486.67
+0.35
520.49
+1.39
8.22
+0.01
-3
Եղանակը Երևանում
Հայ
Փորձագետը խորհուրդ չի տալիս չափազանցնել Թուրքիայի խորհրդարանի օրակարգից հայ-թուրքական արձանագրությունների հանումը
17:00
23 Օգոստոսի 2011
ԵՐԵՎԱՆ, 23 օգոստոսի. /Նովոստի-Արմենիա/. Թուրքիայի խորհրդարանի օրակարգից հայ-թուրքական արձանագրույթունների հանումը պետք չէ չափազանցնել, կարծում է թուրքագետ Արտակ Շաքարյանը։

«Թուրքիայի օրենսդիր մարմնի ներքին կանոնակարգի համաձայն՝ փաստաթղթերի օրինագծերն ավտոմատ կերպով հանվում են օրակարգից այն դեպքում, եթե դրանք չեն քննարկվում մեկ գումարման ընթացքում և վարչապետի կամ խորհրդարանի այլ պատգամավորների կողմից կրկին չեն ներկայացվում խորհրդարան»,- ասաց Շաքարյանը` նշելով, որ այդ ամենը կապված է վարչական և բյուրոկրատական հարցերի հետ։

Նրա խոսքով հայ-թուրքական արձանագրությունները եղել են օրակարգից հանված 898 փաստաթղթերից մեկը։

«Հետևաբար, դրա հետևում թուրքական դիվանագիտության գաղտնի ծրագրեր փնտրելն անիրատեսական է»,- ասաց Շաքարյանը «Նովոստի» միջազգային մամուլի կենտրոնում։

Նա ընդգծեց, որ Անկարան հատուկ որոշում չի ընդունել արձանագրությունների վերաբերյալ։ «Պետք չէ չափազանցնել։ Սա բյուրոկրատական դրվագ է։ Այլ բան է, եթե առաջիկա ամիսների ընթացքում Թուրքիան կրկին չներկայացնի արձանագրությունները խորհրդարան»,- նշեց փորձագետը։ 
 
Թուրքագետը միաժամանակ չբացառեց այն հնարավորությունը, որ Անկարան Թուրքիայի դրական վարկանիշի ստեղծման համար կարող է նորից ընդգրկել արձանագրություններն օրենսդիր մարմնի օրակարգում՝ ևս մեկ տեղեկատվական առիթ ստեղծելով, եթե շահ ունենա։

Մասնավորապես, նրա կարծիքով, թուրքական կողմը կարող է այդ քայլը կապել Աղթամար կղզու (Վանա լիճ) Սուրբ Խաչ հայկական եկեղեցում սեպտեմբերի 11-ին կայանալիք պատարագի հետ կամ գնա այդ քայլին, որպեսզի կասեցնի Երևանի կողմից հոկտեմբերին ստորագրված արձանագրությունների երկամյակի նախաշեմին փաստաթղթերի տակից ստորագրությունների հետ կանչումը։

«Բայց սա չի նշանակում, թե Թուրքիան առաջ ընթանալու կամք ու ցանկություն կունենա։ Սա ընդամենը քայլ կլինի Անկարայի կողմից»,- նշեց Շաքարյանը։

Նա նշեց նաև, որ Անկարայի համար հայ-թուրքական արձանագրությունները կամ հայ-թուրքական հարաբերություններն առաջնահերթ չեն։ «Թուրքիայի համար կան քրդական, սիրիական խնդիրները։ Տարածաշրջանային այս արտաքին քաղաքական խնդիրների լույսի ներքո հայ-թուրքական հարցը մղվեց երկրորդ պլան։ Բացի այդ, Անկարան միշտ նշել է, որ հայ-թուրքական հարաբերությունների առաջընթացը հնարավոր է միայն Արցախյան խնդրում արձանագրվելիք առաջընթացի դեպքում, իսկ Թուրքիան առայժմ այդ առաջընթացը չի տեսնում»,- ասաց Շաքարյանը։

Բացի այդ, փորձագետի կարծիքով, եթե Հայաստանը որոշի հետ կանչել ստորագրություններն արձանագրություններից, ապա դա պետք է լավ կշռված քայլ լինի, այլ ոչ թե թուրքական այս կամ այն գործողություններին ուղղված պատասխան։

«Ստորագրությունների հետկանչման հարցը մեր հաղթաթուղթն է, որը կարող ենք օգտագործել այս կամ այն արտաքին քաղաքական իրավիճակում»,- նշեց Շաքարյանը` հավելելով, որ այդ քայլը պետք է շահավետ լինի հայկական կողմի համար։

