Շահալի առողջարանային ճամբարում կայացել է երկաթուղայինների երեխաների հանգստի առաջին կեսի փակման հանդիսավոր արարողությունը

ԵՐԵՎԱՆ, 9 հուլիսի. /Նովոստի-Արմենիա/. Շահալի առողջարանային ճամբարում կայացել է հանգստի առաջին կեսի փակման հանդիսավոր արարողությունը, որտեղ հանգստանում են «Հարավկովկասյան երկաթուղի» ՓԲԸ աշխատակիցների երեխաները, հաղորդում է ՀԿԵ-ի մամուլի ծառայությունը:

Արարողությանը մասնակցեցին ՀԿԵ-ի և Հայաստանում «Ռոսսորտրուդնիչեստվո»-ի ներկայացուցիչները: 

Հանդիսավոր երեկոյի ժամանակ երեխաների ուժերով կազմակերպվել է համերգ, ինչպես նաև անցել են մարզական մրցումներ:

Պատվոգրեր են հանձնվել Շահալիում «Ռոսսոտրուդնիչեստվո»-ի հայաստանյան ներկայացուցչության կողմից կազմակերպած ռուսերեն լեզվի դասընթացների լավագույն մասնակիցներին: 

 «ՀԿԵ» ՓԲԸ-ն իր կողմից ճամբարին է նվիրել մասնագիտական աուդիոսարքավորումներ, որոնք կօգտագործվեն Շահալիում կազմակերպվող համերգների և տոնական միջոցառումների ժամանակ:

 «ՀԿԵ» ՓԲԸ-ն արդեն երեք տարի անընդմեջ ամառային անվճար հանգիստ է կազմակերպում իր աշխատողների երեխաների համար: Այս ամառ, ինչպես և նախորդ տարիներին, Շահալիում ամառային հանգիստը կվայելեն ընդհանուր առմամբ 500 երեխա: Առողջարանային ճամբար ուղեգրեր են տրամադրվում նաև Երևանի №6 դպրոցի սոցիալապես անապահով ընտանիքներից աշակերտներին:

«Հայկական երկաթուղու» կոնցեսիոն կառավարումն իրականացնում է «ՀԿԵ» ՓԲԸ-ն՝ «Ռուսական երկաթուղիներ» ԲԲԸ հարյուրտոկոսանոց դուստրը: ՀԿԵ-ն իր բալանսում ընդունել ՀԿԵ շարժակազմը 2008թ. հունիսի մեկից՝  «Հայկական երկաթուղիներ» պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 10 տարի երկարացման իրավունքով 2008թ. փետրվարի 13-ի կոնցեսիոն պայմանագրին համապատասխան։-0-