484.75
-0.5
571.76
+2.32
8.19
+0.01
+3
Եղանակը Երևանում
Հայ
ՀՀ խորհրդարանը համաներում հայտարարելու մասին որոշում է ընդունել
13:21
26 Մայիսի 2011

ՀՀ Ազգային ժողովը հինգշաբթի կայացած նիստի ժամանակ ընդունել է Հայաստանի անկախության 20-ամյակի կապակցությամբ համաներում հայտարարելու վերաբերյալ ՀՀ նախագահ Սերժ Սարգսյանի առաջարկը։

Որոշման ընդունմանը կողմ է քվեարկել է 91 պատգամավոր, մեկ խորհրդարանական ձեռնպահ է մնացել։

Ինչպես տեղեկացրեց ՀՀ արդարադատության նախարար Հրայր Թովմասյանը, պատգամավորների առաջարկների հիման վրա համաներման մասին որոշման տեքստի մեջ մի շարք փոփոխություններ են մտցվել: Մասնավորապես, նախատեսվում է մեղմել պայմանները անզգուշությամբ հանցագործություն կատարած անձանց համար:

Նրա խոսքերով՝ իրավապահ մարմիններ ինքնակամ ներկայանալու ժամկետը երկարացվել է 2011 թ.-ի հուլիսի 31-ից մինչև օգոստոսի 31-ը ներառյալ: Բացի այդ, 60 տարեկանը լրացած անձանց վերաբերող համաներման կետերի տարածման դեպքում հաշվի են առնվում այն անձինք, որոնց 60-ամյակը կլրանա մինչև հուլիսի 30-ը ներառյալ:

Հնարավոր շահարկումները թույլ չտալու նպատակով խորհրդարանականները նաև հստակեցրել են հաշմանդամների վրա համաներման տարածման կարգը: Պատգամավորների առաջարկով` համաներում կշնորհվի առաջին և երկրորդ խմբի հաշմանդամներին, ովքեր հաշմանդամություն են ստացել մինչև 2011 թ.-ի մայիսի 10-ը:

«Համաներման տակ չհայտնվող հանցագործությունների ցուցակից հանվել են ՃՏՊ-ի հետ կապված հոդվածները, որոնք հանգեցրել են երկու կամ ավել մարդկանց մահվան: Միաժամանակ հոդվածներով նախատեսվում է կրճատել պատժի ժամկետները», - ասաց Թովմասյանը:

Նախագահի կողմից առաջարկված համաներման քննարկումը սկսվել է չորեքշաբթի: Նախագահի առաջարկով նախատեսվում է ազատ արձակել առավելագույնը երեք տարվա ազատազարկման դատապարտված անձանց, որոնց նկատմամբ պատիժը պայմանականորեն չի կիրառվել, կամ պատժի կրումը հետաձգվել է, այն անձանց, որոնց նկատմամբ նշանակվել է ազատությունից զրկելու հետ չկապված պատիժ:

Նախատեսվում է նաև ազատ արձակել մինչև հինգ տարի ազատազրկման դատապարտվածներին, ովքեր առաջին կամ երկրորդ խմբի հաշմանդամներ են, կամ 60 տարեկանից բարձր անձինք են, մինչև 18 տարեկան հասակում հանցագործություններ կատարողներին, ովքեր նախկինում դատապարտված չեն եղել, հղի կանանց և մինչև երեք տարեկան երեխա ունեցողներին, ինչպես նաև Հայրենական մեծ պատերազմի և ԼՂՀ պաշտպանական մարտական գործողությունների մասնակիցներին

Պատիժը կրելուց ազատվում են այն անձինք, ովքեր հանցագործություն են կատարել անզգուշությամբ և դատապարտվել են մինչև հինգ տարի կամ մինչև տասը տարի ազատազրկման, սակայն արդեն կրել են պատժի մեկ քառորդը:

Համաներմամբ նախատեսվում է չհարուցել քրեական գործ և չիրականացնել քրեական հետապնդում այն անձանց նկատմամբ, ովքեր հանցագործություն են կատարել մինչև 2011 թ.-ի մայիսի 1-ը, ինչպես նաև դադարեցնել դատական ատյաններում գտնվող այն գործերը, որոնցով ազատազրկում չի նախատեսվում կամ պատժի ժամկետը չի գերազանցում 3-5 տարին, ինչպես նաև այն դեպքերում, եթե անձինք մեղադրվում են անզգուշությամբ հանցագործություն կատարելու մեջ, որը նախատեսում է մինչև հինգ տարի ազատազրկում:

Առաջարկվում է նաև երկու երրորդով կրճատել պատժի ժամկետը անզգուշությամբ կատարած հանցագործությունների համար, մեկ երրորդով՝ կանխամտածված հանցագործությունների և մինչև տասը տարի ազատազրկման դատապարտված անձանց համար, ինչպես նաև մեկ քառորդով՝ Քրեական գործերի մի շարք հոդվածներով նախատեսված հանցագործությունների համար:

Համաներումը չի տարածվելու այն անձանց վրա, ովքեր չարամտորեն խախտել են պատժամիջոցը կրելու ռեժիմը, այն անձանց վրա, որոնց պատժի ժամկետն արդեն կրճատվել է համաներման մասին այլ որոշումների համաձայն և այն անձանց վրա, ովքեր քրեակատարողական հաստատությունում կրկնահանցագործություն են կատարել, ինչպես նաև չի տարածվում հետախուզման մեջ գտնվող անձանց վրա բացառությամբ նրանց, ովքեր մինչև 2011 թ.-ի հուլիսի 31-ը ներառյալ ինքնակամ կհանձնվեն իրավապահ մարմիններին, ինչպես նաև չի տարածվում վտանգավոր կրկնահանցագործության դեպքում:

Համաներում չի շնորհվի նաև այն անձանց, ովքեր չեն փոխհատուցել հասցրած նյութական վնասը, ինչպես նաև այն անձանց, ովքեր պատիժ են կրում ՔՕ մի շարք հոդվածների հատկանիշներով, ինչպես նաև այն քաղաքացիների, ովքեր կատարել են մի քանի հանցագործություն կամ կրկնահանցագործություն ժամկետից շուտ ազատվելուց հետո:

Համաներումը նաև չի տարածվում այն անձանց նկատմամբ, ովքեր դատապարտվել են այլ պետությունների դատարանների վճռով, սակայն պատիժը կրում են Հայաստանում:

Որոշումը տարածվում է մինչև 2011 թ.-ի մայիսի 1-ը ներառյալ հանցագործություն կատարած անձանց նկատմամբ, միաժամանակ համաներումն ուժի մեջ կլինի մինչև 2011 թ.-ի սեպտեմբերի 21-ը ներառյալ

Հայաստանի անկախության ժամանակաշրջանում երկրում ինը անգամ համաներում է հայտարարվել: -0-

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։