481.32
+0.33
567.52
-1.39
8.41
+0.07
+5
Եղանակը Երևանում
Հայ
ՀՀ-ի մոտեցումները Ղարաբաղի վերաբերյալ ամբողջովին համընկնում են ԵԱՀԿ ՄԽ-ի դիրքորոշման հետ
14:18
13 Հոկտեմբերի 2011

ԵՐԵՎԱՆ, 13 հոկտեմբերի. /Նովոստի-Արմենիա/.  Պաշտոնական Երևանի դիրքորոշումը Լեռնային Ղարաբաղի հակամարտության կարգավորման վերաբերյալ ամբողջովին համընկնում է ԵԱՀԿ Մինսկի խմբի դիրքորոշման հետ, ասաց ԵԱՀԿ ԽՎ-ում Հայաստանի պատվիրակության ղեկավար, «Բարգավաճ Հայաստան» խորհրդարանական խմբակցության անդամ Արամ Սաֆարյանը:

Հոկտեմբերի 8-ին ԵԱՀԿ Խորհրդարանական Վեհաժողովի՝ Խորվաթիայի Դուբրովնիկ քաղաքում անցկացված աշնանային նստաշրջանում կայացել է «ԵԱՀԿ ԽՎ-ի դերը հակամարտությունների կարգավորման մեջ. Լեռնային Ղարաբաղ» քննարկումը, որին ներկա են եղել ԵԱՀԿ անդամ երկրների 56 երկրների մոտ հարյուր պատգամավորներ: Քննարկումների ընթացքում զեկույցով հանդես են եկել ԵԱՀԿ Մինսկի խմբի համանախագահներ Բեռնար Ֆասիեն (Ֆրանսիա), Ռոբերտ Բրադտկե (ԱՄՆ) և Իգոր Պոպովը (Ռուսաստան):

 «Մինսկի խմբի համանախագահները Դուբրովնիկում ևս մեկ անգամ ընդգծել են, որ հակամարտությունը պետք է կարգավորվի բազային սկզբունքների հիման վրա, որոնք պետք է ընկալվեն որպես մեկ ամբողջություն, և դրանցից որևէ մեկը չի կարող մյուսից բարձր դրվել: Սա նաև Հայաստանի դիրքորոշումն է»,- հինգշաբթի լրագրողներին ասաց Սաֆարյանը:

Սաֆարյանի խոսքով, ղարաբաղյան բանակցություններում առաջընթացի սպասել առաջիկայում չարժե, սակայն, խորհրդարանական դիվանագիտությունը պետք է գործադրի բոլոր ջանքերը բարենպաստ, կառուցողական մթնոլորտի ստեղծման համար:

 «Շատ կարևոր է ղարաբաղյան հարցի այդօրինակ «ներկայացման» արդյունքում ստեղծված մթնոլորտը: Ես և իմ գործընկերները, ինչպես նաև ադրբեջանցի պատգամավորները բազմաթիվ դրական գնահատականներ են ստացել այն կապակցությամբ, որ այս անգամ հաջողվել է արտահայտել և լսել տվյալ հարցով կարծիքների ողջ շրջանակն առանց ատելության և թշնամության»,- նշեց պատգամավորը:

Նա նշեց, որ համանախագահների ջանքերն առաջիկա ամիսներին կուղղվեն հրադադարի ռեժիմի պահպանման միջոցառումների առաջխաղացման և վստահության ամրապնդման քննարկմանը:

ԵԱՀԿ ԽՎ-ի հայկական պատվիրակության անդամ Արտակ Դավթյանն իր հերթին հայտնեց, որ համանախագահները բավականին կոշտ են արտահայտվել հակամարտության կարգավորման բազային սկզբունքների պահպանման անհրաժեշտության վերաբերյալ:

 «Բրադտկեն, մասնավորապես, նշել է, որ բանակցությունների սեղանին դրված երեք հիմնարար սկզբունքները ճաշացանկ չեն, որպեսզի ընտրես այն, ինչ ցանկանում ես, այլ մեկ ամբողջություն են, և դա բոլորը պետք է հասկանան»,- ասաց նա:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը:
12:15
12 Հոկտեմբերի 2017
Հայաստանը ՌԴ–ից 100 մլն դոլարի պետական արտահանման վարկ կստանա
Վարկը տրամադրվելում է տարեկան 3% տոկոսադրույքով, 15 տարի մարման ժամկետով։
16:27
09 Հոկտեմբերի 2017
Անկարան կարող է հրաժարվել С-400-ի գնումից, եթե Մոսկվան մերժի համատեղ արտադրությունը
Անկարան կարող է հրաժարվել Մոսկվայից զենիթահրթիռային С-400 կամակարգերի գնումից:
13:59
08 Հոկտեմբերի 2017
Համանախագահներ. Հայաստանը և Ադրբեջանը վերահաստատել են բանակցությունները վերսկսելու պատրաստակամությունը
ԵԱՀԿ Մինսկի խմբի համանախագահները հաղորդագրություն են տարածել:
17:20
06 Հոկտեմբերի 2017
ԵԽԽՎ նախագահ Պեդրո Ագրամունտը հրաժարական է տվել
Պեդրո Ագրամունտը հեռանում է ԵԽԽՎ նախագահի պաշտոնից: