487.29
-0.01
568.08
+2.76
8.23
+0.01
+7
Եղանակը Երևանում
Հայ
Հայաստանի ռազմավարական պաշտպանական վերանայման գործընթացն իր նպատակին հասել է. Օհանյան
18:57
30 Հունիսի 2011

Շուրջ երկու և կես տարի տևած ՀՀ պաշտպանության ռազմավարական վերանայման գործընթացը հասավ իր նպատակներին, հինգշաբթի հայտարարեց Հայաստանի պաշտպանության նախարար Սեյրան Օհանյանը։

 

«Ռազմավարական վերանայման հիմնական նպատակն էր ապահովել առկա սպառնալիքների բացահայտման, դրանց դիմագրավման համար անհրաժեշտ ռազմավարության մշակման, պահանջվող կարողությունների պլանավորման, ծրագրման և բյուջետավորման աշխատանքների տրամաբանական կապը»,- ասաց Օհանյանը ՀՀ պաշտպանության ռազմավարական վերանայման աշխատանքները համակարգող միջգերատեսչական հանձնաժողովի ամփոփիչ նիստի ընթացքում:

«Ներկայումս մենք անցել ենք ռազմավարական պաշտպանական վերանայման արդյունքների իրականացման փուլին, ինչը նախատեսում է նախագահի կողմից հաստատված Հայաստանի Զինված ուժերի զարգացման ծրագրի կատարումը։ ԶՈՒ զարգացման ծրագիրն ուղղված է հայկական Զինված ուժերի երկարաժամկետ և կայուն զարգացմանը, ԶՈՒ զինումն ու սպառազինումը կհամապատասխանեցվեն առկա խնդիրներին»,- ավելացրեց նա։

Օհանյանը կարևորեց որակական, և ոչ թե քանակական ցուցանիշներին հասնելը։

Պաշտպանական գերատեսչության ղեկավարը կարծում է, որ այդ գործընթացը շատ ուշագրավ է եղել Հայաստանի պատմության մեջ, քանի որ պետական բոլոր համապատասխան գերատեսչությունների ջանքերն ուղղված են եղել երկրի անվտանգության համակարգի համապատասխանեցմանը Հայաստանի շուրջ ստեղծված աշխարհաքաղաքական իրավիճակին։

«Կարծում եմ, որ այս աշխատանքների իրագործումը 21-րդ դարի պահանջն էր, քանի որ միայն ռազմական, դիվանագիտական, տեղեկատվական և տնտեսական ներուժի համադրման միջոցով մենք կարող ենք ապահովել Հայաստանի անվտանգությունը»,- ասաց նա։

Նախարարը հայտնեց, որ ռազմավարական պաշտպանական վերանայման ընթացքում երկրի համար առկա վտանգներ են վերհանվել, ինչպես նաև մշակվել են հնարավոր զարգացումների սցենարներ այդ վտանգների իրականացման դեպքում։

Ազգային անվտանգության խորհրդի քարտուղար Արթուր Բաղդասարյանն իր հերթին ելույթում կարևորեց պաշտպանության ռազմավարական վերանայումը զինված ուժերի կարողությունների ընդլայնման ու կատարելագործման տեսանկյունից:

«Ռազմավարական պաշտպանական վերանայման կարևորությունը պայմանավորված է, նախևառաջ, Հայաստանի շուրջ ստեղծված աշխարհաքաղաքական իրավիճակով։ Արտաքին սպառնալիքները մեզ պարտավորեցնում են ունենալ կայուն, մրցունակ, տեխնիկապես լավ զինված և մարտունակ բանակ»,- ասաց Բաղդասարյանը։

Նա հավելեց նաև, որ ռազմավարական պաշտպանական վերանայման գործընթացը երկրի նախագահի և Ազգային անվտանգության խորհրդի մշտական ուշադրության կենտրոնում է։

Միջգերատեսչական հանձնաժողովի ամփոփիչ նիստի ժամանակ տարբեր գերատեսչություններ ներկայացնող հանձնաժողովի անդամները և հայաստանյան ու միջազգային փորձագետները Ազգային անվտանգության խորհրդի քարտուղարի և պաշտպանության նախարարի համատեղ հրամանով պարգևատրվեցին շնորհակալագրերով, գերատեսչական մեդալներով և արժեքավոր նվերներով: -0-

 

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։