480.39
+0.17
536.6
+0.48
8.07
+0.03
+18
Եղանակը Երևանում
Հայ
Առկա ռազմական հավասարակշռությունը Ղարաբաղում պատերազմի չվերսկսում է երաշխավորում. ռուս փորձագետ
15:09
14 Նոյեմբերի 2011

ԵՐԵՎԱՆ, 14 նոյեմբերի. /Նովոստի-Արմենիա/. Առկա ռազմական հավասարակշռությունը ռազմական գործողությունների չվերսկսման երաշխիքն է, կարծում է Սևծովյան-Կասպյան տարածաշրջանի քաղաքական և սոցիալական հետազոտությունների ինստիտուտի գիտաշխատող, ռուս փորձագետ Անդրեյ Արեշևը:

«Այդ իրավիճակը պահպանվում է, և կարծում եմ, որ բավական երկար ժամանակ կպահպանվի: Իհարկե, դա Ադրբեջանի և Հայաստանի տնտեսության համար լուրջ ծանրություն է»,- երկուշաբթի Երևանում լրագրողներին ասաց Արեշևը: Ըստ նրա՝ Բաքվի և Երևանի վերջին զինվորական շքերթները վկայում են, որ հակամարտող  կողմերի բանակներն ի վիճակի են հավասարակշռություն ապահովել:

«Իմ կարծիքով՝ ոչ ոք չպետք է իլյուզիա ունենա, որ ինչ-որ կայծակնային պատերազմ սկսելով՝ կհասնի իր նպատակներին»,- ընդգծեց փորձագետը:

Խոսելով կարգավորման հեռանկարների մասին՝ Արեշևը նշեց, որ բանակցային գործընթացի կշարունակվի, և Մինսկի խումբը ոչ ոք չի ցրի:

«Ինչ վերաբերում է բանակցային գործընթացի առաջխաղացումներին և Ռուսաստանի հնարավոր քաղաքականությանը, ապա ինձ թվում է, որ Հարավային Կովկասում այդ քաղաքականությանն առավել հստակ, առավել համակարգված  կերպար տալը, իհարկե, կնպաստեր իրավիճակի կայունացմանը, քանի որ դա զերծ կպահեր որոշ գործընկերներին՝ ինչ-որ սադրիչ պահերից»,- ասաց փորձագետը:

Նա ընդգծեց, որ Կովկասում որքան ուժեղ լինի Ռուսաստանը, այնքան ամուր կլինեն երաշխիքները ինչ-որ լայնածավալ ռազմական միջամտությունից:

Ըստ Արեշևի՝ 2011թ.-ի փորձը ցույց տվեց, որ ոչ մի հարձակումների և կասկածելի առաջարկների փաթաթման հաշվին փիառ ձեռք բերելու փորձերը չեն անցնում: «Եվ Բաքուն, և Երևանը հիանալի հասկանում են, որ առկա իրավիճակում ռազմական մկաններով խաղալու, քարոզչական հռետորության պայմաններում, որը նախևառաջ Ադրբեջանից է բխում, փոխադարձ վստահության բացակայության պայմաններում ինչ-որ աբստրակտ, թղթային, իրական որևէ բանով չամրագրված սկզբունքներն ինքնասպանություն են ոչ միայն Հայաստանի, այլև Ադրբեջանի վերնախավերի համար»,- կարծում է փորձագետը:

