485.92
+0.24
514.49
-2.52
8.16
-0.01
-7
Եղանակը Երևանում
Հայ
Թուրքիան գիտակցում է, որ հայ-թուրքական հարաբերությունների կարգավորումը խանգարում է հենց Բաքվին. փորձագետ
15:03
25 Հուլիսի 2011
ԵՐԵՎԱՆ, 25 հուլիսի. /Նովոստի-Արմենիա/. Թուրքիան շատ լավ գիտակցում է, որ հայ-թուրքական հարաբերությունների կարգավորման համար խոչընդոտը հենց Բաքուն է, այլ ոչ թե Երևանը, հայտարարել է Տարածաշրջանային հետազոտությունների կենտրոնի ղեկավար Ռիչարդ Գիրագոսյանը:

«Սա Թուրքիայի ԱԳ նախարար Ահմեդ Դավութօղլուի հետ հանդիպման իմ վերլուծությունն է», - երկուշաբթի մամուլի ասուլիսի ժամանակ ասաց Գիրագոսյանը:

Հայաստանի քաղաքացիական հասարակության խորհրդի ներկայացուցիչների հետ Թուրքիայի ԱԳ նախարար Ահմեդ Դավութօղլուի հանդիպումը տեղի է ունեցել նախորդ երկուշաբթի Անկարայում:

Գիրագոսյանի խոսքերով՝ հանդիպումը ծրագրված չէր և անակնկալ է դարձել: «Մենք՝ Հայաստանի քաղաքացիական հասարակության խորհրդի հինգ ներկայացուցիչներս, Անկարայում էինք Թուրքիայի քաղաքացիական հասարակության խորհրդի հրավերով՝ համաժողովին մասնակցելու նպատակով: Հանկարծակի մեզ տեղեկացրին, որ մեզ հրավիրում են Թուրքիայի արտգործնախարարություն: Մենք, բնականաբար, միանգամից նամակ ուղարկեցինք Հայաստանի արտգործնախարարություն՝ զգուշացնելով նրանց հանդիպման մասին», - ասաց նա:

Ինչպես նշեց փորձագետը, սկզբից նրանք հանդիպել են տարբեր դիվանագետների, Թուրքիայի փոխարտգործնախարարի հետ, ինչից հետո նրանց հրավիրել են նախարար Դավութօղլուի մոտ:

«Անձամբ ես հանդիպման ընթացքում արձանագրեցի մեկ շատ կարևոր պահ՝ այժմ թուրք-ադրբեջանական հարաբերություններն այնքան էլ լավ վիճակում չեն: Երկու տարբեր պետություններում (Ադրբեջան և Թուրքիա) միասնական ժողովրդի մասին առասպելը մահացել է: Բաքուն այսօր վերջնագրեր է ներկայացնում Թուրքիային, այսինքն կրտսեր եղբայրը ցանկանում է թելադրել ավագին, թե ինչպես վարվել: Նաև պարզ էր, որ Դավութօղլուն բարկացած է Բաքվի վրա Կազանի հանդիպումը ձախողելու համար», - նշեց նա:

Գիրագոսյանը ընդգծեց, որ հանդիպման ընթացքում նրանք կարողացել են Դավութօղլուին հասցնել երեք հիմնական մեսիջ:

«Առաջինը՝ դա այն է, որ հայ-թուրքական հարաբերությունների կարգավորման ողջ ծանրությունն այժմ ընկած է Թուրքիայի վրա, քանի որ Անկարան ինքը դադարեցրեց այդ գործընթացը, իսկ Հայաստանն այդ կարգավորման համար նույնիսկ ավելի շատ բան է արել, քան պահանջվում էր: Բացի այդ, Հայաստանի համբերությունն անվերջ չէ, և նա չի կարող շատ երկար սպասել», - ասաց նա:

Գիրագոսյանի խոսքերով՝ երկրորդ մեսիջը ճշտումն էր այն մասին, որ կա երկու հարց, որոնց շուրջ ողջ հայությունը միասնական է՝ անկախ քաղաքական հայացքներից և բնակության տարածքից: Դա Օսմանյան Թուրքիայում Հայոց ցեղասպանության ճանաչումն է և ղարաբաղյան հարցը:

«Մենք պարզ հասկացրեցինք, որ Թուրքիան մեծ սխալ է անում՝ փորձելով անտեսել այդ գործոնը: Բացի այդ, հաջորդ մեսիջով մենք հիշեցրեցինք, որ Անկարան ինքն է համաձայնել հանել նախապայմանները հայ-թուրքական արձանագրություններից, և եթե այսօր նա փորձում է կրկին Ղարաբաղի վերաբերյալ նախապայմաններ առաջադրել, ապա դա ամենաքիչը անազնիվ է», - ավելացրեց նա:

Փորձագետը նշեց, որ Դավութօղլուն իրենց շատ ուշադիր է լսել, և շատ հետաքրքիր էր այն փաստը, որ նրանց Թուրքիայում՝ արտգործնախարարի կաբինետում, հնարավորություն տվեցին քննադատել Անկարայի քաղաքականությունը:

«Իմ տպավորությամբ՝ այսօր խորհրդարանական ընտրություններից հետո Թուրքիան կփորձի մարտահրավեր նետել Հայաստանին՝ մեզ փորձելու համար:  Սակայն կարծում եմ՝ նրանք կհիասթափվեն, քանի որ Հայաստանն այնքան էլ թույլ չէ, ինչպես իրենց թվում է: Բաքվի և Անկարայի կողմից Հայաստանի շրջափակման քաղաքականությունը ոչ միայն ձախողվեց, այլև Հայաստանի դիրքերն ավելի ուժեղ դարձրեց», - ասաց նա:

Գիրագոսյանը նաև ավելացրեց, որ հնարավոր է ՝ արդեն եկել է պահը, երբ Հայաստանն ինքը արդեն պետք է խոսի նախապայմանների լեզվով:

«Չեմ կարծում, որ առաջիկայում որևէ տեղաշարժ կգրանցվի հայ-թուրքական հարաբերությունների կարգավորման հարցում, սակայն Թուրքիան կփորձի ինչ-որ բան անել մինչև 2015 թ.-ը՝ Հայոց ցեղասպանության 100-րդ տարելիցի նախաշեմին», - ասաց Գիրագոսյանը:--0--

Loading...
Թեմատիկ նյութեր
Բաժնի այլ նյութեր
16:32
16 Հունվարի 2017
ՀՀ նոր վարչապետից հարկավոր չէ սպասել լուրջ փոփոխություններ. քաղաքագետ
Իրավիճակի լուրջ բարելավում, որին սպասում է Հայաստանի բնակչությունը նոր վարչապետից և կառավարությունից, սկզբունքորեն չի կարող լինել, հայտարարեց քաղաքագետ, Կովկասի ինստիտուտի տնօրեն Ալեքսանդր Իսկանդարյանը:
13:37
13 Հունվարի 2017
Հայաստանի վարչապետը նշում է, որ կարող է չհայտնվել ՀՀԿ ընտրացուցակներում
Հայաստանի վարչապետ Կարեն Կարապետյանը հավանական է համարում, որ կարող է չհայտնվել Հայաստանի հանրապետական կուսակցության ընտրացուցակներում։
11:42
12 Հունվարի 2017
ԱՄՆ դեսպանատունն ու ԵՄ պատվիրակությունը որոշել են չֆինանսավորել Հայաստանի քաղաքական ուժերից և ոչ մեկին
Արևմուտքը, մասնավորապես ԱՄՆ դեսպանատունը և ԵՄ պատվիրակությունը, որոշել են առավելապես չեզոքություն ցուցաբերել և ուղղակի կամ անուղղակի չֆինանսավորել քաղաքական ուժերից և ոչ մեկին:
12:23
11 Հունվարի 2017
ՀՀԿ կանանց շրջանում խռովություն է հասունանում
ՀՀԿ կանայք պատրաստվում են Սերժ Սարգսյանից հանդիպում խնդրել և նրա մոտ բարձրացնել ցուցակի առաջին եռյակը եզրափակող Արփինե Հովհաննիսյանի հարցը:
20:13
10 Հունվարի 2017
ԿԽՄԿ–ն պատրաստ է օգնել Հայաստանի կողմից ադրբեջանցի զինծառայողի մարմնի փոխանցման հարցում
Կարմիր խաչի միջազգային կոմիտեն բանակցություններ է վարում Հայաստանի և Ադրբեջանի հետ ադրբեջանցի զինծառայողի մարմինը Բաքվին փոխանցելու հարցի շուրջ, «Նովոստի–Արմենիա» գործակալությանը երեքշաբթի տեղեկացրեց ԿԽՄԿ երևանյան գրասենյակի ներկայացուցիչ Հասմիկ Գալստյանը։
18:03
01 Հունվարի 2017
Լրացել է ՀԱՊԿ գլխավոր քարտուղար Բորդյուժայի լիազորությունների ժամկետը. նրան կփոխարինի քարտուղարի տեղակալը
Նախօրեին լրացել է ՀԱՊԿ գլխավոր քարտուղար Նիկոլայ Բորդյուժայի լիազորությունների ժամկետը։
11:23
26 Դեկտեմբերի 2016
ՀՀ նախագահն աշխատանքային այցով մեկնել է ՌԴ
ՀՀ նախագահ Սերժ Սարգսյանն առավոտյան աշխատանքային այցով մեկնել է Ռուսաստանի Դաշնություն:
11:33
22 Դեկտեմբերի 2016
Դեռ հարցական է, թե ովքեր կլինեն ՀՀԿ նախագահի տեղակալները
Այսօր ՀՀԿ-ն ԳՄ նիստ հրավիրելու է, բայց խորհրդի նիստ այդպես էլ չի հրավիրելու:
11:59
21 Դեկտեմբերի 2016
Հովիկ Աբրահամյանը չի ներառվի ՀՀԿ նախընտրական ցուցակի առաջին եռյակում. թերթ
ՀՀԿ նախընտրական ցուցակի առաջին երեք հորիզոնականներում չի լինելու նախկին վարչապետ, ՀՀԿ փոխնախագահ Հովիկ Աբրահամյանի անունը:
11:13
21 Դեկտեմբերի 2016
Իրանի նախագահը ժամանել է Հայաստան
ՀՀ նախագահի հրավերով պաշտոնական այցով չորեքշաբթի Հայաստան է ժամանել Իրանի Իսլամական Հանրապետության Նախագահ Հասան Ռոհանին:
13:19
20 Դեկտեմբերի 2016
ՀՀ պաշտպանության նախկին նախարարը հայտարարել է մեծ քաղաքականություն մտնելու մասին
ՀՀ պաշտպանության նախկին նախարար Սեյրան Օհանյանը երեքշաբթի Facebook-ի իր նորաստեղծ էջում գրել է քաղաքականություն մտնելու մասին։
12:27
20 Դեկտեմբերի 2016
Լավրովը նշել է Թուրքիայում ՌԴ դեսպանի սպանության նպատակը (ՏԵՍԱՆՅՈՒԹ)
Թուրքիայում Ռուսաստանի դեսպան Անդրեյ Կարլովի սպանության նպատակը Մոսկվայի և Անկարայի հարաբերությունների խաթարումն է։