487.57
+0.28
567.63
-0.45
8.2
-0.03
+7
Եղանակը Երևանում
Հայ
ՀԱԿ-ի հետ երկխոսության կամուրջները դեռ այրված չեն. պատգամավոր
14:15
29 Օգոստոսի 2011

ԵՐԵՎԱՆ, 29 օգոստոսի. /Նովոստի-Արմենիա/. Հայ ազգային կոնգրեսի (ՀԱԿ) հետ երկխոսության կամուրջները դեռ այրված չեն, ասաց իշխող Հայաստանի Հանրապետական կուսակցությունից խորհրդարանի պատգամավոր, ընդդիմության հետ երկխոսության կոալիցիայի աշխատանքային խմբի անդամ Գագիկ Մինասյանը։

«ՀԱԿ-ն ընդամենը դադարեցրել է գործընթացը, կարծում եմ նրանք կվերանայեն և կվերագնահատեն իրենց որոշումը և կվերադառնան կառուցողական երկխոսության։ Մենք բոլորս կոալիցիա ենք, երկրի քաղաքական ուժերը, հասարակությունը պետք է ամեն ինչ անեն դրա համար»,- երկուշաբթի մամուլի ասուլիսի ժամանակ ասաց Մինասյանը։

Կոալիցիայի ներկայացուցիչների հետ ընդդիմության հերթական հանդիպումը պետք է սկսվեր անցած ուրբաթ ժամը 10։00-ին։ Սակայն ՀԱԿ-ը հայտնեց, որ աննպատակահարմար է համարում կոալիցիոն ուժերի հետ երկխոսության տվյալ ռաունդին մասնակցությունը։ Հայտարարությունն արդեն ընթերցվել էր ՀԱԿ ներկայացուցիչ Սամվել Աբրահամյանի կողմից՝ ՀՀ կառավարության ընդունելության տանը հավաքված կոալիցիայի պատվիրակների համար։  

Ավելի ուշ ՀԱԿ-ը հայտարարել էր, որ Կոնգրեսի երաշխավորությամբ ՀԱԿ ակտիվիստ Տիգրան Առաքելյանին (ում ձերբակալել էին Ոստիկանության հետ ընդհարումից հետո) ձերբակալությունից ազատ արձակելու մասին նախնական պայմանավորվածության խախտման պատճառով դադարեցրել է իշխող ՀՀ կոալիցիայի հետ բանակցություններում իր մասնակցությունը։

«Ես կարծում եմ, որ ՀԱԿ-ի կողմից դա այնքան էլ հավասարակշռված և լիովին կշռադատված քայլ չէր։ ՀԱԿ-ն իրեն ազատության և մարդու իրավունքների համար պայքարող մարտիկ էր ներկայացնում, պահանջում էր, որպեսզի քաղաքական և իրավական հարթությունները երբեք չխառնվեն, սակայն ընդդեմ ի հակառակ սեփական հայտարարությունների՝ ինքն է սկսել պահանջել, որ դրանք խառնվեն»,- նշեց Մինասյանը։

Նա նշեց, որ հանդիպումների ընթացքում նաև բուռն քննարկումներ են եղել, բայց դրանց մթնոլորտը շատ բարեկամական է եղել՝ ավելացնելով, որ ուրբաթ տեղի ունեցածը «դուրս էր մեր հանդիպումների մթնոլորտի և տրամաբանության շրջանակներից»։

«Երբ սկսվեցին բանակցությունները, կարծում եմ՝ երկրում շատերն իրական ակնկալիքներ ունեցան, որ երկրի քաղաքական ուժերի ներուժը կուղղվի Հայաստանի առջև դրված խնդիրների լուծմանը, այլ ոչ թե գործընթացների, որոնք վերջնական հաշվով դրական արդյունքներ չեն տա։

Մենք մտածում էինք, որ մասամբ կներկայացնենք մեր մոտեցումները հասարակությանը, և հասարակությունն ինքը կորոշի, թե ով է ճիշտ»,- ասաց Մինասյանը։

Նա նաև նշեց, որ իրադարձությունների նման զարգացման առումով որոշ մտավախություններ ինքն ուներ, քանի որ ՀԱԿ-ում արմատորեն տրամադրված շերտ կա, որը դեմ է այդ քննարկումներին։

Ինչ վերաբերում է ՀԱԿ-ի աշխատանքային խմբին, պատգամավորը նշեց, որ տպավորությունները բացառապես դրական էին։ «ՀԱԿ-ի պատվիրակության անդամները բավականին լուրջ քաղաքական գործիչներ են, ովքեր միասնական և առանց տարաձայնությունների էին գործում, կարծում եմ, որ ամեն դեպքում նրանց մեջքի հետևում ինչ-որ ուժեր եղել են, որոնց դուր չէր գալիս այդ գործընթացը»,- ավելացրեց նա։

Մինասյանը նաև ընդգծեց, որ հեռու է այն մտքից, որ ՀԱԿ-ը դուրս է եկել երկխոսությունից կոալիցիայի փաստաթղթի հետագա քննարկումներից խուսափելու համար։

«Առաջիկա օրերը ցույց կտան, թե ինչու է ՀԱԿ-ն այդպես վարվել և արդյոք նա կվերադառնա՞ կառուցողական դաշտ։ Կարծում եմ, որ այսօր մենք շատ լուրջ և զգայական փուլում ենք գտնվում, և այդ պատճառով ես շատ զգույշ եմ իմ արտահայտությունների և գնահատականների հարցում»,- ավելացրեց նա։

Անդրադառնալով Տիգրան Առաքելյանի խափանման միջոցը փոխելու վերաբերյալ  կոալիցիայի կողմից տրված խոստումների իբր խախտման մասին ՀԱԿ-ի հայտարարությանը՝ պատգամավորը հայտնեց, որ կոալիցիան ոչ մի խոստում չի տվել։

Մինասյանը նաև անհասկանալի անվանեց աշխատանքային խմբերի հանդիպումները ուղիղ եթերով հեռաձարկելու կամ յուրաքանչյուր հանդիպումից հետո ՀԱԿ-ին եթերային ժամ տրամադրելու թեմային վերադառնալու տրամաբանությունը։ «Մենք այդ հարցն արդեն քննարկել ենք և համաձայնության ենք եկել։ Ես կրկին այդ հարցը բարձրացնելու իմաստը չեմ հասկանում։ Ես նախկինում ասել եմ և կկրկնեմ, որ լրագրողների և այլ մարդկանց ներկայությամբ այդ ամենը շոուի կվերածվեր, և կառուցողական քննարկումների փոխարեն մենք միայն քաղաքական հայտարարություններ կլսեինք»,- ավելացրեց նա։

Մինասյանը նաև նշեց, որ ՀԱԿ-ը պետք է ընտրություն կատարի՝ ինչպիսին է իրեն տեսնում հայկական քաղաքական դաշտի խճանկարում՝ կառուցողական դասական կուսակցությու՞ն, թե՞ արմատական ուժ։

Ընդդիմադիր ՀԱԿ-ի և կոալիցիոն ուժերի միջև բանակցությունների առաջին ռաունդն անցկացվել է հուլիսի 18-ին։

«Բարգավաճ Հայաստան» և «Օրինաց երկիր» կուսակցություններն ընդգրկված են Հայաստանի Հանրապետական կուսակցության գլխավորած իշխող կոալիցիայի կազմում, որը ձևավորվել է 2008 թ.-ի մարտի 21-ին:-

ՀԱԿ-ը ստեղծվել է 2008 թ.-ի օգոստոսի 1-ին: ՀԱԿ-ի կազմում ներառված է շուրջ 20 քաղաքական կուսակցություն և կազմակերպություն: ՀԱԿ-ի առաջնորդն է ՀՀ առաջին նախագահ Լևոն Տեր-Պետրոսյանը:

Կոնգրեսի հիմնական պահանջն արտահերթ խորհրդարանական և նախագահական ընտրությունների անցկացումն է։  -0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։