478.57
+0.37
561.79
+1.96
8.05
+0.02
+22
Եղանակը Երևանում
Հայ
Չորեքշաբթի Երևանում կնշեն Մեծ Բրիտանիայի թագուհու ծննդյան օրը
13:21
08 Հունիսի 2011

Մեծ Բրիտանիայի  ազգային տոնը՝ Թագուհու ծննդյան օրը, չորեքշաբթի կնշեն Երևանի Սիրահարների այգում, հաղորդում է Մեծ Բրիտանիայի դեսպանատան մամուլի ծառայությունը:

«Ամեն տարի հունիսին ՄԹ դեսպանատները նշում են Միացյալ Թագավորության միապետի ծննդյան պաշտոնական օրը: Ինչպես անցյալ տարի, այս տարի նույնպես այս օրը առիթ է ոչ միայն գործընկերների հետ Թագուհու կենացը խմելու, այլ նաև բարձրաձայնելու առկա խնդիրների, այս անգամ՝ հատուկ կարիքներով մարդկանց և պարալիմպիկ սպորտի մասին», - նշվում է տեղեկատվության մեջ:

Տոնակատարության շրջանակներում հատուկ համերգային ծրագրով հանդես կգա «Ունիսոն» հասարակական կազմակերպությանը կից գործող և իր էությամբ եզակի «Փարոս» կամերային երգչախումբը: «Փարոսը» ստեղծվել է 1993 թվականին, մի շարք միջազգային մրցույթների դափնեկիր է, ձեռք է բերել միջազգային լայն ճանաչում: Երգչախմբում ընդգրկված կատարողներից շատերը ունեն հաշմանդամություն, օգտվում են սայլակներից:

Միջոցառման ընթացքում հյուրերը հնարավորություն կունենան նաև տեսնել Հայաստանի Պարալիմպիկ Կոմիտեի ֆոտոցուցահադեսը, որը կներկայացնի պարալիմպիկների առօրյան ու սպորտային հաջողությունները:

Բրիտանական դեսպանատունը առաջին անգամը չէ, որ աջակցում է Հայաստանի պարալիմպիկներին. 2010 թվականի մայիսի 2-ին Հայաստանում առաջին անգամ անցկացվեց «Բարեգործական սպորտային մղոն»-ը: Այդ օրը 60-հոգանոց մի խումբ , այդ թվում նաև Մեծ Բրիտանիայի Արտակարգ և Լիազոր դեսպան Չարլզ Լոնսդեյլը, վազելով, քայլելով կամ անվասայլակով անցան Մատենադարանից մինչև Հանրապետության հրապարակ (մոտ մեկ մղոն կամ 1,6 կիլոմետր), որպեսզի աջակցեն Հայաստանի պարալիմպիկ կոմիտեին: «Բարեգործական սպորտային մղոն»-ի միջոցով հանգանակված գումարները կազմեցին ավելի քան մեկ միլիոն դրամ (շուրջ 2655 ԱՄՆ դոլար): Այս գումարը օգնեց Հայաստանի պարալիմպիկ կոմիտեին կազմակերպել պարալիմպիկների իրավունքներին նվիրված կոնֆերանս, ինչպես նաև անցկացնել պարալիմպիկ մարզաձևերի ամենամյա փառատոնը:

Այս անգամ Հայաստանի պարալիմպիկ թիմը BMI բրիտանական ավիաընկերության կողմից կստանա երկու ավիատոմս՝ այս ամառ Լոնդոնում Պարալիմպիկ խաղերի ընտրական խաղերին մասնակցելու համար:

Միացյալ Թագավորության Թագուհի Էլիզաբեթ II-ը ծնվել է 1926թ. ապրիլի 21-ին, գահ է բարձրացել 1952թ., երբ ընդամենը 25 տարեկան էր: Թագուհու ծննդյան պաշտոնական տոնակատարությունը նշվում է հունիսին:-0-

Loading...
Թեմատիկ նյութեր
Բաժնի այլ նյութեր
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ: