485.25
-0.08
569.44
-2.72
8.18
-0.02
+3
Եղանակը Երևանում
Հայ
ԿԱՅԾԱԿ «ԱՄԻ Նովոստի–Արմենիա». երկու տարի վերագործարկումից հետո. ի՞նչ է արվել և դեռ ի՞նչ ենք ուզում անել
Անկախության տարիները թույլ տվեցին խորապես գնահատել սպառնալիքները և Հայաստանի շուրջ անվտանգության միջավայրը. պաշտպանության նախարար
14:39
21 Սեպտեմբերի 2011

ԵՐԵՎԱՆ, 21 սեպտեմբերի. /Նովոստի-Արմենիա/. Անկախության տարիները թույլ տվեցին խորապես գնահատել սպառնալիքները և Հայաստանի շուրջ ստեղծված  անվտանգության միջավայրը, չորեքշաբթի Հայաստանի անկախության 20-ամյակին նվիրված զորահանդեսից հետո լրագրողներին ասաց ՀՀ պաշտպանության նախարար Սեյրան Օհանյանը:

«Հայաստանի անկախության 20 տարիները, ի տարբերություն այլ ժամանակահատվածների, հնարավորություն տվեցին խորը գնահատական տալ  այն սպառնալիքներին և անվտանգության միջավայրին, որոնք առկա են երկրի շուրջը, և այնպիսի երկրի կառուցել, որի իշխանության բոլոր ճյուղերը և ուղղությունները կկարողանային աշխատել և իրենց ավանդն ունենալ երկրի անվտանգության ապահովման գործում»,- նշեց Օհանյանը:

Հայ ժողովուրդը  սեպտեմբերի 21-ին նշում է երկրի անկախության 20-րդ տարեդարձը: Հայաստանի Գերագույն խորհրդի որոշմամբ, 1991թ. սեպտեմբերի 21-ին հանրաքվե անցկացվեց՝ ԽՍՀՄ կազմից դուրս գալու և անկախ պետականություն հաստատելու վերաբերյալ։ Ընտրելու իրավունք ունեցող քաղաքացիների 99%-ը կողմ էր քվեարկել: Երկու օր անց  հանրապետության Գերագույն Խորհուրդը Հայաստանը հռչակեց անկախ, ինքնիշխան հանրապետություն։

 «Շնորհավորում եմ բոլորիս այսօրվա առթիվ. Հայրենիքի անկախության 20-ամյա հոբելյանն իսկապես մեր մեծագույն նվաճումն է: Եվ այս 20 տարիները հնարավորություն տվեցին քաղաքացիական բոլոր գերատեսչություններին և բանակին իրենց դրսևորել այնպես, որ այսօր մենք զորահանդես ունենանք»,- ասաց Օհանյանը:

Նա ավելացրեց, որ Հայաստանի Զինված ուժերն ի վիճակի են գործնականում  կիրառել այն բոլոր հնարավորությունները, որոնք ցուցադրվեցին շքերթի ժամանակ:

«Մենք զորահանդեսներ ենք անցկացնում ոչ ամեն տարի, այլ հոբելյանական տարիներին: Նախորդ շքերթն անցկացվեց անկախության 15-ամյակի առթիվ, այսօր տոնում են մեր անկախության 20-ամյակը և դրանով իսկ մեր հասարակությանը, մեր հակառակորդին և միջազգային հանրությանը ցույց ենք տալիս, որ կանգնած ենք պրոգրեսիվ բանակների շարքում, որոնք կարող են ապահովել ոչ միայն մեր անվտանգությունը, այլ նաև լուծել անվտանգության տարբեր խնդիրներ ողջ աշխարհում»,- ասաց նա:

Շնորհավորելով հայ ժողովրդին տոնի առթիվ` Օհանյանն ասաց, որ 20 տարի անց բանակն էլ ավելի մարտունակ և կարգապահ կդառնա, կունենա ավելի մեծ հնարավորություններ ինչպես զինվորների պատրաստվածության, այնպես էլ սպառազինության և ռազմական տեխնիկայի ժամանկակից և նոր նմուշների առկայության տեսանկյունից:

Հայաստանի անկախության 20-ամյակին նվիրված աննախադեպ զորահանդես  անցկացվեց Երևանի Հանրապետության հրապարակում:

Զորահանդեսին հետևում էր երկրի զինվորական և քաղաքական բարձրագույն ղեկավարությունը` նախագահ Սերժ Սարգսյանի գլխավորությամբ: Ներկաների թվում էին նաև Լեռնային Ղարաբաղի Հանրապետության նախագահ Բակո Սահակյանը, Ամենայն Հայոց Գարեգին Բ  Կաթողիկոսը և Մեծի Տանն Կիլիկիո Արամ Ա Կաթողիկոսը:

Զորահանդեսի հրամանատարն էր Հայաստանի ԶՈՒ Գլխավոր շտաբի պետ, գեներալ գնդապետ Յուրի Խաչատուրովը, զորահանդեսն ընդունում էր հանրապետության պաշտպանության նախարար Սեյրան Օհանյանը:

Զորահանդեսին մասնակցեց շուրջ չորս հազար մարդ, և ներկայացվեց ռազմական տեխնիկայի ավելի քան 300 միավոր:

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։