484.51
-0.37
518.72
-3.16
8.61
-0.05
+10
Եղանակը Երևանում
Հայ
Հայաստանում տեղի ունեցող կադրային տեղափոխությունների և հրաժարականների գործընթացը վայել չէ քաղաքակիրթ երկրներին. ընդդիմադիր պատգամավոր
19:27
03 Նոյեմբերի 2011

Հայաստանում կադրային տեղափոխությունների և հրաժարականների գործընթացը չի տեղավորվում նորմալ երկրում բնակվող քաղաքացու տրամաբանության մեջ և վայել չէ քաղաքակիրթ երկրներին, կարծում է Դաշնակցությունից ԱԺ պատգամավոր, ՀՀ ԱԺ արտաքին հարաբերությունների հանձնաժողովի նախագահ Արմեն Ռուստամյանը:

Հայաստանում վերջին օրերին կադրային լուրջ փոփոխություններ են տեղի ունեցել: Հոկտեմբերի 28-ին զբաղեցրած պաշտոնից հեռացավ Երևանի քաղաքապետ Կարեն Կարապետյանը: Քաղաքապետի պաշտոնին ՀՀԿ-ն առաջարկել է փոխքաղաքապետ Տարոն Մարգարյանի թեկնածությունը, ով 2007 թ.-ին մահացած ՀՀ նախկին վարչապետ Անդրանիկ Մարգարյանի որդին է:

Բացի այդ, երեքշաբթի ՀՀ նախագահ Սերժ Սարգսյանը պաշտոնից ազատեց ՀՀ ոստիկանապետ Ալիկ Սարգսյանին՝ նրա տեղը նշանակելով ՀՀ պաշտպանության նախկին փոխնախարար Վլադիմիր Գասպարյանին: Օրերս իր հրաժարականի մասին հայտնել է ՀՀ ԱԺ խոսնակ Հովիկ Աբրահամյանը, ով 2012 թ.-ի խորհրդարանական ընտրություններից առաջ կգլխավորի ՀՀԿ նախընտրական շտաբը:

«Մարդիկ հրաժարվում են կարևորագույն պաշտոններից՝ անցնելով այլ պաշտոնների, չտալով որևէ պարզաբանում», - լրագրողներին խորհրդարանում ասել է Ռուստամյանը:

Միաժամանակ նա նշել է, որ անհրաժեշտ և շատ կարևոր է բացատրել, թե ինչու է ոստիկանապետը պաշտոնից հեռացվել և նշանակվել նախագահի խորհրդական կամ ինչու է Երևանի քաղաքապետը հրաժարական տվել:

«Երբ մենք լսում ենք դրա մասին, հասկանալի է դառնում, որ կուլիսների հետևում լուրջ գործընթացներ են տեղի ունենում, որոնց մասին պարզապես անհարմար է խոսել», - ասել է նա:

Պատգամավորը նաև նշել է, որ այս ասպեկտում մնացած իրադարձություններից էականորեն տարբերվում է ՀՀ ԱԺ խոսնակի հրաժարականը, քանի որ նա «ազնվորեն հայտարարեց այն մասին, թե ինչ է տեղի ունենում՝ մեծապես կարևորելով նախընտրական շտաբի պետի պաշտոնը»:

Ռուստամյանի խոսքերով՝ այս գործընթացները վկայում են այն մասին, որ իշխանությունները փորձում են ամրապնդել իրենց դիրքերն ու պահպանել ռեսուրսները, որպեսզի իշխանության վերարտադրությունը չտուժի:

«Որոշակի մարտահրավերներ են առաջացել, և նրանք հասկացել են, որ այդ ամենը կարող է լուրջ բողոքների հագնեցնել և սպառնալիքի տակ դնել իշխանության վերարտադրման գործընթացը», - ասաց Ռուստամյանը՝ պարզաբանելով, որ այդ տեղափոխություններն արվում են՝ իշխանության միատարրությունն ամրապնդելու նպատակով:

Այդ համատեքստում պատգամավորը չի բացառել այն բանի հավանականությունը, որ սկսած գործընթացը կշարունակվի նաև ապագայում:

«Նման թիմի համար բոլոր նրանք, ովքեր նրա կազմում չեն, օտարներ են, թշնամիներ: Այլ խոսքերով՝ հասարակությունը կիսվել է «յուրայինների» և «օտարների», և նրանք (իշխանությունները), կազմելով փոքրամասնություն, ցանկանում են «յուրայինների» օգնությամբ կրկին ամրապնդել իրենց գերիշխանությունը՝ մեծամասնությանը թողնելով բախտի քմահաճույքին», - ասել է նա:

Ռուստամյանի խոսքերով՝ այդ պատճառով Հայաստանի բնակիչները պետք է չհեռանան երկրից, այլ մնան և «ազատվեն նման իշխանությունից»:-0-

Loading...
Թեմատիկ նյութեր

Բաժնի այլ նյութեր
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով:
11:15
06 Ապրիլի 2017
Րաֆֆի Հովհաննիսյանն ու Վարդան Օսկանյանը դու՞րս են գալիս քաղաքականությունից
Երկուսն էլ նախկինում ԱՄՆ քաղաքացիներ են եղել։
19:02
30 Մարտի 2017
Հայ քաղաքագետը հայտնել է առաջիկա ընտրությունների հիմնական ինտրիգը
Քաղաքագետ Սերգեյ Մինասյանը հայտնել է խորհրդարանական ընտրությունների` փորձագիտական հանրությանը հետաքրքրող հիմնական ինտրիգը։
19:40
27 Մարտի 2017
Հայաստանի և Ադրբեջանի ԱԳՆ ղեկավարները բարձր մակարդակով հանդիպում են նախապատրաստում. Հոգլանդ
Հայաստանի և Ադրբեջանի արտաքին գործերի նախարարները բարձր մակարդակով հանդիպում են նախապատրաստում: