482.36
-0.38
568.99
-1.66
8.19
-0.05
+6
Եղանակը Երևանում
Հայ
«Երկիր» միությունը ջավախահայերի համար կենսական խնդիրների քննարկում է ակնկալում Ամենայն Հայոց Կաթողիկոսի հովվապետական այցի ընթացքում
17:42
07 Հունիսի 2011

Հայրենադարձության և հիմնավորման հասարակական կազմակերպությունների «Երկիր» միությունն ակնկալում է, որ Ամենայն Հայոց Գարեգին Երկրորդ Կաթողիկոսի՝ Վրաստան կատարելիք հովվապետական այցի ընթացքում նա կբարձրացնի ջավախահայերի համար կենսական կարևորություն ունեցող հարցերը, նշվում է միության բաց նամակում:

Ինչպես նշվում է հաղորդագրության մեջ, հունիսի 10-ից 15-ը Ամենայն Հայոց Կաթողիկոսը միջեկեղեցական և հովվապետական այցով գտնվելու է Վրաստանում՝ այցելելով նաև Սամցխե-Ջավախք-Ծալկա հայաբնակ տարածաշրջան:

Այցի ընթացքում Վրաստանի պատրիարք Իլիա Երկրորդի, ինչպես նաև պետական բարձրաստիճան պաշտոնյաների, այդ թվում` նախագահ Մ. Սահակաշվիլիի հետ նախատեսված հանդիպումների ընթացքում կբարձրացվեն Վրաստանում Հայ Առաքելական Սուրբ Եկեղեցու իրավունքների վերականգմանն առնչվող խնդիրները, մասնավորապես՝ Վրաստանում Հայ Առաքելական Եկեղեցու պաշտոնական կարգավիճակի ստացման, Ջավախքում Հայ Առաքելական Սուրբ Եկեղեցու առանձին թեմի բացման, Խորհրդային ժամանակաշրջանում հայ եկեղեցուց բռնագրավված կրոնական կառույցների վերադարձի, դրանց վերանորոգման ու վերաբացման հարցերը:

«Սակայն ջավախահայությանը մտահոգող կենսական խնդիրների միայն մի մասն են վերաբերում հոգևոր-կրոնական ոլորտին: Խորհրդային Միության փլուզումից անց այս 20 տարիների ընթացքում Վրաստանի իշխանությունները հետզհետե խստացնում են իրենց քաղաքականությունը վիրահայության և ջավախահայության նկատմամբ:

Ոտնահարվում են ջավախահայության ոչ միայն կրոնական, այլ նաև քաղաքական, քաղաքացիական, լեզվակրթական և մշակութային իրավունքները», - նշվում է փաստաթղթում:
Նամակի հեղինակները նշում են, որ վրացերենի իմացության բարելավման պատրվակով միջոցներ են ձեռնարկվում հայոց լեզուն հանրային կիրառությունից հանելու, ինչպես նաև հայկական դպրոցների վրացականացման ուղղությամբ: Իսկ այն ջավախահայերը, ովքեր փորձում են բողոքի ձայն բարձրացնել վրաց իշխանությունների խտրական քաղաքականության դեմ, ենթարկվում են հետապնդման:

«2011թ. հուլիսի 17-ին լրանում է Հայ Առաքելական Սուրբ Եկեղեցու նվիրյալ զավակ, ջավախահայ ազգային - քաղաքական գործիչ Վահագն Չախալյանի բանտարկության երրորդ տարին: Նա, խայտառակ օրինախախտումներով ուղեկցվող դատավարության հետևանքով, դատապարտվել է 10 տարվա ազատազրկման` մի շարք շինծու մեղադրանքների հիման վրա», - նշվում է նամակում:

Ամենայն Հայոց Կաթողիկոսին ուղղված նամակում նշվում է, որ ջավախահայության շրջանում օր օրի արմատավորվում են վախի, անտարբերության և հիասթափության տրամադրությունները, «որից ելքը ջավախահայը տեսնում է սեփական հայրենիքից հեռանալու կամ էլ սեփական ինքնությունից հրաժարվելու և տիտղոսակիր ազգին ձուլվելու միջոցով»:

Ինչպես նշվում է նամակում, Հայ Առաքելական Սուրբ Եկեղեցին՝ որպես հայկական ազգային-հոգևոր գլխավոր կառույց, դարեր շարունակ եղել է այն հզոր կռվաններից մեկը, որի միջոցով հայը պահպանել է իր ազգային նկարագիրը: «Հայոց եկեղեցին եղել է և պետք է մնա այն կառույցը, որը պատմական հանգամանքների բերումով ստանձնել է հայ ժողովրդի ոչ միայն հոգևոր, այլ նաև հասարակական-քաղաքական խնդիրներին արձագանքելու առաքելությունը», - նշվում է «Երկիր» միության նամակում:-0-

Loading...
Թեմատիկ նյութեր
Բաժնի այլ նյութեր
16:47
16 Դեկտեմբերի 2017
Արձանագրությունների ստորագրումից հետո էլ, այսօր էլ գնդակը թուրքական կիսադաշտում է. ՀՀ ԱԳՆ
ՀՀ ԱԳՆ-ն հայտարարություն է տարածելցյուրիխյան արձանագրությունների վերաբերյալ Թուրքիայի վերջին հայտարարության վերաբերյալ:
17:36
15 Դեկտեմբերի 2017
Հայաստանում ԵՄ պատվիրակության ղեկավարը խոսել է ԵՄ–ի հետ ստորագրված համաձայնագրի դրական կողմերի մասին
Նա ընդգծեց նաև, որ հայկական իշխանությունները գործադրում են անհրաժեշտ բոլոր ջանքերը, որպեսզի երկրի քաղաքացիները ավելի շուտ զգան համաձայնագրի դրական ազդեցությունը:
13:09
15 Դեկտեմբերի 2017
Թուրք լրագրողը հարձակվել է հայ քաղաքագետի վրա «Զվեզդա» հեռուստաալիքի եթերում (ՎԻԴԵՈ)
Թուրք լրագրողը «Զվեզդա» հեռուստաալիքի «Process» (Процесс) հաղորդման ժամանակ հարձակվել է հայ քաղաքագետ Սարգիս Ծատուրյանի վրա:
20:09
14 Դեկտեմբերի 2017
Հայաստանի դիրքորոշումը հայ–թուրքական արձանագրությունների հարցում անփոփոխ է. ԱԳՆ
Հայաստանի դիրքորոշումը Թուրքիայի հետ հարաբերությունների բարելավման արձանագրությունների հարցում անփոփոխ է մնում:
19:21
14 Դեկտեմբերի 2017
Թուրքիան հայտարարել է, որ հավատարիմ է Հայաստանի հետ հարաբերությունների բարելավմանն ուղղված արձանագրություններին
Թուրքիան պահպանում է Հայաստանի հետ հարաբերությունների բարելավմանն ուղղված արձանագրությունների նկատմամբ իր հավատարմությունը:
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։