487.29
-0.01
568.08
+2.76
8.23
+0.01
+4
Եղանակը Երևանում
Հայ
Երևանում տեղի է ունեցել Հայաստանի Կարմիր գրքի երկրորդ հրատարակության շնորհանդեսը
18:23
20 Մայիսի 2011

Հայաստանի կենդանիների և բույսերի կարմիր գրքի երկհատորյակի երկրորդ հրատարակության հանդիսավոր շնորհանդեսը տեղի է ունեցել ուրբաթ Երևանում՝ ՀՀ վարչապետ Տիգրան Սարգսյանի ներկայությամբ:

Կենդանիների կարմիր գրքի (1987 թ.-ի հրատարակություն) և Բույսերի կարմիր գրքի (1989 թ.-ի հրատարակություն) վերջնական մշակման և վերաթողարկման աշխատանքները նախաձեռնել է ՀՀ բնապահպանության նախարարությունը՝ կառավարության, ինչպես նաև ՄԱԿ-ի Զարգացման ծրագրի, Բնապահպանության միջազգային միության, Վայրի բնության համաշխարհային հիմնադրամի և Միջազգային համագործակցության գերմանական ասոցիացիայի աջակցությամբ:

«Պատահական չէ, որ Հայաստանի կարմիր գրքի շնորհանդեսը տեղի է ունենում Կենսաբազմազանության միջազգային օրվա նախաշեմին, քանի որ այն նպատակաուղղված է կենսաբազմազանության կորուստների աճի տեմպերի զգալի կրճատմանն ուղղված մեր ջանքերի կրկնապատկմանը», - շնորհանդեսի ընթացքում ասաց ՀՀ բնապահպանության նախարար Արամ Հարությունյանը:

Նա նաև նշեց, որ Հայաստանի կենդանիների և բույսերի կարմիր գրքի հրատարակումն առաջին հերթին ներկայացնում է ներկայի և ապագայի համար պատասխանատվություն կրելու հասարակության պատրաստակամության արդյունքը:

Նախարարի խոսքով՝ դեռ 1992թ.-ին Ռիո դե Ժանեյրոյում կայացած Շրջակա միջավայրի խնդիրների համաշխարհային ֆորումում ընդգծվել է, որ ամեն երկիր պարտավորություններ ունի կենսաբազմազանության պահպանման հարցում:
«Կարմիր գրքի պատրաստումն ու հրատարակումն ազգի շահագրգռվածության և համաշխարհային հանրության առջև պարտավորությունների հաստատումն է», - ասաց նա:

Հայաստանի կարմիր գրքի երկրորդ հրատարակության մեջ ներառված է 452 բուսատեսակ, սնկերի 40 տեսակ, կենդանիների 308 տեսակ (153 ողնաշարավոր և 155 անողնաշարավոր):

Հարությունյանը նշեց, որ Հայաստանի բույսերի կարմիր գրքի երկրորդ հրատարակության մեջ առաջին անգամ ներառվել են սնկերի վտանգավոր տեսակներ, իսկ Կենդանիների կարմիր գրքում՝ անողնաշարավորների տեսակներ:
«Արդեն այսօրվանից մենք պետք է նախաձեռնենք Կարմիր գրքի հաջորդ հրատարակումը և ձգտենք, որ ապագայում այն դառնա ավելի բարակ և փոքր», - ընդգծեց նա:
ՀՀ-ում ՄԱԿ-ի մշտական համակարգող Դաֆինա Գերչևան իր հերթին նշեց, որ Կարմիր գրքի հրատարակումը վկայում է, որ հայկական կառավարությունը հեռանկարային ուղղություն է համարում երկրում կենսաբազմազանության պահպանումը:

«Հայաստանը Կովկասի կենսաբազմազանության կենտրոնում է, և այստեղ կան շուրջ 30 հազար տարբեր կենսատեսակներ», - ասաց նա:
Գերչևան նաև մտահոգություն հայտնեց, որ չնայած իշխանությունների ջանքերին, ֆլորայի և ֆաունայի շատ տեսակներ դեռևս գտնվում են անհետացման եզրին:
Կարմիր գրքի երկրորդ հրատարակությունն արձանագրում է մտահոգիչ միտումներ, իսկ դա նշանակում է, որ հարկավոր է զգալի ջանքեր ներդնել՝ անհետացման եզրին գտնվող տեսակների պաշտպանությունն ապահովելու համար», - ասաց նա՝ ավելացնելով, որ կենսաբազմազանությունը երկրագնդի առողջության կարևոր ցուցանիշն է:
Մշտական համակարգողը նաև հույս հայտնեց, որ Հայաստանի կարմիր գրքի երկրորդ հրատարակությունը երիտասարդության շրջանում հետաքրքրություն կառաջացնի կենսաբազմազանության պահպանման հարցերում և կնպաստի հետագա տնտեսական, սոցիալական և հասարակական բարգավաճմանը:

Կարմիր գրքի երկրորդ հրատարակությունը, որի աշխատանքներն իրականացվել են 2007-2009թթ.-ին՝ գոյություն ունեցող տվյալների և նոր դաշտային ուսումնասիրությունների հիման վրա, պատրաստվել է ԳԱԱ-ի, Երևանի պետական համալսարանի և գիտական այլ հաստատությունների մասնագետների կողմից:

Շնորհանդեսի ընթացքում ԳԱԱ Բուսաբանության ինստիտուտի տնօրեն Ժիրայր Վարդանյանն ու ԳԱԱ Կենդանաբանության և հիդրոէկոլոգիայի գիտական կենտրոնի տնօրեն Գագիկ Սարկիսովը, ՀՀ կառավարության ղեկավարի որոշման համաձայն, պարգևատրվեցին ՀՀ վարչապետի պատվավոր մեդալներով՝ գիտության ոլորտում ունեցած զգալի ներդրման համար:

ՀՀ բնապահպանության նախարարի հրամանով Հայաստանի կենդանիների և բույսերի կարմիր գրքի մշակման և հրատարակման գործում ունեցած մասնագիտական լուրջ ներդրման համար գերատեսչական ոսկե մեդալներ հանձնվեցին ԳԱԱ Բուսաբանության ինստիտուտի բույսերի կարգաբանության և աշխարհագրության բաժնի պետ Էլեոնորա Գաբրիելյանին, ԳԱԱ Կենդանաբանության և հիդրոէկոլոգիայի գիտական կենտրոնի Կենդանաբանության ինստիտուտի միջատաբանության և կենդանաբանության լաբորատորիայի պետ Մարկ Քալաշյանին, ԳԱԱ Բուսաբանության ինստիտուտի բույսերի կարգաբանության և աշխարհագրության բաժնի առաջատար գիտաշխատող Քամիլլա Թամամյանին, ինչպես նաև ԵՊՀ Կենդանաբանության ֆակուլտետի բուսաբանության ամբիոնի վարիչ Սիրանուշ Նանագուլյանին:-0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։