարության կենսառեսուրսների կառավարման գործակալության պետի տեղակալ: 2005թ. ընտրվել է Երևան քաղաքի Ավան համայնքի ղեկավար: 2008թ. վերընտրվել է Երևան քաղաքի Ավան համայնքի ղեկավարի պաշտոնում:2009թ. մայիսի 31-ին ընտրվել է Երևանի ավագանու անդամ: 2009թ. հուլիսի 7-ին միաձայն ընտրվել է Երևանի քաղաքապետի առաջին տեղակալ:2005 թվականից «Խութ» բարեգործական հիմնադրամի հոգաբարձուների խորհրդի նախագահն է: 1996 թվականից Հայաստանի հանրապետական կուսակցության անդամ է, իսկ 2006 թվականից` ՀՀԿ խորհրդի անդամ: 1998 թվականից ղեկավարում է Հայաստանի հանրապետական կուսակցության Ավանի տարածքային կազմակերպության խորհուրդը: 2010թ. ընտրվել է ԵԿՄ վարչության անդամ:

Հասարակական-քաղաքական գործունեության ընթացքում պարգևատրվել է ՀՀ նախագահի կողմից` Անանիա Շիրակացու մեդալով,
ՀՀ Ազգային Ժողովի նախագահի կողմից` ՀՀ ԱԺ պատվո մեդալով, «Հայաստանի համայնքների միության» կողմից` ոսկյա, անվանական հուշամեդալով Հայաստանում տեղական ժողովրդավարության զարգացմանն անձնական նշանակալից ներդրման համար, ՀՀ պաշտպանության նախարարության կողմից` «Գարեգին Նժդեհ» մեդալով, Երևանի քաղաքապետի կողմից` Ոսկե մեդալով,Հայաստանի ագրարային համալսարանի ոսկե մեդալով, Ֆրիտյոֆ Նանսենի ոսկե հուշամեդալով և «Լեռնահայաստանի Արծիվ» ոսկե հուշամեդալով, Երկրապահ կամավորականների միության կողմից` «Սպարապետ Վազգեն Սարգսյան» շքանշանով:

Տարոն Մարգարյանի պաշտոնավարման ընթացքում Ավան համայնքը երկու տարի անընդմեջ ճանաչվել է ՀՀ լավագույն թաղային համայնք:
Ամուսնացած է, ունի մեկ դուստր և երեք որդի:-0-

Loading...
Թեմատիկ նյութեր
Բաժնի այլ նյութեր
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։
20:26
27 Նոյեմբերի 2017
Հանրապետության քաղաքացիները կզգան Հայաստան–ԵՄ համաձայնագրի օգուտը. Սվիտալսկի
Հայաստանի քաղաքացիները ժամանակի ընթացքում կզգան Հայաստան–Եվրամիություն համաձայնագրի օգուտը։