«Ռազմական հավասարակշռությունն առկա է, և ոչ ոք  չի կոտրի այդ ռազմական հավասարակշռությունը: Ստեղծված իրավիճակում ես առաջիկայում ոչ մի հնարավորություն չեմ տեսնում որևէ դիվանագիտական առաջխաղացման համար»,-ավելացրեց Արեշևը՝ հիշեցնելով, որ ինչպես Հայաստանը, այնպես էլ Ռուսաստանը ոչ պարզ նախընտրական ժամանակահատվածում են գտնվում: «Այնպես որ, նվազագույնը կես տարվա ընթացքում ինչ-որ հերթական առաջխաղացման գաղափարների մասին կարելի է մոռանալ»,- ասաց փորձագետը:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
00:46
26 Հունիսի 2017
Հայկական ձևով հնդկահավն իրարանցում է առաջացրել Բաքու մեկնող ինքնաթիռում (ՎԻԴԵՈ)
Հայկական ձևով հնդկահավն ու բրինձը իրարանցում են առաջացրել Բաքու մեկնող ինքնաթիռում։
21:02
22 Հունիսի 2017
Սերժ Սարգսյանը ԵԺԿ–ի գագաթնաժողովում ներկայացրել է Հայաստանի առաջընթացը
Հայաստանի նախագահ Սերժ Սարգսյանը Բրյուսելում մասնակցել է Եվրոպական ժողովրդական կուսակցության` ընդլայնված կազմով գագաթնաժողովին:
14:01
22 Հունիսի 2017
Նիկոլ Փաշինյանը`Վահրամ Բաղդասարյանին. «Պադեզդի մակարդակ եք ուզում, եկեք գնանք...» (ՎԻԴԵՈ)
«Գիշերը երևի վատ է անդրադարձել, երեկ ավելի օբյեկտիվ ելույթներ էին հնչում»,-ասաց Վահրամ Բաղդասարյանը:  
19:09
21 Հունիսի 2017
ՀՀ նախագահն աշխատանքային այցով մեկնել է Բրյուսել
ՀՀ նախագահ Սերժ Սարգսյանն այսօր երեկոյան աշխատանքային այցով մեկնել է Բելգիայի Թագավորություն։
15:20
20 Հունիսի 2017
Ֆրանսահայ համայնքի պատմության նոր էջ. 4 հայ պատգամավորներ ընտրվել են Ֆրանսիայի ԱԺ–ում
Էմանուել Մակրոնի «Առաջ, հանրապետություն» կուսակցությունից չորս ֆրանսահայեր անցել են Ֆրանսիայի խորհրդարան:
15:26
19 Հունիսի 2017
Հայաստանի և Ադրբեջանի նախագահները պատրաստ են շարունակել բանակցությունները ԼՂ հիմնահարցի շուրջ. ռուս միջնորդ
Հայաստանի և Ադրբեջանի նախագահներ Սերժ Սարգսյանն ու Իլհամ Ալիևը պատրաստ են շարունակել ղարաբաղյան հակամարտության կարգավորմանն ուղղված խաղաղ բանակցությունները:
18:54
15 Հունիսի 2017
Մենք կարող ենք ինքներս լուծել և՛ Ղարաբաղում, և՛ Մերձդնեստրում, և՛ Ուկրաինայում առկա խնդիրները. Լուկաշենկո
Բելառուսի նախագահ Ալեքսանդր Լուկաշենկոն անդրադարձել է ՀԱՊԿ տարածաշրջանի երկրների որոշ խնդիրների։
20:00
14 Հունիսի 2017
Հայաստանն ու Տաջիկստանը, հնարավոր է, ուղիղ ավիահաղորդակցություն գործարկեն. Սարգսյան
Հայաստանն ու Տաջիկստանը դիտարկում են երկու երկրների միջև ուղիղ ավիաչվերթի գործարկման հնարավորությունը:
18:41
14 Հունիսի 2017
Տաջիկստանի նախագահը նշել է Հայաստանի հետ համագործակցության հեռանկարային ոլորտները (ՖՈՏՈ)
ՀՀ նախագահի հրավերով պաշտոնական այցով այսօր Հայաստան է ժամանել Տաջիկստանի Հանրապետության նախագահ Էմոմալի Ռահմոնը:
14:43
13 Հունիսի 2017
Նալբանդյանը նշել է ԵՄ-ի հետ շրջանակային համաձայնագրի ստորագրման ժամկետը
Էստոնիան ԵՄ նախագահությունը կստանձնի հուլիսի 1-ից:
13:43
12 Հունիսի 2017
Հայաստան կայցելի Էստոնիայի արտգործնախարար Սվեն Միկսերը
Էստոնիայի արտգործնախարարին կընդունեն հանրապետության նախագահը, Ազգային ժողովի նախագահը և վարչապետը։
15:38
09 Հունիսի 2017
ՀՀ նախագահն աշխատանքային այցով մեկնել է Ղազախստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղազախստանի Հանրապետություն: