482.25
+0.32
566.07
-3.09
8.39
+0.02
+8
Եղանակը Երևանում
Հայ
Ղարաբաղը Մոսկվայի և Բաքվի միջև առուծախի առարկա չէ. ռուս փորձագետ
14:24
14 Նոյեմբերի 2011

Լեռնային Ղարաբաղի հարցը Ռուսաստանի և Ադրբեջանի միջև առուծախի առարկա չէ, երկուշաբթի Երևանում լրագրողներին ասաց Սևծովյան-Կասպյան տարածաշրջանի քաղաքական և սոցիալական հետազոտությունների ինստիտուտի գիտաշխատող Անդրեյ Արեշևը:

«Հնարավոր է՝ ինչ-որ մեկն այդպես էր ցանկանում, բայց պրակտիկան և այն իրադարձությունները, որոնք կատարվում են ղարաբաղյան հակամարտության շուրջ, վկայում են այն մասին, որ դա բոլորովին էլ այդպես չէ»,- ասաց Արեշևը:

Ըստ նրա՝ ղարաբաղյան հարցը Ռուսաստանի, ԱՄՆ-ի և ԵՄ-ի, մասնավորապես Ֆրանսիայի միջև բազմաբնույթ փոխգործակցության առարկա է:

«Այն բարդ համակարգում, երբ ղարաբաղյան հակամարտությունը որպես Հարավային Կովկաս թափանցելու և Հարավային Կովկասում ինչ-որ հարցեր լուծելու մեխանիզմ է օգտագործվում, ուղիղ պայմանավորվածությունները և  որոշակի խոստումները միանգամայն անիրականանալի են»,- ասաց փորձագետը:

Ըստ նրա՝ բոլորի համար ակնհայտ է, որ դրանք այն հարցերը չեն, որոնք կարող է լուծել Մոսկվան, ռուսական ղեկավարությունը՝ ճնշում գործադրելով հայկական ղեկավարության վրա «թեկուզ այն պատճառով, որ Ղարաբաղը, ինչպես էլ նրան վերաբերվեն, ինչպես էլ հայտարարեն դրա ճանաչված չլինելու մասին, դե ֆակտո միջազգային քաղաքականության սուբյեկտ է»:

«Բոլոր նրանք, ովքեր իրոք զբաղվում են ղարաբաղյան հարցով, դա հրաշալի հասկանում են: Դա հրաշալի հասկանում են նաև ԵԱՀԿ Մինսկի խմբի ներկայացուցիչները: Տարածաշրջան կատարած նրանց այցն անպայման ներառում է նաև Ստեփանակերտը: Այդ մասին հրապարակավ չի ասվում, որպեսզի ինչ-որ մեկին չվիրավորեն և լրացուցիչ զգացմունքեր չառաջացնեն, բայց փաստացիորեն դա այդպես է»,- ասաց փորձագետը:

Նա նշեց, որ Ղարաբաղի շուրջ առուծախքի վերաբերյալ խոսակցությունները չպետք է շատ լուրջ ընդունել: «Հնարավոր է՝ ինչ-որ մեկն այդ կերպ փորձում է ռուս-հայկական հարաբերությունների դիմացկունությունը, անշուշտ»,- ընդգծեց Արեշևը:

Ինչ վերաբերում է որպես միջնորդ Ռուսաստանի ակտիվացմանը, ապա, ըստ փորձագետի, 2011թ.-ին նկատվող ակտիվացումը համաձայնեցված էր մյուս համանախագահների, նախևառաջ՝ ԱՄՆ-ի հետ:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը: