484.11
-0.64
570.43
-1.33
8.23
+0.04
-2
Եղանակը Երևանում
Հայ
Ղարաբաղյան հակամարտության կարգավորման ԵԱՀԿ ՄԽ համանախագահ-երկրների ջանքերի արդյունքներն առաջիկայում պարզ կդառնան. Բրադտկե
14:30
18 Հուլիսի 2011

Ղարաբաղյան հակամարտության կարգավորման ԵԱՀԿ ՄԽ համանախագահ-երկրների գործադրած ջանքերի արդյունքները պարզ կդառնան առաջիկա շաբաթների ընթացքում, երկուշաբթի Երևանում լրագրողներին ասաց ԵԱՀԿ ՄԽ համանախագահ Ռոբերտ Բրադտկեն ՀՀ ԱԳ նախարարի հետ հանդիպումից հետո:

«Մենք պետք է շատ զգույշ լինենք այս ժամանակաշրջանում՝ շփոթություններից խուսափելու նպատակով: Առաջիկա շաբաթների ընթացում պարզ կդառնան գործադրված ջանքերի արդյունքները», - ասաց Բրադտկեն:

Միաժամանակ նա նշեց այս հարցում երեք համանախագահ-երկրների սերտ համագործակցությունը՝ ընդգծելով նաև, որ Հայաստանի, Ռուսաստանի և Ադրբեջանի նախագահների կազանյան հանդիպման ընթացքում շատ ակտիվ բանակցություններ են ընթացել:

Նա ավելացրեց, որ հանդիպման ընթացքում լուրջ ջանքեր են գործադրվել՝ հակամարտության խաղաղ կարգավորման հասնելու նպատակով:

Բրադտկեն նաև նշեց, որ Կազանի հանդիպումից հետո ԱՄՆ պետքարտուղար Հիլարի Քլինթոնը հեռախոսազրույցներ է ունեցել Հայաստանի և Ադրբեջանի նախագահների հետ: ՌԴ ԱԳ նախարար Սերգեյ Լավրովի ԱՄՆ կայացած այցի ընթացքում նախագահ Բարաք Օբաման և Հիլարի Քլինթոնը նշել են, որ աջակցում են այս հարցում Լավրովի և ՌԴ նախագահ Դմիտրի Մեդվեդևի կողմից գործադրվող ջանքերին:

Ֆրանսիացի համանախագահ Բեռնար Ֆասիեն իր հերթին տեղեկացրեց, որ միջնորդները մեկ շաբաթ առաջ խորհրդակցություններ են անցկացրել ՌԴ ԱԳ նախարար Սերգեյ Լավրովի հետ ԱՄՆ կայացած նրա այցի նախաշեմին:

Նա նաև տեղեկացրեց, որ համանախագահներն այցելել են Վիլնյուս, որտեղ տեղեկացրել են ԵԱՀԿ գործող նախագահ, Լիտվայի արտգործնախարար Աուդրոնյուս Աջուբալիսին կարգավորման գործընթացի մասին՝ ներկայացնելով կազանյան հանդիպման արդյունքների վերլուծությունն ու նշել աշխատանքը շարունակելու անհրաժեշտությունը:

Ֆասիեի խոսքերով՝ համանախագահներն արդեն այցելել են Բաքու, որտեղ հանդիպել են Ադրբեջանի ԱԳ նախարարի և նախագահի հետ: Այս անգամ Բակո Սահակյանի բացակայության պատճառով միջնորդները Ղարաբաղ չեն մեկնել:

ԼՂՀ նախագահ Բակո Սահակյանը կարճաժամկետ արձակուրդի մեջ է:

Ֆասիեն նաև նշեց, որ դրա փոխարեն միջնորդները հաճելի և հետաքրքիր ժամանակ են անցկացրել՝ այցելելով Գառնի և Գեղարդ:

Այցի ընթացքում Երևանում նախատեսված է համանախագահների հանդիպումը ՀՀ նախագահ Սերժ Սարգսյանի հետ:

ԵԱՀԿ ՄԽ համանախագահների տարածաշրջանային այցը մեկնարկել է հուլիսի 14-ին Բաքու այցելությունով:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց հետևանքով երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ: