485.92
+0.24
514.49
-2.52
8.16
-0.01
-4
Եղանակը Երևանում
Հայ
ՀՀ ԱԳՆ-ն լուծում է Գվատեմալայում սպանված հայերի դիակները հայրենիք բերելու հարցը
14:03
10 Օգոստոսի 2011

ՀՀ արտաքին գործերի նախարարությունը զբաղվում է Գվատեմալայում սպանված հայ մարզիչների դիակները հայրենիք բերելու հարցով, չորեքշաբթի «Նովոստի-Արմենիա» գործակալությանը հաղորդեցին արտաքին քաղաքական գերատեսչության մամուլի ծառայությունից:

Ինչպես երեքշաբթի հաղորդեցին գվատեմալական ԶԼՄ-ները՝ հղում անելով տեղի ոստիկանությանը, թեթև ատլետիկայի ազգային հավաքականի երկու մարզիչներ՝ հայր ու որդի, սպանվել են Գվատեմալայի մայրաքաղաքում:

«ՀՀ ԱԳՆ-ն հաստատում է երկու հայ մարզիչների սպանության մասին տեղեկությունը և ամեն ինչ անում է, որպեսզի նրանց դիակները հայրենիք բերվեն»,- հաղորդեցին մամուլի ծառայությունից՝ ավելացնելով, որ լրացուցիչ տեղեկություն դեռ չեն կարող ներկայացնել:

Վաթսունամյա Մանվել Մալոյանը և նրա որդին՝ 30-ամյա Դավիթ Մալոյանը, գնդակահարվել են երկուշաբթի՝ տեղական ժամանակով ժամը 17։30-ին (Երևանի ժամանակով՝ երեքշաբթի, ժամը 04։30-ին) «Մատեո Ֆլորես» մարզադաշտի մոտակայքում, որտեղ նրանք մարզում էին թեթև ատլետիկայի ազգային հավաքականը, նշում է ՌԻԱ Նովոստին։

Ականատեսների վկայությամբ, Մալոյանների P-218 BNJ համարանիշներով ավտոմեքենան կանգ է առել խաչմերուկում, որտեղ, հնարավոր է, վեճ է ծագել ճանապարհային երթևեկության կանոնները խախտած տաքսու ուղևորների հետ։ Անցորդները նշել են, որ ավտոմեքենաներում գտնվող մարդիկ նյարդային շարժումներով ինչ-որ բան էին քննարկում։

Անսպասելիորեն ուղևորներից մեկը հանել է ատրճանակը և կրակել Դավիթի դեմքին։ Հանցագործի մյուս փամփուշտը բաժին է ընկել Մանվելին, երբ նա փորձել է օգնություն ցուցաբերել որդուն։ Այնուհետև կրակողը դուրս է ցատկել մեքենայից և փախել անհայտ ուղղությամբ։ Տուժածները ծանր վիճակում տեղափոխվել են «Ռուզվելտ» հոսպիտալ, որտեղ մի քանի ժամ անց մահացել են։

Հանցագործության վայրում 9 միլիմետր տրամաչափի մի քանի փամփշտակալ է հայտնաբերվել։
Ոստիկանությունը սպանության մի քանի վարկած ունի, չի բացառում կողոպուտի փորձը։ Կազմվել է սպանողի ֆոտոռոբոտը, նրա նկատմամբ հետախուզում է հայտարարվել։

Էլեկտրոնային ԶԼՄ-ների հայտարարություններում Մալոյանների մարզիկները պահանջել են իրավապահ մարմիններից շուտափույթ քննել «բարբարոսական հանցագործության» բոլոր հանգամանքներն ու պատժել մեղավորներին։

Գվատեմալայի լրագրողները սխալմամբ հայտնել են, որ Մանվել և Դավիթ Մալոյանները Ռուսաստանի և Ուկրաինայի քաղաքացիներ են եղել։ Ինչպես ՌԻԱ Նովոոստիի թղթակցին է հայտնել Գվատեմալայում ՌԴ գործերով ժամանակավոր հավատարմատար Եվգենի Մակեևը, զոհվածները Հայաստանի քաղաքացիներ են եղել և ռուսական դեսպանության հյուպատոսական բաժնում հաշվառված չեն եղել։

Դիվանագետն անձամբ ծանոթ է եղել Մանվել Մալոյանի հետ, ով Գվատեմալայում էր ապրում արդեն ավելի քան 10 տարի և մարզում էր թեթև ատլետիկայի ազգային հավաքականը։ Դավիթ Մալոյանը, ով ավելի ուշ էր երկիր տեղափոխվել, օգնում էր հորը մարզչական գործում։
Գվատեմալան Լատինական Ամերիկայի ամենավտանգավոր երկրներից է։ Պաշտոնական վիճակագրության համաձայն, այստեղ օրական, միջինը, 16 սպանություն է կատարվում։ -0-

Loading...
Թեմատիկ նյութեր
Բաժնի այլ նյութեր
11:03
17 Հունվարի 2017
ՀՀ վարչապետը պաշտոնական այցով կմեկնի ՌԴ
Այցի շրջանակում Կարեն Կարապետյանը Մոսկվայում հանդիպում կունենա ՌԴ վարչապետ Դմիտրի Մեդվեդևի հետ:
16:32
16 Հունվարի 2017
ՀՀ նոր վարչապետից հարկավոր չէ սպասել լուրջ փոփոխություններ. քաղաքագետ
Իրավիճակի լուրջ բարելավում, որին սպասում է Հայաստանի բնակչությունը նոր վարչապետից և կառավարությունից, սկզբունքորեն չի կարող լինել, հայտարարեց քաղաքագետ, Կովկասի ինստիտուտի տնօրեն Ալեքսանդր Իսկանդարյանը:
13:37
13 Հունվարի 2017
Հայաստանի վարչապետը նշում է, որ կարող է չհայտնվել ՀՀԿ ընտրացուցակներում
Հայաստանի վարչապետ Կարեն Կարապետյանը հավանական է համարում, որ կարող է չհայտնվել Հայաստանի հանրապետական կուսակցության ընտրացուցակներում։
11:42
12 Հունվարի 2017
ԱՄՆ դեսպանատունն ու ԵՄ պատվիրակությունը որոշել են չֆինանսավորել Հայաստանի քաղաքական ուժերից և ոչ մեկին
Արևմուտքը, մասնավորապես ԱՄՆ դեսպանատունը և ԵՄ պատվիրակությունը, որոշել են առավելապես չեզոքություն ցուցաբերել և ուղղակի կամ անուղղակի չֆինանսավորել քաղաքական ուժերից և ոչ մեկին:
12:23
11 Հունվարի 2017
ՀՀԿ կանանց շրջանում խռովություն է հասունանում
ՀՀԿ կանայք պատրաստվում են Սերժ Սարգսյանից հանդիպում խնդրել և նրա մոտ բարձրացնել ցուցակի առաջին եռյակը եզրափակող Արփինե Հովհաննիսյանի հարցը:
20:13
10 Հունվարի 2017
ԿԽՄԿ–ն պատրաստ է օգնել Հայաստանի կողմից ադրբեջանցի զինծառայողի մարմնի փոխանցման հարցում
Կարմիր խաչի միջազգային կոմիտեն բանակցություններ է վարում Հայաստանի և Ադրբեջանի հետ ադրբեջանցի զինծառայողի մարմինը Բաքվին փոխանցելու հարցի շուրջ, «Նովոստի–Արմենիա» գործակալությանը երեքշաբթի տեղեկացրեց ԿԽՄԿ երևանյան գրասենյակի ներկայացուցիչ Հասմիկ Գալստյանը։
18:03
01 Հունվարի 2017
Լրացել է ՀԱՊԿ գլխավոր քարտուղար Բորդյուժայի լիազորությունների ժամկետը. նրան կփոխարինի քարտուղարի տեղակալը
Նախօրեին լրացել է ՀԱՊԿ գլխավոր քարտուղար Նիկոլայ Բորդյուժայի լիազորությունների ժամկետը։
11:23
26 Դեկտեմբերի 2016
ՀՀ նախագահն աշխատանքային այցով մեկնել է ՌԴ
ՀՀ նախագահ Սերժ Սարգսյանն առավոտյան աշխատանքային այցով մեկնել է Ռուսաստանի Դաշնություն:
11:33
22 Դեկտեմբերի 2016
Դեռ հարցական է, թե ովքեր կլինեն ՀՀԿ նախագահի տեղակալները
Այսօր ՀՀԿ-ն ԳՄ նիստ հրավիրելու է, բայց խորհրդի նիստ այդպես էլ չի հրավիրելու:
11:59
21 Դեկտեմբերի 2016
Հովիկ Աբրահամյանը չի ներառվի ՀՀԿ նախընտրական ցուցակի առաջին եռյակում. թերթ
ՀՀԿ նախընտրական ցուցակի առաջին երեք հորիզոնականներում չի լինելու նախկին վարչապետ, ՀՀԿ փոխնախագահ Հովիկ Աբրահամյանի անունը:
11:13
21 Դեկտեմբերի 2016
Իրանի նախագահը ժամանել է Հայաստան
ՀՀ նախագահի հրավերով պաշտոնական այցով չորեքշաբթի Հայաստան է ժամանել Իրանի Իսլամական Հանրապետության Նախագահ Հասան Ռոհանին:
13:19
20 Դեկտեմբերի 2016
ՀՀ պաշտպանության նախկին նախարարը հայտարարել է մեծ քաղաքականություն մտնելու մասին
ՀՀ պաշտպանության նախկին նախարար Սեյրան Օհանյանը երեքշաբթի Facebook-ի իր նորաստեղծ էջում գրել է քաղաքականություն մտնելու մասին։