484.04
+0.53
523.1
+1.64
8.44
+0.03
+1
Եղանակը Երևանում
Հայ
ՀՀ իշխանությունները դիտավորյալ ձգձգում են կոալիցիայի և ընդդիմության բանակցությունների գործընթացը. ՀԱԿ անդամ
17:12
29 Օգոստոսի 2011

ՀՀ իշխանությունները դիտավորյալ ձգձգում են ընդդիմադիր Հայ Ազգային կոնգրեսի (ՀԱԿ) և կոալիցիոն ուժերի միջև բանակցությունների գործընթացը, հայտնեց ՀԱԿ անդամ Մանուկ Սուքիասյանը։

«Հենց այդ նպատակով ՀԱԿ ակտիվիստ Տիգրան Առաքելյանը մինչև հիմա կալանքի տակ է, այն ժամանակ, երբ մնացած վեց կալանավորներին արդեն ազատ են արձակել։ Նման երևույթը բացատրություն չունի և իշխանությունների կողմից մտածված քայլ է»,- երկուշաբթի լրագրողներին ասաց Սուքիասյանը։

Ըստ նրա՝ ՀԱԿ-ը չի շարունակի երկխոսությունը, քանի դեռ Տիգրան Առաքելյանն ազատ չի արձակվի։ «Բոլորովին հաճելի չէ հետևել, որ Ոստիկանության պետը իր ուշադրությունը սևեռել է այդ դեպքի վրա, և նույնիսկ լրագրողների համար հատուկ հայտարարությամբ է հանդես եկել»,- նշեց նա։

Ըստ Սուքիասյանի՝ եթե տվյալ միջադեպը չլիներ, ՀԱԿ-կոալիցիա երկխոսությունը 2-3 հանդիպումից հետո հստակ արդյունքներ կտար, համատեղ որոշումներ կընդունվեին, բայց «դա շահավետ չէ կոալիցիայի համար, և բանակցությունների ընթացքը սկսվեց սրվել և ձգձգվել»։

Բացի այդ, ՀԱԿ ներկայացուցիչը հերքեց կալանավորված ակտիվիստների կողմից կանխամտածված սադրանքի հնարավորությունը։ «Նման սադրանքները մեզ պետք չեն։ Մենք չենք դիմում արմատական միջոցների, բայց եթե  կոալիցիան չպահի իր խոստումը և չազատի վերջին կալանավորին, մենք ստիպված կլինենք վերջնականորեն դադարեցնել բանակցությունները»,- ասաց նա։

«P.Art» փիառ-ընկերության տնօրեն, քաղաքական տեխնոլոգ Կարեն Քոչարյանն իր հերթին նշեց, որ կանխատեսել էր իրադարձությունների նման ընթացքը։ «Ես գիտեի, որ ՀԱԿ-ի կողմից սադրանքները պարտադիր կլինեն։ Որքան մոտ է ընտրությունների օրը, այդքան ուժեղ կլինի իշխանությունների և ընդդիմության միջև հարաբերությունների ալիքը»,- նշեց նա։

Կոալիցիայի ներկայացուցիչների հետ ընդդիմության հերթական հանդիպումը պետք է սկսվեր անցած ուրբաթ ժամը 10։00-ին։ Սակայն ՀԱԿ-ը հայտնեց, որ աննպատակահարմար է համարում կոալիցիոն ուժերի հետ երկխոսության տվյալ ռաունդին մասնակցությունը։ Հայտարարությունն արդեն ընթերցվել էր ՀԱԿ ներկայացուցիչ Սամվել Աբրահամյանի կողմից՝ ՀՀ կառավարության ընդունելության տանը հավաքված կոալիցիայի պատվիրակների համար։  

Ավելի ուշ ՀԱԿ-ը հայտարարել էր, որ Կոնգրեսի երաշխավորությամբ ՀԱԿ ակտիվիստ Տիգրան Առաքելյանին (ում ձերբակալել էին Ոստիկանության հետ ընդհարումից հետո) ձերբակալությունից ազատ արձակելու մասին նախնական պայմանավորվածության խախտման պատճառով դադարեցրել է իշխող ՀՀ կոալիցիայի հետ բանակցություններում իր մասնակցությունը։

Այնուհետև ՀԱԿ-ի հետ բանակցություններում Հայաստանի իշխող կոալիցիան ներկայացնող աշխատանքային խումբը հայտարարություն էր տարածել, որտեղ ափսոսանք է հայտնում ՀԱԿ վերջին գործողությունների հետ կապված, և ընդգծվում է երկխոսությունը շարունակելու վերաբերյալ կոալիցիայի պատրաստակամությունը։

Աշխատանքային խումբը նշեց, որ այդ կարևոր քաղաքական գործընթացի հետ չի կապել, չի կապում և չի կապի միջադեպին մասնակից  երիտասարդի (Առաքելյանի) հանդեպ խափանման միջոցի փոփոխությունը, քանի որ այն լիովին գտնվում է իրավական հարթությունում։

«Բարգավաճ Հայաստան» և «Օրինաց երկիր» կուսակցություններն ընդգրկված են Հայաստանի Հանրապետական կուսակցության գլխավորած իշխող կոալիցիայի կազմում, որը ձևավորվել է 2008 թ.-ի մարտի 21-ին:-

ՀԱԿ-ը ստեղծվել է 2008 թ.-ի օգոստոսի 1-ին: ՀԱԿ-ի կազմում ներառված է շուրջ 20 քաղաքական կուսակցություն և կազմակերպություն: ՀԱԿ-ի առաջնորդն է ՀՀ առաջին նախագահ Լևոն Տեր-Պետրոսյանը:--0--

Loading...
Թեմատիկ նյութեր

Բաժնի այլ նյութեր
11:16
16 Մարտի 2017
ՀՀԿ–ի ներսում ամեն ինչ հարթ չէ. դժգոհություն է հասունանում
ՀՀԿ-ում իրավիճակն այնքան պարզ եւ հարթ չէ, ինչպես թվում է կողքից։
18:10
13 Մարտի 2017
Լուկյանով. Ռուսաստան–Թուրքիա–Ադրբեջան միություն երբեք չի կարող լինել
Ռուսաստանի, Թուրքիայի և Ադրբեջանի միջև միության մասին երբեք խոսք լինել չի կարող, հայտարարեց քաղաքագետ Ֆյոդոր Լուկյանովը։
11:33
10 Մարտի 2017
ՀՀ նախագահը ՌԴ–ում ՀՀ նոր դեսպան է նշանակել
Ավելի վաղ նախագահի հրամանագրով Օլեգ Եսայանն ազատվել էր ՌԴ–ում ՀՀ դեսպանի պաշտոնից։
11:14
10 Մարտի 2017
Օլեգ Եսայանն ազատվել է ՌԴ–ում ՀՀ դեսպանի պաշտոնից
ՀՀ նախագահ Սերժ Սարգսյանն ուրբաթ հրամանագիր է ստորագրել Օլեգ Եսայանին ՌԴ–ում ՀՀ արտակարգ և լիազոր դեսպանի պաշտոնից ազատելու մասին։
20:19
07 Մարտի 2017
Մեկնարկել է նախագահ Սերժ Սարգսյանի պաշտոնական այցը Ֆրանսիա
ՀՀ նախագահ Սերժ Սարգսյանը Ֆրանսիայի Հանրապետության նախագահ Ֆրանսուա Օլանդի հրավերով այսօր պաշտոնական այցով ժամանել է Ֆրանսիա:
16:48
06 Մարտի 2017
Ռոբերտ Քոչարյան. ընթացիկ քաղաքական գործընթացի մեջ մտնելու ոչ մի ցանկություն չունեմ
Հայաստանի երկրորդ նախագահ Ռոբերտ Քոչարյանը երկուշաբթի հարցազրույց է տվել 2rd.am կայքին:
16:20
06 Մարտի 2017
Ուսումնասիրություն. «Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում
«Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում։
12:55
06 Մարտի 2017
Լևոն Տեր–Պետրոսյանի բացակայությունը իր դաշինքի ակցիաներին կապված չէ առողջական վիճակի հետ
ՀՀ առաջին նախագահ Լևոն Տեր-Պետրոսյանի բացակայությունը դաշինքի վերջին միջոցառումներին կապված չէ նրա առողջական վիճակի հետ:
12:29
01 Մարտի 2017
ՀՀ նախագահը մեկնում է Ռուսաստան` ամրապնդելու տնտեսական համագործակցությունը
ՀՀ նախագահ Սերժ Սարգսյանը մարտի 14–ին երկօրյա պաշտոնական այցով կմեկնի Մոսկվա։
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։