478.2
-0.31
559.83
-1.08
8.05
+0.02
+19
Եղանակը Երևանում
Հայ
Թուրքիան փորձում է խուսափել Հայոց ցեղասպանության ճանաչումից՝ խոստանալով ոչ մահմեդականներին վերադարձնել եկեղեցական ունեցվածքը. փորձագետ
17:56
30 Օգոստոսի 2011

Թուրքիան փորձում է շեղել համաշխարհային հանրության ուշադրությունը Հայոց ցեղասպանության հարցից՝ հայտարարելով առգրավված եկեղեցական ունեցվածքը հայերին և ազգային մյուս փոքրամասնություններին վերադարձնելու մտադրության մասին, կարծում է քաղաքական գիտությունների դոկտոր Լևոն Շիրինյանը:

Օրերս Թուրքիայի վարչապետ Ռեջեփ Թայիպ Էրդողանը Ռամադանի ավարտի կապակցությամբ կազմակերպված ընթրիքի ժամանակ վստահեցրել է երկրի ոչ մահմեդական կազմակերպությունների ներկայացուցիչներին կրոնական բոլոր միությունների իրավահավասարության ապահովման ձգտման մեջ: Նա տեղեկացրել է, որ շուտով ոչ մահմեդական կրոնական միավորումներին կվերադարձվի առգրավված սեփականությունը կամ կվճարվի փոխհատուցում սեփականության վերադարձի անհնարինության դեպքում:

«Թուրքիայի ռազմաքաղաքական վերնախավը, որը շատ հետևողական է հայկական հարցում, առանց որևէ զիջման գործը հասցրել է այս օրինագծին, և այս ակտը պետք է գնահատել որպես «հայկական հարցի» տրամաբանական լուծումից միջազգային հանրության ուշադրությունը շեղելու հերթական փորձ, ինչպես նաև որպես հարցի լուծման միջոց այս ամենը Եվրամիությանը ներկայացնելու փորձ», - ասաց Շիրինյանը երեքշաբթի մամուլի ասուլիսի ժամանակ:

Քաղաքագետը նշեց, որ այս նախաձեռնությամբ Անկարան փորձում է «հայկական հարցից» շեղել նաև Մարդու իրավունքների եվրոպական դատարանին, որի քննարկմանն են ներկայացված ունեցվածքի վերադարձի հետ կապված բավականին մեծ քանակությամբ հայցեր: Մյուս կողմից նա հիշեցրեց Թուրքիայի ազգային փոքրամասնությունների պաշտպանության մասին ԱՄՆ Կոնգրեսի հանձնաժողովի բանաձևի մասին, որտեղ կոչ է արվում թուրքական իշխանություններին վերադարձնել երկրի տարածքում գտնվող քրիստոնեական առգրավված ունեցվածքը:

Թուրքագետ, ԳԱԱ արևելագիտության ինստիտուտի գիտաշխատող Անուշ Հովհաննիսյանն իր հերթին եկեղեցական ունեցվածքը վերադարձնելու մասին Էրդողանի հայտարարությունը համարեց PR-ակցիա՝ ընդգծելով, որ նույնիսկ նմանատիպ օրինագծի ընդունման դեպքում թուրքական բյուրոկրատիան կխանգարի գործընթացն ավարտին հասցնել:

Նա նշեց, որ առաջարկվող օրինագծի համաձայն՝ Թուրքիայի բոլոր ազգային փոքրամասնություններին վճարվող ֆինանսական փոխհատուցումը կազմում է շուրջ 150 մլն լիրա, ինչը հավասար է 90 մլն դոլարի:

Նրա խոսքերով՝ սա պարզապես չնչին գումար է՝ համեմատած այն ունեցվածքի արժեքի հետ, որից զրկվեցին Օսմանյան կայսրությունում բնակվող հայերը 1915-1923 թթ.-ի Հայոց ցեղասպանության հետևանքով: Թուրքագետի գնահատականների համաձայն՝ հայկական համայնքի ներկայացուցիչների բանկային մասնավոր հաշիվների վրա կար շուրջ 10 մլրդ դոլար:

Հովհաննիսյանը նաև ավելացրեց, որ Թուրքիայի ողջ տարածքում կա շուրջ 2,5 հազար եկեղեցի և 450 հայկական տաճար:

Եկեղեցական ունեցվածքի վերադարձը Եվրամիության հիմնական պահանջներից էր Թուրքիայի՝ ԵՄ-ին անդամակցելու հարցի քննարկման ժամանակ: Թուրքիան վերջին տարիներին ոչ մահմեդական կրոնական կազմակերպությունների հայցերին վերաբերող մի քանի դատական գործ է պարտվել Մարդու իրավունքների եվրոպական դատարանում:

Բարդուղիմեոս Պատրիարքը հայտարարել է, որ կառավարության ընդունած որոշումը ցույց է տալիս, որ Թուրքիան «ճիշտ ուղու վրա է»: Գլխավոր րաբբին ունեցվածքի վերադարձը «հեղափոխական քայլ» է համարել:

Միաժամանակ Հայ Դատի հայկական հանձնաժողովը  հայտարարել է, որ Թուրքիան «կվերադարձնի Հայոց ցեղասպանությունից հետո և հետագա տասնամյակների ընթացքում առգրաված եկեղեցական ունեցվածքի 1 տոկոսից պակասը»:-0-

Loading...
Թեմատիկ նյութեր
Բաժնի այլ նյութեր
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ: