483.58
+0.74
513.85
-7.76
7.67
+0.05
-1
Եղանակը Երևանում
Հայ
Իտալացի մասնագետները վերականգնում են Սարյանի «Պարսկաստան» կտավը
17:48
01 Հուլիսի 2011

Իտալացի մասնագետները հայ գործընկերների հետ միասին մասնակցում են ականավոր հայ գեղանկարիչ Մարտիրոս Սարյանի «Պարսկաստան» կտավի վերականգնման աշխատանքներին:

Վերականգնումն իրականացվում է Հայաստանի մշակույթի նախարարության՝ 5 հազար եվրո ֆինանսավորմամբ` 1999 թվականին մեկնարկած Հայաստանում որմնանկարների և գեղանկարչության վերականգնման կենտրոնների ստեղծման իտալական «Պիլոտային ծրագրի» շրջանակներում։

«Իտալիայից բարձր որակավորման ռեստավրատոր նկարիչ Լուչիանա Բելիոտիի ժամանումը մեծ իրադարձություն է մեզ համար, և դա հնարավոր է դարձել «Պիլոտային ծրագրի» համակարգող Գայանե Կազնատիի ջանքերի շնորհիվ»,- ուրբաթ լրագրողներին հայտնեց Սարյանի տուն-թանգարանի տնօրեն Ռուզան Սարյանը՝ ընդգծելով իտալացի ռեստավրատոների բարձր պրոֆեսիոնալիզմը։

Նա նշեց, որ իտալացի վարպետների աշխատանքին հետևելիս նկատելի են դառնում հայ ռեստավրատորների բացթողումները։

Ըստ նրա՝ «Պարսկաստանը» տեմպերայով արված առաջին նկարն է, որը վերականգնվում է Հայաստանում, քանի որ այն գեղանկարչի աշխատանքների շարքում ամենից ավելի է տուժել։ «Դեռևս Սարյանի կենդանության օրոք նրա արվեստանոցի ջեռուցման խողովակը պայթել է, ինչը հանգեցրել է վարպետի հինգ գործերի վնասմանը, և 1963 թվականից դրանց նկատմամբ լուրջ մոտեցում չի եղել»,- ասաց Սարյանը։

«Յուրաքանչյուր նկար պետք է իր «հիվանդության պատմությունն» ունենա, սակայն Հայաստանում երկար ժամանակ նկարները վերականգնել է ով պատահի և ինչպես պատահի։ Ոչ պրոֆեսիոնալ միջամտությունը մեզ ստիպում է ռեբուսներ լուծել՝ ինչ է կատարվել (ռեստավրատորի կողմից) և ինչ տեսք է ունեցել բնագիրը»,- ասաց նա։

«Ինչ վերաբերում է յուղաներկով գործերին, ապա մենք Ազգային պատկերսրահին առընթեր Ռեստավրացիայի կենտրոն ունենք, որն արդեն աջակցել է 10 նկարների վերականգնմանը, սակայն տեմպերայով նկարած նկարների համար առայժմ պրոֆեսիոնալ նյութեր, միջոցներ և դպրոցներ չունենք»,- ավելացրեց Սարյանը։

Սարյանը նշեց, որ այսօր ռեստավրացիայի կարիք է զգում թանգարանում պահվող մոտ 25 նկար։

Իր հերթին Կազնատին հայտնեց, որ «Պարսկաստան» կտավն ամբողջովին վերականգնել անհնար է, բայց ռեստավրատորները կփորձեն անել առավելագույնը և պահպանել նկարի տեսքը երկար տարիներ։

«Մենք շատ մանրամասն ուսումնասիրել ենք կտավը Իտալիայում՝ CSG Palladio-ի կենտրոններում, քիմիական փորձաքննություն ենք անցկացրել,  լուսանկարներ արել՝ լույսի տարբեր անկյուններից, նաև ուլտրամանուշակագույնի տակ, որպեսզի նշենք բոլոր ամենափոքր վնասվածքներն ու որոշենք այն նյութերի քիմիական բաղադրությունը, որոնք հնարավոր է օգտագործել աշխատանքում»,- ասաց նա:

Մարտիրոս Սարյանը (1880-1972թթ.) 20-րդ դարի հայ գեղանկարչության խոշորագույն վարպետներից է, որը շարունակել է սիմվոլիզմի ավանդույթները։ Նա ծնվել է Նոր Նախիջևան քաղաքում (ներկայումս Դոնի Ռոստովի կազմում)։

1897թ.-ին ընդունվել է Մոսկվայի գեղանկարչության, քանդակագործության և ճարտարապետության ուսումնարան, որն ավարտել է 1904թ.։ Նրա ուսուցիչների թվում այնպիսի հայտնի ռուս նկարիչներ են եղել, ինչպիսիք են Սերովը և Կորովինը։

Մինչև 1917թ. հոկտեմբերյան հեղաշրջումը մեծ մասամբ բնակվել է Թբիլիսիում և Մոսկվայում, 1921թ.-ից հաստատվել է Երևանում։ Մասնակցել է «Երկնագույն վարդ» (1907թ.), ինչպես նաև «Ռուս նկարիչների միության» և «Արվեստի աշխարհի» ցուցահանդեսներին։--0—

Loading...
Թեմատիկ նյութեր
Բաժնի այլ նյութեր
20:43
09 Դեկտեմբերի 2016
Հայաստանի և Ադրբեջանի ղեկավարների հանդիպման հնարավորությունը չի բացառվում. Նալբանդյան
Հայաստանի և Ադրբեջանի նախագահների Սերժ Սարգսյանի և Իլհամ Ալիևի հանդիպումը չի բացառվում:
16:43
09 Դեկտեմբերի 2016
Նախագահ Սարգսյանը կգլխավորի ՀՀԿ նախընտրական ցուցակը
ՀՀ նախագահ, Հայաստանի իշխող կուսակցության նախագահ Սերժ Սարգսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
16:32
09 Դեկտեմբերի 2016
Հայաստանի առաջին նախագահը կգլխավորի ՀԱԿ–ի ցուցակը 2017թ.–ի ընտրություններում. խմբակցության ղեկավար
Հայ ազգային կոնգրես կուսակցության նախագահ, ՀՀ առաջին նախագահ Լևոն Տեր-Պետրոսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
12:39
09 Դեկտեմբերի 2016
ՀՀԿ-ում բոլորը «փշերի» վրա են
Այսօր մամուլն արդեն գրում է, թե ովքեր են լինելու ՀՀԿ ցուցակում, և ովքեր են դուրս մնալու:
11:22
08 Դեկտեմբերի 2016
Գագիկ Ծառուկյանը մերժել է Սերժ Սարգսյանի առաջարկը
Սերժ Սարգսյան-Գագիկ Ծառուկյան հանդիպման ժամանակ Սերժ Սարգսյանը Գագիկ Ծառուկյանի հետ քննարկել է նախընտրական և հետընտրական զարգացումների հնարավոր բոլոր սցենարները:
16:51
07 Դեկտեմբերի 2016
Ֆրանսիայի ՆԳՆ նոր ղեկավարն Արցախի բարեկամն է և ընդգրկված է Ադրբեջանի «սև ցուցակներում»
Ֆրանսիայի ներքին գործերի նախարար Բրունո Լը Ռուն ներառված է ադրբեջանական արտաքին գերատեսչության «սև ցուցակում»:
11:52
07 Դեկտեմբերի 2016
«Դաշնակցությունը» ընտրություններից հետո հնարավոր է միանա իշխող ՀՀԿ-ին
ՀՅԴ-ն չի բացառում, որ ևս մաս կազմի իշխանական դաշինքին:
11:37
06 Դեկտեմբերի 2016
Չի բացառվում Դալլաքյան–Ծառուկյան քաղաքական տանդեմը
Չի բացառվում, որ Վիկտոր Դալլաքյանը միանալ Գագիկ Ծառուկյանի ստեղծելիք դաշինքին:
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը: