484.53
+0.08
528.09
+0.81
8.57
-0.08
+15
Եղանակը Երևանում
Հայ
Հայաստանի նախագահը հատուկ մրցանակներ է հանձնել Համահայկական 5-րդ խաղերի մասնակիցներին
13:29
22 Օգոստոսի 2011

ՀՀ նախագահ Սերժ Սարգսյանը նախօրեին երեկոյան հատուկ մրցանակներ է հանձնել Համահայկական հինգերորդ խաղերի մասնակիցներին:

Մասնավորապես, «Լավագույն մարզական պատվիրակություն» է ճանաչվել Բուենոս Այրեսի պատվիրակությունը, «Արդար խաղ» մրցանակին են արժանացել Իրանի Ուրմիա քաղաքի ներկայացուցիչները, «Դիմացկության և հաղթական հոգու դրսևորման համար» մրցանակի է արժանացել Ռուսաստանի Չալտիր քաղաքի մարզական պատվիրակությունը:

Բացի այդ, այս տարի հիմնադրվել է նոր մրցանակ՝ «Տարվա բացահայտում», որը հանձնվել է պատմական Սասունի (Թուրքիայի տարածք) մարզական պատվիրակությանը:

Համահայկական 5-րդ խաղերի գեղեցկուհի է ճանաչվել Երուսաղեմից ժամանած Քրիստինե Նաջարյանը, իսկ խաղերի գեղեցկուհիների երկրորդ և երրորդ տեղերն են զբաղեցրել Ստամբուլից Դելֆին Դեմիրճյանն ու Բուենոս Այրեսից Մարինե Թոպոլյանը:

«Շնորհավորում եմ բոլորիս այս հիասքանչ միջոցառումը բարձր մակարդակով կազմակերպելու և անցկացնելու համար: Շնորհավորում եմ բոլոր հաղթողներին, բայց վստահ եմ, որ այս սպորտային միջոցառումների ժամանակ պարտվողներ չեն եղել, որովհետև մենք բոլորս հավաքվել ենք քաղաքամայր Երևանում, որպեսզի, իհարկե, մրցենք, բայց նաև նոր ծանոթներ, նոր ընկերներ ձեռք բերենք: Ապրելով աշխարհի տարբեր ծայրերում, տարբեր բնակավայրերում, մենք ունենք մեկ հզոր ընդհանրություն՝ մենք բոլորս հայ ենք»,- ասել է նախագահը խաղերի փակման արարողության ժամանակ:

Նա բարձր է գնահատել մրցումների կազմակերպման մակարդակը՝ կարևորելով դրանք ազգային մարզական ներուժի բացահատյման տեսակետից:

«Մասնակիցներից շատերը ցանկություն են հայտնել, որպեսզի խաղերն անցկացվեն ոչ թե չորս տարին մեկ անգամ, այլ ավելի շուտ: Կարծում եմ, որ կազմկոմիտեն կքննարկի այս հարցը», - ընդգծել է նա: Սարգսյանը նաև մաղթել է, որպեսզի երիտասարդ հայ մարզիկներն այցելեն Հայաստան ոչ միայն Համահայկական խաղերին մասնակցելու համար:

Նա շնորհակալություն է հայտնել մայրաքաղաքի բնակիչներին երիտասարդ մարզիկների նկատմամբ ջերմ վերաբերմունքի համար:

Համահայկական հինգերորդ խաղերի ավարտը նշանավորվեց տոնական համերգով:

Օգոստոսի 13-ին մեկնարկած Համահայկական 5-րդ խաղերն անցկացվեցին «Միասնություն սպորտով» նշանաբանի ներքո և տևեցին մինչև օգոստոսի 21-ը: Խաղերի խորհրդանիշն էր ընտրվել հայկական արծիվը: Խաղարկված 50 կոմպլեկտ մեդալներից ամենաշատ մեդալներ են նվաճել երևանցի մարզիկները՝ 18 ոսկե, 12 արծաթե և 11 բրոնզե  մեդալ: Համահայկական խաղերն անցկացվում են տասը մարզաձևերով՝ թիմային (ֆուտբոլ, բասկետբոլ, վոլեյբոլ, ֆուտզալ), անհատական (թենիս, սեղանի թենիս, շախմատ, բադմինտոն, լող, ատլետիկա): Մրցումներին հիմնականում մասնակցել են սիրողական սպորտով զբաղվող մարզիկները:

Համահայկական առաջին խաղերն անցկացվել են Հայաստանում 1999 թ.-ին, երկրորդ խաղերը՝ 2001 թ.-ին, երրորդ խաղերը՝ 2003 թ.-ին, չորրորդ խաղերը՝ 2007 թ.-ին: Առաջին խաղերին մասնակցել են 23 երկրների 64 քաղաքներից ժամանած մարզիկներ, իսկ 2007 թ.-ին անցկացված չորրորդ խաղերին Հայաստան են այցելել արդեն աշխարհի 27 երկրների 94 քաղաքների հայկական համայնքի ներկայացուցիչներ:-0-

Loading...
Թեմատիկ նյութեր

Բաժնի այլ նյութեր
14:04
26 Ապրիլի 2017
Մոսկվայում կկայանա Հայաստանի, ՌԴ-ի և Ադրբեջանի ԱԳ նախարարների հանդիպումը
Մոսկվայում կկայանա Ռուսաստանի, Հայաստանի և Ադրբեջանի արտգործնախարարների եռակողմ հանդիպումը։
11:13
26 Ապրիլի 2017
Նախօրեին վիճել են ՀՀ վարչապետ Կարեն Կարապետյանն ու ՀՅԴ բյուրոյի պատասխանատուն
Խոսակցության թեման եղել է նոր կառավարության կազմը և ՀՅԴ-ի պորտֆելները:
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով:
11:15
06 Ապրիլի 2017
Րաֆֆի Հովհաննիսյանն ու Վարդան Օսկանյանը դու՞րս են գալիս քաղաքականությունից
Երկուսն էլ նախկինում ԱՄՆ քաղաքացիներ են եղել։