482.36
-0.38
568.99
-1.66
8.19
-0.05
+6
Եղանակը Երևանում
Հայ
Հայաստանի հյուսիսում տեղի ունեցած սողանքը բացառիկ է և աշխարհում բարդագույններից մեկն է. ԱԻՆ
19:27
06 Հոկտեմբերի 2011

ԵՐԵՎԱՆ, 6 հոկտեմբերի. /Նովոստի-Արմենիա/. Մասշտաբային սողանքի հետևանքով Հայաստանի հյուսիսում ստեղծված բացառիկ արտակարգ իրավիճակն աշխարհում բարդագույններից մեկն է, հինգշաբթի լրագրողներին հայտարարել է ՀՀ ԱԻՆ փրկարար ծառայության պետի տեղակալ Նիկոլայ Գրիգորյանը:

Կիրակի Այրում երկաթուղային կայարանին հարող ճանապարհին (հայ-վրացական սահմանից ոչ հեռու) 130 մետր երկարությամբ և 60 մետր բարձրությամբ սողանքային զանգվածներ են իջել: Սողանքի տակ են հայտնվել 35 ավտոմեքենաներ: Մինչև հիմա անհետ կորած է համարվում հինգ մարդ, այդ թվում Վրաստանի երկու քաղաքացի:

«Վերջին հարյուր տարվա ընթացքում սա Հայատանի տարածքում տեղի ունեցած երկրորդ նմանատիպ արտակարգ դեպքն է: Առաջինը տեղի է ունեցել 2007 թ.-ին Խոսրովի արգելոցի տարածքում, երբ արգելափակվել էր ճանապարհի փոքր հատված, իսկ այս անգամ սողանքը ծածկել է միջպետական նշանակության մայրուղին», - ասել է Գրիգորյանը:

Նա տեղեկացրեց, որ այսօրվա դրությամբ սողանքի տակից հանվել է 28 ավտոմեքենա, ընդ որում, մնացած յոթը կհանվեն մինչև օրվա վերջ:

«Հողաշերտի տակ է մնում ևս հինգ մեքենա, որոնց վարորդները կենդանի և առողջ դուրս են եկել մեքենաներից և պնդում են, որ ավտոմեքենաները հենց այս տարածքում են», - ասել է Գրիգորյանը:

Նա նշել է, որ սողանքի հետևանքով տուժել է ինը մարդ, որոնք ստացել են անհրաժեշտ բուժօգնություն և արդեն դուրս են գրվել հիվանդանոցներից:

«Շարունակվում է անհետ կորած համարվել հինգ մարդ», - ասել է նա՝ հավելելով, որ փրկարար աշխատանքներում ներգրաված բոլոր ծառայությունների ներկայացուցիչները հույս են փայփայում, որ բոլոր անհետ կորածներին կհաջողվի գտնել և փրկել:

Գրիգորյանը նշել է, որ այս արտակարգ պատահարը բացառիկ է նաև նրանով, որ սողանքային երևույթները շարունակվում են՝ ընդգծելով, որ փրկարարներն աշխատում են բավականին բարդ պայմաններում:

«Հենց դրանով է պայմանավորված այն, որ առաջին ժամերի և օրերի ընթացքում աշխատանքներն ընթանում էին գրեթե ձեռքով՝ առանց փրկարարական ծանր տեխնիկայի կիրառման», - ասել է Փրկարար ծառայության պետի տեղակալը:

Ամեն օր փրկարարական աշխատանքներին մասնակցում է ԱԻՆ-ի 150 աշխատակից, մեծ քանակությամբ կամավորներ, ՀՀ ՊՆ-ի 60 աշխատակից, ինչպես նաև փրկարարական աշխատանքների տարածքում շուրջօրյա հերթապահություն է իրականացնում ոստիկանության շուրջ 150 աշխատակից:

Այնուհետև ԶԼՄ-ների ներկայացուցիչների ներկայությամբ Skype-ի միջոցով ուղիղ կապ հաստատվեց ՀՀ արտակարգ իրավիճակների նախարար Արմեն Երիցյանի հետ, ով գտնվում է սողանքի հետևանքների վերացմանն ուղղված աշխատանքների անցկացման վայրում:

Գրիգորյանը զեկուցեց նախարարին իրավիճակի մասին:

Երիցյանն իր հերթին ընդգծեց, որ աշխատանքները շարունակվում են շուրջ 30 մետր երկարություն ունեցող սողանքային տարածքում և հաստատեց, որ որոնողափրկարարական աշխատանքներում արդեն ծանր տեխնիկա է ներգրավված:

Նա տեղեկացրեց, որ անհետ կորածներին որոնելիս փորձ է արվել նրանց հետ կապ հաստատել բջջային հեռախոսների միջոցով, սակայն անարդյունք, քանի որ հեռախոսահամարներն անհասանելի էին:

«Մենք կմնանք այստեղ այնքան ժամանակ, որքան կպահանջվի՝ բոլոր հարցերը լուծելու համար», - ընդգծեց նախարարը:

Բնական աղետի ազդանշանի ստացումից անմիջապես հետո Հայաստանի վարչապետ Տիգրան Սարգսյանի որոշմամբ ստեղծվել է օպերատիվ շտաբ՝ սողանքի գոտում գտնվող մարդկանց աջակցություն ցուցաբերելու նպատակով:

Մի խումբ փորձագետներ, որոնց կազմում ներառված են ոչ միայն պետական կառույցների ներկայացուցիչները, այլև Գիտությունների ազգային ակադեմիայի մասնագետները, պետք է տարածքի երկրաբանական ուսումնասիրություն անցկացնեն և նմանատիպ մասշտաբային սողանքի պատճառի ու նրա հետևանքների մասին վերջնական եզրակացություն ներկայացնեն:

Սողանքի հետևանքով Վանաձոր-Բագրատաշեն ճանապարհն անանցանելի է դարձել, ինչի կապակցությամբ իշխանությունները բնակիչներին առաջարկում են անհրաժեշտության դեպքում օգտվել Վանաձոր-Դիլիջան-Իջևան-Բագրատաշեն շրջանցիկ ճանապարհից:-0-

Loading...
Թեմատիկ նյութեր
Բաժնի այլ նյութեր
17:36
15 Դեկտեմբերի 2017
Հայաստանում ԵՄ պատվիրակության ղեկավարը խոսել է ԵՄ–ի հետ ստորագրված համաձայնագրի դրական կողմերի մասին
Նա ընդգծեց նաև, որ հայկական իշխանությունները գործադրում են անհրաժեշտ բոլոր ջանքերը, որպեսզի երկրի քաղաքացիները ավելի շուտ զգան համաձայնագրի դրական ազդեցությունը:
13:09
15 Դեկտեմբերի 2017
Թուրք լրագրողը հարձակվել է հայ քաղաքագետի վրա «Զվեզդա» հեռուստաալիքի եթերում (ՎԻԴԵՈ)
Թուրք լրագրողը «Զվեզդա» հեռուստաալիքի «Process» (Процесс) հաղորդման ժամանակ հարձակվել է հայ քաղաքագետ Սարգիս Ծատուրյանի վրա:
20:09
14 Դեկտեմբերի 2017
Հայաստանի դիրքորոշումը հայ–թուրքական արձանագրությունների հարցում անփոփոխ է. ԱԳՆ
Հայաստանի դիրքորոշումը Թուրքիայի հետ հարաբերությունների բարելավման արձանագրությունների հարցում անփոփոխ է մնում:
19:21
14 Դեկտեմբերի 2017
Թուրքիան հայտարարել է, որ հավատարիմ է Հայաստանի հետ հարաբերությունների բարելավմանն ուղղված արձանագրություններին
Թուրքիան պահպանում է Հայաստանի հետ հարաբերությունների բարելավմանն ուղղված արձանագրությունների նկատմամբ իր հավատարմությունը:
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին: