481.93
+0.2
569.16
+0.19
8.37
-0.02
+7
Եղանակը Երևանում
Հայ
ՀՀ ԱԳ նախարարը կմասնակցի ՀԱՊԿ ԱԳՆԽ-ի նիստին
10:38
30 Մայիսի 2011

ԵՐԵՎԱՆ, 30 մայիսի. /Նովոստի-Արմենիա/. ՀՀ ԱԳ նախարար Էդվարդ Նալբանդյանը կմեկնի Մինսկ՝ մայիսի 31-ին կայանալիք Հավաքական անվտանգության պայմանագրի կազմակերպության արտաքին գործերի նախարարների խորհրդի նիստին մասնակցելու նպատակով, հաղորդում է ՀՀ ԱԳՆ մամուլի ծառայությունը:

«Նիստի ընթացքում կքննարկվի 2010թ. դեկտեմբերին տեղի ունեցած ՀԱՊԿ հավաքական անվտանգության Խորհրդի նստաշրջանի ընթացքում ձեռք բերված պայմանվորվածությունների իրականացումը` ուղղված կազմակերպության առավել ամրապնդմանն ու արդյունավետության բարձրացմանը», - նշվում է տեղեկատվության մեջ:

Ինչպես հաղորդում է «ՌԻԱ Նովոստին», ՀԱՊԿ երկրների արտգործնախարարները Մինսկում կքննարկեն ՀԱՊԿ-ՄԱԿ ձևաչափում խաղաղարար գործունեության հաստատման հեռանկարները և կազմակերպության մեխանիզմների հարմարեցումը՝ մասնակից-երկրների անվտանգության սպառնալիքներին և մարտահրավերներին արձագանքելու արդյունավետությունը բարձրացնելու նպատակով:

Հանդիպմանը ռուսական կողմը կներկայացնի ՌԴ ԱԳ նախարար Սերգեյ Լավրովը: Նիստին կմասնակցի նաև ՀԱՊԿ գլխավոր քարտուղար Նիկոլայ Բորդյուժան: Նիստի ավարտից հետո ՀԱՊԿ անդամ-պետությունների արտգործնախարարները կհանդիպեն Բելառուսի նախագահ Ալեքսանդր Լուկաշենկոյի հետ:

ՌԴ ԱԳՆ պաշտոնական ներկայացուցիչ Ալեքսանդր Լուկաշևիչի խոսքերով՝ նախատեսված միջոցառման օրակարգում ներառված են ՀԱՊԿ-ի շրջանակներում համագործակցության ընթացիկ խնդիրները:

«Նախատեսվում է քննարկել միջազգային դրության զարգացման իրավիճակի և հեռանկարների, ինչպես նաև ՀԱՊԿ անդամ-երկրների անվտանգության ապահովման վրա այդ դրության ազդեցության մասին գլխավոր քարտուղարի տեղեկատվությունը», - ասել է նա:

Լուկաշևիչն ընդգծել է, որ նիստի ընթացքում «ըստ ավանդույթի՝ կարևոր տեղ կզբաղեցնեն ՀԱՊԿ անդամ-երկրների արտաքին-քաղաքական համագործակցության, այդ թվում նաև միջազգային այլ կազմակերպությունների հետ փոխգործակցությանն ուղղված երկրների քայլերի համակարգման հարցերը»:

«Նախատեսվում է զգալի ուշադրություն դարձնել ՀԱՊԿ-ՄԱԿ ձևաչափում խաղաղարար գործունեության հաստատման հեռանկարների և ուղիների հարցին՝ 2010 թ.-ի մարտին երկու կազմակերպությունների քարտուղարների միջև ստորագրված համագործակցության մասին համատեղ հռչակագրի դրույթներին համապատասխան», - նշել է ՌԴ ԱԳՆ պաշտոնական ներկայացուցիչը:

Նրա կարծիքով՝ «այս փուլում ՀԱՊԿ-ի աշխատանքի առանցքային ուղղությունն է կազմակերպության մեխանիզմների կատարելագործումը՝ նոր իրողություններին այն հարմարեցնելու նպատակով, այդ թվում նաև անդամ-պետությունների անվտանգության սպառնալիքներին և մարտահրավերներին արձագանքելու արդյունավետության բարձրացումը»:

«Այս համատեքստում նախարարները կքննարկեն ՀԱՊԿ հավաքական անվտանգության խորհրդի դեկտեմբերյան (2010 թ) նստաշրջանի որոշումների իրագործմանն ուղղված աշխատանքը, ինչպես նաև կազմակերպության համապատասխան համակարգող մեխանիզմների գործունեությունը», - պարզաբանել է նա:

Նախատեսվում է քննարկել նաև վարչարարական և կազմակերպչայան բնույթի մի շարք հարցեր: ՀԱՊԿ քարտուղարության մամուլի քարտուղար Վլադիմիր Զայնետդինովի խոսքերով՝ ԱԳՆԽ-ի նիստի ընթացքում կքննարկվեն «գործընկերության ինստիտուտի ստեղծման» առաջարկները (որոնց հեղինակը Բելառուսն է):

Նախարարները կքննարկեն նաև 2011 թ.-ի առաջին կիսամյակի-2012 թ.-ի առաջին կիսամյակի ՀԱՊԿ անդամ-պետությունների ներկայացուցիչների խորհրդատվությունների ծրագիրն արտաքին քաղաքականության, անվտանգության և պաշտպանության վերաբերյալ: «Կքննարկվեն նաև ՀԱՊԿ խաղաղարար ուժերի ձևավորման վերաբերյալ փաստաթղթերը և կորոշվեն հաջորդ նիստերի անցկացման ամսաթիվն ու վայրը», - ավելացրել է նա:

Բացի այդ, Մինսկում հունիսի 1-ին կանցկացվի նաև ՀԱՊԿ Անվտանգության խորհուրդների քարտուղարների կոմիտեի նիստը՝ Բելառուսի անվտանգության խորհրդի պետական քարտուղար Լեոնիդ Մալցևի նախագահությամբ:

Հավաքական անվտանգության պայմանագիրը (ՀԱՊ) ստորագրվել է 1992 թ.-ի մայիսի 15-ին Տաշքենդում: 2002 թ.-ին Հավաքական անվտանգության խորհուրդը որոշում է ընդունել վերափոխել ՀԱՊ մասնակից-պետությունների համագործակցության մեխանիզմներն ու կառույցները տարածաշրջանային միջազգային կազմակերպության՝ «Հավաքական անվտանգության պայմանագրի կազմակերպության»՝ տալով նրան համապատասխան կարգավիճակ: ՀԱՊԿ կանոնադրությունն ուժի մեջ է մտել 2003 թ.-ի սեպտեմբերի 18-ին:

ՀԱՊԿ-ի կազմում ներառված են Հայաստանը, Բելառուսը, Ղազախստանը, Ղրղզստանը, Ռուսաստանը, Տաջիկստանը և Ուզբեկստանը: Այս պահին ՀԱՊԿ-ում նախագահում է Բելառուսը: 2004 թ.-ից ՀԱՊԿ-ն ունի դիտորդի կարգավիճակ ՄԱԿ-ի գլխավոր վեհաժողովում:-0-

Loading...
Թեմատիկ նյութեր
Բաժնի այլ նյութեր
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը: