487.29
-0.01
568.08
+2.76
8.23
+0.01
+13
Եղանակը Երևանում
Հայ
Միջազգային եվրոպական շարժման կոնգրեսի մասնակիցները քննարկում են Երևանյան հռչակագիրը
12:09
21 Հոկտեմբերի 2011

ԵՐԵՎԱՆ, 21 հոկտեմբերի. /Նովոստի-Արմենիա/. Երևանում անցկացվող Միջազգային եվրոպական շարժման (ՄԵՇ) կոնգրեսի մասնակիցներն ուրբաթ քննարկում են Երևանյան հռչակագիրը, որն ուղղորդող փաստաթուղթ կդառնա «Արևելյան գործընկերության» երկրների և Եվրամիության միջև ինտեգրման հարցում քաղաքացիական հասարակության դերի համատեքստում:

«Հռչակագիրը բաղկացած է երեք մասից. առաջինը վերաբերում է քաղաքացիական հասարակությանը ցուցաբերվող ԵՄ աջակցությանը, երկրորդը՝ ազգային բարեփոխումներին, երրորդը՝ մուտքի արտոնագրի ռեժիմի դյուրացման միջոցով ազատ տեղաշարժվելու իրավունքի ազատականացմանը», - ասել է լրագրողներին Հայաստանի եվրոպական շարժման նախագահ Վիկտոր Ենգիբարյանը ՀՀ ԱԺ-ի միջանցքում:

Նա պարզաբանել է, որ փաստաթուղթը պատրաստ կլինի արդեն այսօր երեկոյան, փաստաթուղթը քննարկվել է նախօրեին՝ սեմինարի ժամանակ, երբ կոնգրեսի մասնակիցները ներկայացրել են իրենց առաջարկները:

Նախօրեին մեկնարկած երկօրյա կոնգրեսին մասնակցում է շուրջ 150 պետական, քաղաքական և հասարակական գործիչ Եվրոպայի տարբեր երկրներից:

Ենգիբարյանի խոսքերով՝ հետաքրքիր է հռչակագրի այն մասը, որտեղ մասնակիցներն առաջարկում են ԵՄ-ին աջակցել Լեռնային Ղարաբաղի քաղաքացիական միավորումներին և այլ դե-ֆակտո պետություններին, և քանի որ այդ առաջարկին ոչ ոք դեմ չի եղել, «մենք կարծում ենք, որ այն կընդունվի»:

«Հռչակագրի վերջնական տարբերակի ընդունումից հետո այն կուղարկվի Եվրոպական շարժման ողջ կառույցին, որը ներառում է շուրջ 40 ազգային խորհուրդներ, այդ թվում նաև համաեվրոպական կուսակցություններ և տնտեսական ոլորտը ներկայացնող հեղինակավոր կազմակերպություններ, որոնք կքննարկեն փաստաթուղթն իրենց կառույցներում», - նշել է Ենգիբարյանը:

Նա նաև ընդգծել է, որ նման հռչակագրերը հետագայում բավականին լուրջ ազդեցություն են ունենում իրական քաղաքական գործընթացների վրա:

Միջազգային եվրոպական շարժան նախագահ Փեթ Քոքսն իր հերթին նշեց, որ կոնգրեսը հաջողությամբ է պսակվել, և ՄԵՇ-ը ցանկանում է աջակցել եվրոպական հայացքներ ունեցող ակտիվ երիտասարդների շարժման զարգացմանը:

«Հուսով ենք, որ առաջիկայում համագործակցություն կհաստատվի բազմաթիվ ծրագրերի, այդ թվում նաև վիզային քաղաքականության շուրջ», - հայտարարել է նա:

Ադրբեջանում Եվրոպական շարժման նախագահ Սուրխան Լատիֆովի խոսքերով՝ այս կոնգրեսը շատ կարևոր է «Արևելյան գործընկերության» բոլոր երկրների համար: «Մենք  կարևոր խնդիրներ ենք քննարկում, այդ թվում նաև ԵՄ-ի և «Արևելյան գործընկերության» երկրների միջև համագործակցությանն առնչվող հարցերը», - ասել է նա:

Նա նաև նշել է, որ Հայաստանում կոնգրեսի աշխատանքներին մասնակցելու հրավեր ստանալով՝ որևէ անհանգստություն չի ունեցել: «Եվրոպական շարժումն անկախ կազմակերպություն է, և ոչ ոք չի կարող ճնշում գործադրել նրա վրա», - ասել է Լատիֆովը:

ԵՄ-ի «Արևելյան գործընկերություն» ծրագիրը նպատակաուղղված է Ադրբեջանի, Հայաստանի, Վրաստանի, Մոլդովայի, Ուկրաինայի և Բելառուսի հետ ԵՄ-ի քաղաքական և տնտեսական մերձեցմանը: Մինչև 2013 թ.-ը նախատեսված է այդ երկրներին տրամադրել 600 մլն եվրո, որը նախատեսված է պետական ինստիտուտների ամրապնդման, սահմանների վերահսկման և փոքր բիզնեսին օգնություն ցուցաբերելու համար:-0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։