480.22
-0.22
536.12
+0.67
8.04
-0.02
+14
Եղանակը Երևանում
Հայ
ՀԱԿ-ը հայտարարում է Հայաստանի կոալիցիայի կողմից նախնական պայմանավորվածությունների խախտման մասին
15:40
26 Օգոստոսի 2011

ԵՐԵՎԱՆ, 26 օգոստոսի.  /Նովոստի-Արմենիա/. Ընդդիմադիր Հայ ազգային կոնգրեսի (ՀԱԿ) համակարգող Լևոն Զուրաբյանը հայտարարեց, որ իշխող կոալիցիայի հետ բանակցություններին մասնակցությունը դադարեցնելու մասին ՀԱԿ-ի որոշման պատճառը կոալիցիոն պատվիրակության կողմից նախնական պայմանավորվածությունների խախտումն է։

«ՀԱԿ-ը չմեկնաբանեց և չբարձրաձայնեց հինգերորդ հանդիպման ընթացքում ձեռք բերված պայմանավորվածությունները կոալիցիայի խնդրանքով, որպեսզի չխանգարի գործընթացին։ Սակայն եկել է ժամանակն ամեն ինչ պատմելու, քանի որ պայմանավորվածությունները չեն կատարվել»,- ասաց նա ուրբաթ օրը մամուլի ասուլիսում։  

Զուրաբյանի խոսքով` հինգերորդ հանդիպման ընթացքում ՀԱԿ-ը կոալիցիային ներկայացրեց մի փաստաթուղթ, որում առաջարկում էր կալանքից ազատել օգոստոսի 9-ին Ոստիկանության հետ ընդհարված ընդդիմության ակտիվիստներ Տիգրան Առաքելյանին, Սարգիս Գևորգյանին և Արտակ Կարապետյանին։

 «Մենք առաջարկեցինք ստորագրել մի փաստաթուղթ, որի համաձայն` կոալիցիան կնպաստի այս երեք ակտիվիստների նկատմամբ խափանման միջոցը փոխելու գործընթացին որպես երաշխիք ՀԱԿ-ի համար, առավել ևս, որ դա որևէ կերպ չի հակասում Քրեական օրենսգրքին»,- ասաց նա։ Սակայն, Զուրաբյանի խոսքով, կոալիցիան հրաժարվեց ստորագրել փաստաթուղթը՝ միաժամանակ խոստանալով անել ամեն ինչ, որպեսզի նրանց (ձերբակալվածների) նկատմամբ ոչ խտրական մոտեցում ցուցաբերվի։ Սակայն օգոստոսի 26-ի առավոտյան ակնհայտ դարձավ, որ Տիգրան Առաքելյանը դեռ կալանավորված է։

«Հաշվի առնելով այդ ամենը՝ ՀԱԿ-ը դադարեցնում է իր մասնակցությունը կոալիցիայի հետ բանակցություններին»,- ընդգծեց Զուրաբյանը՝ թվարկելով այս որոշման գլխավոր պատճառները։

«Առաջին պատճառն Առաքելյանի խափանման միջոցն անփոփոխ թողնելն է, երկրորդը՝ այն, որ ՀԱԿ-ի ձեռնարկած քայլերը երկրում օգոստոսի 9-ի միջադեպից հետո լարվածության թուլացման ուղղությամբ համապատասխան արձագանքի չհանդիպեցին կոալիցիոն իշխանությունների կողմից»,- ասաց համակարգողը։

Նրա խոսքով, քանի որ կոալիցիան մերժեց Առաքելյանի ազատման երաշխիքները, հետևաբար, վերջինս «քաղբանտարկյալ է», և իշխանություններն օգտագործում են այդ փաստը ՀԱԿ-ի վրա ճնշում գործադրելու համար։

«Այն փաստը, որ իշխանություններն այդպես էլ չկարողացան ապահովել կոալիցիա-ՀԱԿ հանդիպումների ուղիղ հեռարձակումը կամ գոնե կեսժամանոց եթեր տրամադրել Հայ ազգային կոնգրեսին յուրաքանչյուր հանդիպումից հետո, ինչպես նաև չվերացրեցին հանրահավաքների անցկացման մասին հասարակայնության իրազեկման արգելքը և հանրահավաքների նախաշեմին մարզերի բնակչության տեղաշարժման սահմանափակումը, նշանակում է մի բան՝ որ կոալիցիոն պատվիրակությունը չունի այն լիազորությունները, որոնց մասին հայտարարում է»,- հայտարարեց Զուրաբյանը։

Նա ավելացրեց, որ վերջին մի քանի օրերի ընթացքում Հայատանի բազմաթիվ առողջարանային տների սեփականատերերը լուծարել են օգոստոսի 26-28-ին ՀԱԿ-ի երիտասարդ անդամների ավանդական հավաքների անցկացման համար տարածքների տրամադրման նախնական պայմանավորվածությունները՝ դրանով իսկ տապալելով այդ միջոցառումը։

«Այս ամենը նշանակում է, որ պաշտոնապես շարունակելով բանակցությունները` իշխանությունները շարունակում են առաջ տանել իրենց հին ռազմավարությունը, իսկ քաղբանտարկյալների առկայությունն` ի դեմս Առաքելյանի, անհնար է դարձնում բանակցությունների հետագա շարունակումը»,- հավելեց Զուրաբյանը։ -0-

Loading...
Թեմատիկ նյութեր
Բաժնի այլ նյութեր
21:02
22 Հունիսի 2017
Սերժ Սարգսյանը ԵԺԿ–ի գագաթնաժողովում ներկայացրել է Հայաստանի առաջընթացը
Հայաստանի նախագահ Սերժ Սարգսյանը Բրյուսելում մասնակցել է Եվրոպական ժողովրդական կուսակցության` ընդլայնված կազմով գագաթնաժողովին:
14:01
22 Հունիսի 2017
Նիկոլ Փաշինյանը`Վահրամ Բաղդասարյանին. «Պադեզդի մակարդակ եք ուզում, եկեք գնանք...» (ՎԻԴԵՈ)
«Գիշերը երևի վատ է անդրադարձել, երեկ ավելի օբյեկտիվ ելույթներ էին հնչում»,-ասաց Վահրամ Բաղդասարյանը:  
19:09
21 Հունիսի 2017
ՀՀ նախագահն աշխատանքային այցով մեկնել է Բրյուսել
ՀՀ նախագահ Սերժ Սարգսյանն այսօր երեկոյան աշխատանքային այցով մեկնել է Բելգիայի Թագավորություն։
15:20
20 Հունիսի 2017
Ֆրանսահայ համայնքի պատմության նոր էջ. 4 հայ պատգամավորներ ընտրվել են Ֆրանսիայի ԱԺ–ում
Էմանուել Մակրոնի «Առաջ, հանրապետություն» կուսակցությունից չորս ֆրանսահայեր անցել են Ֆրանսիայի խորհրդարան:
15:26
19 Հունիսի 2017
Հայաստանի և Ադրբեջանի նախագահները պատրաստ են շարունակել բանակցությունները ԼՂ հիմնահարցի շուրջ. ռուս միջնորդ
Հայաստանի և Ադրբեջանի նախագահներ Սերժ Սարգսյանն ու Իլհամ Ալիևը պատրաստ են շարունակել ղարաբաղյան հակամարտության կարգավորմանն ուղղված խաղաղ բանակցությունները:
18:54
15 Հունիսի 2017
Մենք կարող ենք ինքներս լուծել և՛ Ղարաբաղում, և՛ Մերձդնեստրում, և՛ Ուկրաինայում առկա խնդիրները. Լուկաշենկո
Բելառուսի նախագահ Ալեքսանդր Լուկաշենկոն անդրադարձել է ՀԱՊԿ տարածաշրջանի երկրների որոշ խնդիրների։
20:00
14 Հունիսի 2017
Հայաստանն ու Տաջիկստանը, հնարավոր է, ուղիղ ավիահաղորդակցություն գործարկեն. Սարգսյան
Հայաստանն ու Տաջիկստանը դիտարկում են երկու երկրների միջև ուղիղ ավիաչվերթի գործարկման հնարավորությունը:
18:41
14 Հունիսի 2017
Տաջիկստանի նախագահը նշել է Հայաստանի հետ համագործակցության հեռանկարային ոլորտները (ՖՈՏՈ)
ՀՀ նախագահի հրավերով պաշտոնական այցով այսօր Հայաստան է ժամանել Տաջիկստանի Հանրապետության նախագահ Էմոմալի Ռահմոնը:
14:43
13 Հունիսի 2017
Նալբանդյանը նշել է ԵՄ-ի հետ շրջանակային համաձայնագրի ստորագրման ժամկետը
Էստոնիան ԵՄ նախագահությունը կստանձնի հուլիսի 1-ից:
13:43
12 Հունիսի 2017
Հայաստան կայցելի Էստոնիայի արտգործնախարար Սվեն Միկսերը
Էստոնիայի արտգործնախարարին կընդունեն հանրապետության նախագահը, Ազգային ժողովի նախագահը և վարչապետը։
15:38
09 Հունիսի 2017
ՀՀ նախագահն աշխատանքային այցով մեկնել է Ղազախստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղազախստանի Հանրապետություն:
13:48
08 Հունիսի 2017
Թեհրանի ահաբեկչությունը կհանգեցնի իրանցիների աննախադեպ քաղաքական համախմբման. փորձագետ
Ահաբելիչները սխալ հաշվարկներ են կատարել։