484.62
+0.09
528.04
-0.05
8.53
-0.04
+15
Եղանակը Երևանում
Հայ
Հայաստանը լուրջ վնաս չի կրի ՄԱԿ ԱԽ-ում Ադրբեջանի անդամակցությունից
16:37
03 Նոյեմբերի 2011

Հայաստանը լուրջ վնաս չի կրի ՄԱԿ ԱԽ-ում Ադրբեջանի անդամակցության պատճառով, կարծում է ՀՀ ԱԳ նախարար Էդվարդ Նալբանդյանը:

Հոկտեմբերի 24-ին Ադրբեջանն ընտրվել է ՄԱԿ-ի Գլխավոր Վեհաժողովի Անվտանգության խորհրդի նոր ոչ մշտական անդամ` երկու տարի ժամկետով: ՄԱԿ ԱԽ-ում ներառված է 15 պետություն, որոնցից հինգը մշտական անդամներ են, որոնք իրավունք ունեն արգելափակել որևէ որոշման ընդունում: Այդ երկրներն են` Ռուսաստանը, ԱՄՆ-ն, Չինաստանը, Մեծ Բրիտանիան և Ֆրանսիան: Մնացած երկրները թարմացվում են ռոտացիոն հիմքով՝ հինգական երկիր երկու տարին մեկ անգամ
 
«Այդ կապակցությամբ շատ են զգացողական հայտարարությունները, որոնք հիմնված են Ադրբեջանի քարոզչության վրա, թե` տեսեք, Ադրբեջանն ինչի հասավ և կարող է Լեռնային Ղարաբաղի հարցը տեղափոխել Անվտանգության խորհուրդ և այլն: Սակայն, իրականության մեջ չեմ կարծում, թե այդ անդամակցությանը պետք է այդքան արձագանք տայինք: Չարժե կարծել, թե Հայաստանը կրել և լուրջ վնաս կկրի դրանից», - ասել է Նալբանդյանի հինգշաբթի ՀՀ ԱԺ-ում Հայաստանի պետբյուջեի 2012 թ.-ի նախագծի քննարկման ընթացքում:

Խոսելով ղարաբաղյան հարցը ՄԱԿ ԱԽ տեղափոխելու թեմայի մասին՝ ՀՀ ԱԳ նախարարը հիշեցրել է, որ ԵԱՀԿ ՄԽ համանախագահ-երկրները, որոնք ԱԽ-ի մշտական անդամներ են, բազմիցս հայտարարել են, որ ղարաբաղյան հարցը պետք է լուծվի ՄԽ-ի շրջանակներում, այլ ոչ թե տեղափոխվի այլ հարթակներ:

Բացի այդ, Նալբանդյանը սխալ է համարում պնդումներն այն մասին, թե ՄԱԿ-ի ԱԽ-ում Ադրբեջանի անդամակցությունը վկայում է այն մասին, որ միջազգային հանրությունն աջակցում է պաշտոնական Բաքվի դիրքորոշմանը հակամարտության կարգավորման գործում և պայմաններ է ստեղծում՝ ավելի մեծ աջակցություն ստանալու համար:

«Այսօր Ադրբեջանն ինքն իրեն փակուղու մեջ է գցել, քանի որ միջազգային հանրությունն արդեն հայտնել է իր կարծիքը, որը համահունչ է Հայաստանի, այլ ոչ թե Ադրբեջանի դիրքորոշման հետ», - ասել է նա:

Այս կապակցությամբ ՀՀ ԱԳ նախարարը հիշեցրել է, որ միջազգային հանրության դիրքորոշումն արտացոլող համանախագահ-երկրների կարծիքները հրապարակայնորեն հնչել են ամենաբարձր մակարդակում Աքվիլլայում, Մուսկոկում, Թուրինում, համապատասխան հայտարարություններ են արվել ԵԱՀԿ ՄԽ-ի շրջանակներում Աթենքում, Հելսինկիում, Ալմաթիում և Աստանայում, ինչպես նաև ամրագրվել են փաստաթղթում, որը ներկայացվել է կողմերին Կազանի հանդիպման ժամանակ:

«Հայաստանը հայտարարել և շարունակում է հայտարարել, որ իր դիրքորոշումը համահունչ է տվյալ հայտարարությունների և փաստաթղթերի հետ, և մենք պատրաստ ենք դրանց հիման վրա շարունակել բանակցությունները», - ասել է նա:

«Ադրբեջանը, դառնալով ՄԱԿ-ի անվտանգության խորհրդի ոչ մշտական անդամ, միգուցե ավելի լուրջ ու ավելի կառուցողական մոտեցումներ ցուցաբերի` տեսնենք: Սակայն կասկածելի է… Արդյո՞ք Ադրբեջանը հետ կկանգնի պատերազմ հրահրելու կոչերից, ռազմատենչ հայտարարություններից, ռասսայական հայտարարություններից: Խիստ կասկածելի է», - ասել է նա:

Ելույթի վերջում ՀՀ ԱԳ նախարարը նշել է, որ Հայաստանը շարունակելու է հավասարակշիռ ու հանգիստ քաղաքականությունը թե Ղարաբաղյանը հիմնախդրի կարգավորման, թե տարածաշրջանում կայունության կարգավորման ամրապնդման առումով:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր

Բաժնի այլ նյութեր
21:09
27 Ապրիլի 2017
Շարմազանով. տեսանելի ապագայում ՀՀԿ-ն ու ՀՅԴ-ն համագործակցության նոր փաստաթուղթ կստորագրեն
Տեսանելի ապագայում ՀՀԿ-ն ու ՀՅԴ-ն կստորագրեն համագործակցության նոր փաստաթուղթ:
14:04
26 Ապրիլի 2017
Մոսկվայում կկայանա Հայաստանի, ՌԴ-ի և Ադրբեջանի ԱԳ նախարարների հանդիպումը
Մոսկվայում կկայանա Ռուսաստանի, Հայաստանի և Ադրբեջանի արտգործնախարարների եռակողմ հանդիպումը։
11:13
26 Ապրիլի 2017
Նախօրեին վիճել են ՀՀ վարչապետ Կարեն Կարապետյանն ու ՀՅԴ բյուրոյի պատասխանատուն
Խոսակցության թեման եղել է նոր կառավարության կազմը և ՀՅԴ-ի պորտֆելները:
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով: