484.75
-0.5
571.76
+2.32
8.19
+0.01
+5
Եղանակը Երևանում
Հայ
Հայաստանին երբևիցե չպետք է մտահոգի հարևան պետությունների քանակական առավելությունը. Օհանյան
14:00
22 Օգոստոսի 2011

Հարևան պետությունների քանակական առավելությունը երբևիցե չպետք է մտահոգի հայկական հասարակությանը, հայտարարել է ՀՀ պաշտպանության նախարար Սեյրան Օհանյանը կիրակի «Բազե 2011» համահայկական երիտասարդական հավաքի եզրափակիչ փուլի մասնակիցների հետ հանդիպման ժամանակ:

«Այն, որ մեր հարևաններն ունեն որոշակի քանակական առավելություն, երբևիցե մեզ չպետք է մտահոգի, որովհետև այդ քանակական առավելությունը դեռևս 88-ից հետո և 1992-94թթ. լայնածավալ պատերազմի ժամանակ մենք տեսել ենք և մեր մարտական ոգով, բարոյական, կամային բարձր հատկանիշներով, նաև զինվորականների պատրաստության որակական չափանիշներով կարողացել ենք հակադրել մեր ունակությունները նրանց քանակական առավելություններին ու հաղթանակի հասնել», - մեջբերել են Օհանյանի խոսքերը ՀՀ ՊՆ մամուլի ծառայությունից:

Նախարարի խոսքերով՝ հարևանների քանակական առավելություններին այսօր Հայաստանը հակադրում է հայկական ԶՈւ-ի մարտունակության աստիճանը: «Միայն ու միայն մարտունակությամբ կարող ենք ապահովել գերազանցությունը մեր հարևանների բանակների նկատմամբ», - ավելացրել է նա:

Նախարարը նաև նշել է, որ այսօր զինված ուժերի առջև խնդիր է դրված գերազանցության հասնել ոչ թե «բավարար» կամ «լավ», այլ միմիայն գերազանց ծառայությամբ։

Հանդիպման ընթացքում նա նաև ներկայացրել է զինված ուժերում տարվող աշխատանքները։ Մասնավորապես իրականացվել է պաշտպանական ռազմավարական վերանայում, կազմվել են զինված ուժերի զարգացման պլան, սպառազինության և ռազմական տեխնիկայի զարգացման պլաններ:

«Բազե» հավաքի առաջին փուլն անցկացվել է Բյուրականում հուլիսի 22-31-ը, որին մասնակցում էին ՀՀ մարզերի և մայրաքաղաքի վարչական շրջանների 18-30 տարեկան ավելի քան 700 երիտասարդներ։ Ճամբարականները Բյուրականում ապրում էին վրանային պայմաններում, մասնակցում էին մարզամշակութային միջոցառումների և արշավների:

Հավաքի երկրորդ՝ եզրափակիչ փուլին, որն անցկացվում է օգոստոսի 20-24-ը Ծաղկաձորում, մասնակցում է ավելի քան 350 երիտասարդ Հայաստանից, Արցախից, Ջավախքից և Սփյուռքից, որոնք բաժանվել են 42 ջոկատների:

Հավաքի մասնակիցների թվում են Հայաստանի պետական և մասնավոր բուհերի ուսանողներ, բազմաթիվ քաղաքական կուսակցությունների երիտասարդական թևերի, հասարակական կազմակերպությունների, ինչպես նաև Գևորգյանի հոգևոր ճեմարանի, Վազգեն Սարգսյանի անվան ռազմական ինստիտուտի ներկայացուցիչներ, հաշմանդամներ:

Ավանդաբար «Բազեի» հավաքների մասնակիցներին բաժանում են երեք մասի՝ «Կարմիր», «Կապույտ» և «Ծիրանագույն», որոնք խորհրդանշում են հայկական եռագույնը։ Նրանք մրցում են միմյանց հետ տարբեր մարզաձևերում, արվեստի, ինչպես նաև ինտելեկտուալ խաղերի բնագավառում:

Բազե» համահայկական երիտասարդական փառատոնը կավարտվի օգոստոսի 24-ին Հանրապետության հրապարակում կայանալիք բացօթյա գալա համերգով՝ երկու փուլերի բոլոր մասնակիցների մասնակցությամբ։ Համերգին կհնչեն Առնո Բաբաջանյանի երգերը Հայաստանի Հանրային հեռուստառադիոընկերության էստրադային-սիմֆոնիկ նվագախմբի երաժշտական ուղեկցությամբ՝ Երվանդ Երզնկյանի ղեկավարությամբ։ Կհանձնվեն «Բազե» համահայկական երիտասարդական փառատոնի հաղթողների մրցանակները:

«Բազե» փառատոնն անցկացվում է Հայաստանում 2002 թվականից։ -0-

Loading...
Թեմատիկ նյութեր
Բաժնի այլ նյութեր
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։