«Պետք չէ շտապել, ամեն ինչ պետք է հաշվարկել և քննարկել, թե երբ ստորագրությունների հետ կանչելն ավելի շահավետ կլինի։ Պետք է գործել ոչ թե որևէ մեկին ի հակառակ, այլ հանուն մեր շահերի»,- ասաց փորձագետը։

Հայ-թուրքական հարաբերությունների կարգավորման գործընթացը սկսվել էր ՀՀ նախագահ Սերժ Սարգսյանի նախաձեռնությամբ 2008թ.-ի աշնանը: Էդվարդ Նալբանդյանն ու Ահմեդ Դավութօղլուն հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանային երկու երկրների խորհրդարանների կողմից:

Սակայն ՀՀ նախագահ Սերժ Սարգսյանն ապրիլի 22-ի իր հրամանագրով կասեցրել է երկրի խորհրդարանում հայ-թուրքական արձանագրությունների վավերացման ընթացակարգը՝ հայտարարելով, որ Թուրքիան պատրաստ չէ շարունակել սկսված գործընթացը:

Loading...
Թեմատիկ նյութեր
Բաժնի այլ նյութեր
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։
13:10
17 Հունվարի 2017
Սեյրան Օհանյանն ու Վարդան Օսկանյանը քննարկել են առաջիկա խորհրդարանական ընտրություններին առնչվող հարցեր
ՀՀ պաշտպանության նախկին նախարար Սեյրան Օհանյանը երեքշաբթի հանդիպել է նախկին արտգործնախարար, «Համախմբում» կուսակցության նախագահ Վարդան Օսկանյանի հետ:
11:03
17 Հունվարի 2017
ՀՀ վարչապետը պաշտոնական այցով կմեկնի ՌԴ
Այցի շրջանակում Կարեն Կարապետյանը Մոսկվայում հանդիպում կունենա ՌԴ վարչապետ Դմիտրի Մեդվեդևի հետ:
16:32
16 Հունվարի 2017
ՀՀ նոր վարչապետից հարկավոր չէ սպասել լուրջ փոփոխություններ. քաղաքագետ
Իրավիճակի լուրջ բարելավում, որին սպասում է Հայաստանի բնակչությունը նոր վարչապետից և կառավարությունից, սկզբունքորեն չի կարող լինել, հայտարարեց քաղաքագետ, Կովկասի ինստիտուտի տնօրեն Ալեքսանդր Իսկանդարյանը:
13:37
13 Հունվարի 2017
Հայաստանի վարչապետը նշում է, որ կարող է չհայտնվել ՀՀԿ ընտրացուցակներում
Հայաստանի վարչապետ Կարեն Կարապետյանը հավանական է համարում, որ կարող է չհայտնվել Հայաստանի հանրապետական կուսակցության ընտրացուցակներում։
11:42
12 Հունվարի 2017
ԱՄՆ դեսպանատունն ու ԵՄ պատվիրակությունը որոշել են չֆինանսավորել Հայաստանի քաղաքական ուժերից և ոչ մեկին
Արևմուտքը, մասնավորապես ԱՄՆ դեսպանատունը և ԵՄ պատվիրակությունը, որոշել են առավելապես չեզոքություն ցուցաբերել և ուղղակի կամ անուղղակի չֆինանսավորել քաղաքական ուժերից և ոչ մեկին:
12:23
11 Հունվարի 2017
ՀՀԿ կանանց շրջանում խռովություն է հասունանում
ՀՀԿ կանայք պատրաստվում են Սերժ Սարգսյանից հանդիպում խնդրել և նրա մոտ բարձրացնել ցուցակի առաջին եռյակը եզրափակող Արփինե Հովհաննիսյանի հարցը:
20:13
10 Հունվարի 2017
ԿԽՄԿ–ն պատրաստ է օգնել Հայաստանի կողմից ադրբեջանցի զինծառայողի մարմնի փոխանցման հարցում
Կարմիր խաչի միջազգային կոմիտեն բանակցություններ է վարում Հայաստանի և Ադրբեջանի հետ ադրբեջանցի զինծառայողի մարմինը Բաքվին փոխանցելու հարցի շուրջ, «Նովոստի–Արմենիա» գործակալությանը երեքշաբթի տեղեկացրեց ԿԽՄԿ երևանյան գրասենյակի ներկայացուցիչ Հասմիկ Գալստյանը։