487.57
+0.28
567.63
-0.45
8.2
-0.03
+14
Եղանակը Երևանում
Հայ
ՀՀ գլխավոր դատախազը դիմել է միջազգային կառույցների օգնությանը մարտյան իրադարձությունների որոշ տեսագրություններ ուսումնասիրելու համար
19:11
31 Օգոստոսի 2011

ԵՐԵՎԱՆ, 31 օգոստոսի.  /Նովոստի-Արմենիա/. Հայաստանի գլխավոր դատախազ Աղվան Հովսեփյանը դիմել է միջազգային կառույցներին Երևանում մարտի 1-2-ի իրադարձությունների որոշ տեսագրությունների հավաստիությունն ուսումնասիրելու հարցում աջակցություն ստանալու նպատակով, չորեքշաբթի լրագրողներին հայտնեց Քննչական հատուկ ծառայության հատկապես կարևոր գործերի ավագ քննիչ, մարտի 1-ի իրադարձություններով գործի քննչական խմբի ղեկավար Վահագն Հարությունյանը:

«Փորձագիտական գնահատականի հարցում օժանդակության ցուցաբերման գլխավոր դատախազի միջնորդությունը վերաբերում է «Ահա թե ինչպես են կրակում 2008 թվականի մարտի 1-ին...» անվանումով տեսագրությանը, որը տեղադրվել էր մայիսի 23-ին youtube.com կայքում «martimek2008» օգտագործողի կողմից»,- ասաց Հարությունյանը:

Նա նշեց, որ տեսագրությունում մոնտաժի կամ համակարգչային միջամտության առկայությունը պարզելու, տեսագրության որակի առավելագույն բարելավման և պատկերների նույնացման հնարավորության նպատակով նշանակվել է դատահամակարգչային փորձաքննություն, որի եզրակացության համաձայն, տեսագրությունը կատարվել է մեծ հեռավորությունից, բարձր անկյան տակ, գիշերային ժամանակ վատ լուսավորության ներքո: Նման տեսագրությունից ստացված պատկերը չի կարող նույնականացվել համակարգչային ավտոմատացման միջոցով: 

Ոստիկանի հագուստով մարդու կողմից կիրառած զենքի տեսակը պարզելու համար նշանակվել է տեսալսա- և դատաբալիստիկ համալիր փորձաքննություն, որի ընթացքում փորձնական կրակոցներ են կատարվել նույն զենքից և նույն փամփուշտներով, որոնք ունեին Երևանի Պարոնյան փողոցում մարտի 1-ին ծառայության մեջ գտնվող անձինք:

Ելնելով համազգեստով մարդու կողմից իրականացրած երկու հավանական կրակոցների պարբերականությունից՝ փորձագետները եկել են եզրահանգման, որ դրանք կարող էին կատարվել «ԱԿՍՈՒ» ինքնաձիգի դատարկ փամփուշտներով:

Միաժամանակ ֆիքսվել է, որ տեսագրությունում առկա տվյալները չեն պարունակում այնպիսի բնութագրեր, որոնցով կարելի կլիներ որոշել կրակոցների փաստը կոնկրետ զենքից և կոնկրետ փամփուշտներով:

Առկա փաստերը թույլ են տալիս միայն ենթադրական եզրակացություն կատարել, քանի որ տեսագրությունը շատ հեռվից է կատարված, արհեստական լուսավորման պայմաններում, ինչը թույլ չի տալիս ապահովել պատկերի պարզությունը:

Հաշվի առնելով, որ գործի համար կարևորություն ներկայացնող մի շարք հարցերի մասով անցկացված փորձաքննությունները սպառիչ պատասխաններ չեն տվել, գլխավոր դատախազը դիմել է միջազգային կառույցների ներկայացուցիչներին՝ տեսագրության փորձաքննության անցկացման հարցում օժանդակություն ցուցաբերելու նպատակով: Գլխավոր դատախազը միաժամանակ նշել է փորձաքննության անցկացման համար անհրաժեշտ բոլոր պայմաններն ապահովելու պատրաստակամությունն ինչպես Հայաստանում, այնպես էլ արտասահմանում:

Ինչ վերաբերում է Պաշտպանության նախարարության ստորաբաժանումների ներգրավման լուրերին Երևանում մարտի 1-2-ի դեպքերում, Հարությունյանը նշեց, որ զանգվածային անկարգությունների կանխարգելման և հասարակական կարգի վերականգնման միջոցառումներին մասնակցել են Ոստիկանության ստորաբաժանումները:

Իսկ նախագահի հայտարարած արտակարգ դրության ապահովման նպատակով Պաշտպանության նախարարության համապատասխան ստորաբաժանումները տեղաբաշխվել են քաղաքի տարբեր մասերում, սակայն զանգվածային անկարգությունների ընթացքում նրանք առավելապես գտնվել են ոստիկանական ստորաբաժանումների թիկունքում և ուղիղ կապ չեն ունեցել զանգվածային անկարգությունների մասնակիցների հետ: --0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։