485.25
-0.08
569.44
-2.72
8.18
-0.02
+3
Եղանակը Երևանում
Հայ
ԿԱՅԾԱԿ «ԱՄԻ Նովոստի–Արմենիա». երկու տարի վերագործարկումից հետո. ի՞նչ է արվել և դեռ ի՞նչ ենք ուզում անել
Վրաստանի և Հայաստանի ներքաղաքական գործընթացները զգալի տարբերություններ ունեն. Վրաստանի դեսպան
16:34
31 Մայիսի 2011

Վրաստանում ընթացող ներքաղաքական գործընթացներն էականորեն տարբերվում են Հայաստանում տեղի ունեցող իրադարձություններից, կարծում է ՀՀ-ում Վրաստանի դեսպան Թենգիզ Շարմանաշվիլին:

«Ամենագլխավոր տարբերությունն այն է, որ Հայաստանի ներքին խլրտումները ներհայկական են և չեն հրահրվում այլ պետությունների կողմից, իսկ Վրաստանում, ցավոք, կան խմբեր, որոնք ֆինանսավորվում են այլ երկրների կողմից՝ դեպի ՆԱՏՕ Վրաստանի տեղաշարժին խանգարելու նպատակով», - երեքշաբթի լրագրողներին ասաց Շարմանաշվիլին:

Դեսպանը նաև ավելացրեց, որ Վրաստանը հստակ հայտարարել է եվրոպական հասարակության մեջ ինտեգրվելու իր ձգտման մասին ինչպես քաղաքական, այնպես էլ ռազմաքաղաքական մակարդակում:

«Մեր ժողովուրդը հանրաքվեի միջոցով հայտարարել է, որ կողմնակից է դեպի ՆԱՏՕ Վրաստանի ընթանալուն: Մենք հասկանում ենք, որ դեպի Եվրոպա ընթանալու ճանապարհը շատ դժվար է, սակայն մենք պատրաստ ենք անցնել այդ դժվարությունների միջով», - ընդգծեց նա:

Դեսպանի կարծիքով՝ նմանատիպ ուղղակի միջամտություններ, մասնավորապես՝ որևէ գործընթացին խանգարելու նպատակով առանձին խմբերի ֆինանսավորում հայկական ներքին քաղաքականության մեջ չկա:

Մեկնաբանելով Վրաստանում տեղի ունեցած վերջին ներքաղաքական իրադարձությունները, մասնավորապես՝ Թբիլիսիում բողոքի ակցիայի ցրումը՝ Շարմանաշվիլին հայտարարեց, որ Վրաստանում քաղաքական դրությունը կայուն է և միշտ այդպիսին է եղել:

«Մենք անկայուն չենք համարում այն իրավիճակը, երբ երկրում հանրահավաքներ են անցկացվում, քանի որ դա Վրաստանի յուրաքանչյուր քաղաքացու սահմանադրական իրավունքն է, և ցանկացած ժամանակ, օրենքի շրջանակներում, կարող են տարատեսակ հանրահավաքներ և ցույցեր անցկացվել, մենք դա ապակայունություն չենք համարում», - նշեց նա՝ ավելացնելով, որ, այնուամենայնիվ, մի խումբ քաղաքական անձանց հաջողվել է խաղաղ ցույցը վերածել ոստիկանության դեմ ուժային դիմադրության:

«Համարժեք միջոցներ են ձեռնարկվել այդ անօրինական գործողությունները կանխելու նպատակով: Այսօրվա դրությամբ շուրջ 90 մարդ ենթարկվել է վարչական պատասխանատվության: Մի շարք անձինք ենթարկվել են քրեական պատասխանատվության, և այժմ նրանց գործերով հետաքննություն է ընթանում», - ասաց դեսպանը:

Մայիսի 25-ի լույս 26-ի գիշերը վրացական հատուկ նշանակության ջոկատը ցրել է Թբիլիսիի Ռուսթավելու պողոտայում «Ժողովրդական ժողովի» կազմակերպած բողոքի ակցիան՝ կիրառելով արցունքաբեր գազ, ջրցան մեքենաներ, ռետինե գնդակներ և մահակներ, հաղորդում է «ՌԻԱ Նովոստին»: Ակցիայի մասնակիցներից շատերը տարբեր աստիճանի վնասվածքներով և արցունքաբեր գազից ստացած թունավորումով տեղափոխվել են հիվանդանոց: Տասնյակ մարդիկ ձերբակալվել են:-0-

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։