478.62
+0.08
550.51
-1.2
8.1
+0.01
+32
Եղանակը Երևանում
Հայ
Ղարաբաղի բանակի զինծառայողը մահացել է վեճի հետևանքով. ՀՀ պաշտպանության փոխնախարար
15:14
08 Սեպտեմբերի 2011

ԼՂՀ պաշտպանության բանակի 19-ամյա ժամկետային զինծառայող Հայկ Մկրտչյանը մահացել է զինակիցների միջև տեղի ունեցած վեճի հետևանքով, այլ ոչ թե զենքի հետ անզգուշությամբ վարվելու պատճառով, բանակում զոհված զինվորների ծնողների հետ հանդիպման ընթացքում հինգշաբթի հայտարարել է ՀՀ պաշտպանության փոխնախարար Վլադիմիր Գասպարյանը:

ՀՀ ՊՆ մամուլի ծառայության տեղեկատվության համաձայն՝ Հայկ Մկրտչյանի մահվան փաստի առթիվ ՀՀ ՔՕ 373-րդ հոդվածի 3-րդ մասի հատկանիշներով (ռազմամթերքի և շրջապատի համար առավել վտանգ ներկայացնող առարկաների, նյութերի հետ վարվելու կանոնները խախտելու կասկածանքով, որն անզգուշությամբ մարդու մահ է առաջացրել) հարուցված քրեական գործի շրջանակներում ձերբակալվել է նրա զինակիցը՝ շարքային Լենդրուշ Նազլուխանյանը

«Նա (Մկրտչյանը) մահացել է վեճի հետևանքով, նրա ուղղությամբ կանխամտածված մի քանի անգամ կրակ են բացել», - ասել է Գասպարյանը: Նա նշել է, որ հոդվածը, որի հատկանիշներով քրեական գործ է հարուցվել, կվերանայվի:

«Ես ինձ մեղավոր եմ համարում ամեն նմանատիպ միջադեպի համար, սակայն չեմ պատրաստվում հրաժարական տալ», - ավելացրել է փոխնախարարը՝ ընդգծելով, որ բանակում զինվորների մահվան դեպքերը տարեցտարի կրճատվում են:

Գասպարյանը պատրաստակամություն է հայտնել հանդիպել այն ծնողների հետ, ում որդիները մահացել են բանակում զինվորական ծառայություն իրականացնելիս և քննարկել նրանց հուզող հարցերը:

Բանակում զինծառայություն իրականացնելիս զոհված զինվորների հարազատները հինգշաբթի առավոտյան հավաքվել էին ՀՀ կառավարության շենքի առջև՝ պահանջելով պատասխանտվության ենթարկել զինվորների մահվան իրական մեղավորներին: Նրանք պահում էին բանակում զինվորական ծառայություն անցնելու ժամանակաշրջանում զոհված զինվորների լուսանկարները, ինչպես նաև պաստառներ, որոնց վրա գրված է «Մենք կույր չենք», «Վերջ բռնությանը բանակում», «Մի սպանեք մեր երեխաներին»

Ակցիայի մասնակիցները քայլել են դեպի Գլխավոր դատախազության շենք, այնտեղից՝ դեպի ԱԺ-ի շենք, իսկ հետո՝ ՀՀ նախագահի նստավայր, ինչից հետո նրանց մի մասը վերադարձել է կառավարության շենքի մոտ:

Ինչպես հաղորդում է «Նովոստի-Արմենիա» գործակալության թղթակիցը, այժմ ցուցարարները բաժանվել են երկու խմբի՝ առավել արմատական տրամադրված ցուցարարները մնացել են կառավարության շենքի առջև, իսկ մյուս մասը ՀՀ պաշտպանության փոխնախարար Գասպարյանի հետ միասին պատրաստվում է գնալ պաշտպանության նախարարություն՝ ստեղծված իրավիճակը քննարկելու նպատակով:-0-

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: