478.42
-0.15
561.67
-0.12
8.1
+0.05
+34
Եղանակը Երևանում
Հայ
Հայաստանը նպատակաուղղված է անվտանգության միջավայրում հարաբերությունների դիվերսիֆիկացմանը. դիվանագետ
19:14
18 Հոկտեմբերի 2011

ԵՐԵՎԱՆ, 18 հոկտեմբերի. /Նովոստի-Արմենիա/. Հայաստանը նպատակաուղղված է անվտանգության միջավայրում տարբեր գործընկերների հետ իրենց հարաբերությունների դիվերսիֆիկացմանը, ինչպես նաև իր ռազմավարական դաշնակիցների հետ համագործակցության խորացմանը, երեքշաբթի ասաց ՀՀ ԱԳՆ սպառազինությունների վերահսկման և միջազգային անվտանգության վարչության պետ Սամվել Մկրտչյանը:

«Այս ամենը հնարավորություն կտա ավելի արդյունավետ քաղաքականություն վարել անվտանգության ոլորտում», - Հայաստանում ՆԱՏՕ-ի շաբաթվա անցկացմանը նվիրված մամուլի ասուլիսի ժամանակ ասաց Մկրտչյանը:

Հայաստանում ՆԱՏՕ-ի շաբաթվա միջոցառումներն անցնում են հոկտեմբերի 16-21-ը Հայաստան-ՆԱՏՕ անհատական գործընկերության ծրագրի (IPAP) շրջանակներում:

Մկրտչյանը նաև ընդգծեց, որ ՆԱՏՕ-ն եվրոպական տարածաշրջանում շարունակում է մնալ անվտանգության հիմնական կառույցներից մեկը, և նրա հետ կապերը կարևոր են ինչպես Հայաստանի, այնպես էլ մնացած գործընկերների համար հենց գլոբալ անվտանգության ապահովման համատեքստում:

Խոսելով ՆԱՏՕ-ի շաբաթվա մասին՝ վարչության պետը նշեց, որ այս օրերին երկրում կկազմակերպվեն տարբեր միջոցառումներ, այդ թվում նաև քննարկումներ կլոր սեղանների, դասախոսությունների, ֆիլմերի ցուցադրության շրջանակներում, հանդիպումներ, ինչպես նաև տեղի կունենա եզրափակիչ աշխատանքային կոնֆերանս՝ նվիրված սահմանային անվտանգության հարցերին:

«Այս միջոցառումների ընթացքում մենք փորձում ենք հասարակությանը տեղեկատվություն տրամադրել համագործակցության այն ոլորտների և ծրագրերի մասին, որոնք իրականացվում են Հյուսիսատլանտյան դաշինքի հետ», - ասաց նա՝ պարզաբանելով, որ նման կերպով նպատակ է հետապնդվում բարձրացնել բնակչության լայն շերտերի իրազեկվածությունը Հայաստանի և ՆԱՏՕ-ի համագործակցության մասին, «որն, անխոս, փոխշահավետ է»:

ՀՀ-ում Մեծ Բրիտանիայի արտակարգ և լիազոր դեսպան Չարլզ Լոնսդեյլն իր հերթին նշեց, որ անվտանգության սպառնալիքներն ու մարտահրավերները, որոնց հետ բախվում է աշխարհի վերջին տասը և ավելի տարիների ընթացքում, մեծապես փոխվել են:

«Ավելի պարզ է դառնում այն, որ անհնար է միայնակ դիմակայել նրանց: Դաշնակիցների, այդ թվում նաև Հայաստանի հետ համագործակցությունը կարևոր է ՆԱՏՕ-ի համար, և այս համագործակցության ապացույցներից մեկը Կոսովոյում և Աֆղանստանում, իսկ ավելի վաղուց նաև Իրաքում իրականացվող խաղաղարար առաքելություններում Հայաստանի մասնակցությունն է», - ասաց նա:

Դեսպանը նաև նշեց, որ կան նաև համագործակցության այլ ոլորտներ, այդ թվում նաև ռազմական կրթություն, համատեղ զորավարժանքներ, ինչպես նաև համատեղ գիտաժողովների և սեմինարների անցկացում:

Այժմ Հայաստանի և ՆԱՏՕ-ի միջև համագործակցությունը կառուցվում է Հայաստան-ՆԱՏՕ անհատական գործընկերության ծրագրի (Individual Partnership Action Plan - IPAP) շրջանակներում, որը ստորագրվել է 2005 թ.-ի դեկտեմբերին:

IPAP-ում Հայաստանի մասնակցությունը նախատեսում է տարածաշրջանային անվտանգության շուրջ ՆԱՏՕ-ի հետ պարբերական խորհրդատվությունների անցկացում, այդ անվտանգության ռազմավարության, Հայաստանի ռազմական դոկտրինի մշակում, պաշտպանական և բյուջետային ծրագրավորման գործընթացի կատարելագործում և այլ հարցեր:

2007 թ.-ի մարտից Երևանում գործում է ՆԱՏՕ-ի տեղեկատվական կենտրոնը:-0-

Loading...
Թեմատիկ նյութեր
Բաժնի այլ նյութեր
11:27
21 Օգոստոսի 2017
ՀՀ ԱԳՆ–ն մեկնաբանել է ԵՏՄ մաքսային գոտուն միանալու Թուրքիայի մտադրությունը
ՀՀ փոխարտգործնախարար Շավարշ Քոչարյանը ԱԳՆ–ի Twitter–յան էջում մեկնաբանել է ԵՏՄ մաքսային գոտի մուտք գործելու Թուրքիայի ցանկությունը։
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։