478.04
+0.15
564.85
-3.12
8.3
-0.03
+21
Եղանակը Երևանում
Հայ
Հայաստանում ինը տարվա ընթացքում ասթմայից մահացածների թիվը կրճատվել է եռակի
19:54
03 Մայիսի 2011

Հայաստանում ասթմայից մահացած մարդկանց թիվը վերջին ինը տարվա ընթացքում կրճատվել է եռակի, երեքշաբթի լրագրողների հետ հանդիպման ժամանակ տեղեկացրեց ՀՀ առողջապահության նախարարության գլխավոր թոքաբան Անդրանիկ Ոսկանյանը:

Առողջապահության համաշխարհային կազմակերպության տվյալների համաձայն՝ ասթման երեխաների շրջանում ամենատարածված քրոնիկ հիվանդությունն է: Աշխարհում բրոնխյալ ասթմայով տառապում է ավելի քան 300 մլն մարդ:

Ոսկանյանի խոսքերով՝ եթե 2002 թ.-ի տվյալներով 100 հազար մարդու հաշվարկով Հայաստանում ամեն տարի ասթմայից մահացել է 6 մարդ, ապա հիմա այդ թիվը եռակի կրճատվել է:Նրա խոսքերով՝ այսօր Հայաստանում երկրի բնակչության ընդհանուր թվից ասթմա ունի երեխաների 12-16 տոկոսը և մեծահասակների 5-7 տոկոսը:

«Աշխարհի համատեքստում Հայաստանի վիճակագրությունը բավականին սփոփիչ է, քանի որ տասը տարին մեկ աշխարհում կրկնապատկվում է բրոնխյալ ասթմայով հիվանդների թիվը , - ասաց նա ամեն տարի մայիսի առաջին երկուշաբթի օրը նշվող Ասթմայի համաշխարհային օրվա շրջանակներում «Դու կարող ես վերահսկել քո ասթման» սեմինար-հանդիպման բացումից առաջ:

Թոքաբանը նշեց, որ բրոնխյալ ասթման կապված չէ կլիմայական կամ կենցաղային պայմանների հետ:

«Ասթմայի ի հայտ գալը կապված է մարդու օրգանիզմի պաշտպանական ռեակցիաների հետ: Այսօր արագ տեմպերով ընթանում է քաղաքների ընդլայնման և մեծացման գործընթացը, մարդու օրգանիզմը չի հասցնում հարմարվել այդ ամենին: Այս ամենի հետևանքով առաջանում է աֆեկտ, ջղայնություն, չարություն, և պաշտպանական ռեակցիաները վերածվում են հիվանդության», - տեղեկացրեց նա:

Թոքաբանը նաև նշեց, որ բրոնխյալ ասթման դատավճիռ չէ, սակայն դա ախտորոշում է ողջ կյանքի համար:

«Հիվանդը պետք է հասկանա, որ կարող է վերահսկել իր ասթման և ապրել երկար ու առողջ կյանքով: Ասթմայի բուժումը շատ ավելի էժան է, քան հիվանդության հետևանքով հաշմանդամ դարձած մարդկանց պահելը: Մեր այսօրվա սեմինար-հանդիպման նպատակն է գրավել մեր կառավարության, բժշկական հանրության և հայկական հասարակության ուշադրությունն այս խնդրի նկատմամբ», - ասաց նա:

Ոսկանյանը կարծում է, որ ասթմայի կանխման համար հարկավոր է ախտորոշել նորածիններին և սեռական հասունության տարիքի պատանիներին, քանի որ այդ տարիքում ասթման շատ ավելի հեշտ է բուժել:

Երևանի պետական բժշկական համալսարանի ալերգոլոգիայի և կլինիկական իմունոլոգիայի ամբիոնի վարիչ Սպարտակ Գամբարովն իր հերթին նշեց, որ բրոնխյալ ասթման հիմնականում ալերգիկ հիվանդություն է:

«Իհարկե, լինում են ասթմայի ոչ ալերգիկ տեսակներ, սակայն դրանք շատ հազվադեպ են հանդիպում: Ասթման շնչուղիների ալերգիկ հիվանդություն է, այդ պատճառով ես խորհուրդ եմ տալիս ծնողներին ուշադիր լինել ալերգիկ հարբուխների (ալերգիկ ռինիտ) նկատմամբ, քանի որ այն հեշտությամբ կարող է վերածվել բրոնխյալ ասթմայի», - ասաց նա:

Գամբարովը նաև ավելացրեց, որ առավել ուշադիր է պետք լինել հիմա, քանի որ սկսվում է ալերգիկ ռինիտի սրման սեզոնը, որի պատճառը, հիմնականում, ծաղկափոշին է: Մասնագետը համառորեն խորհուրդ տվեց դիմել բժիշկի:-0-

Loading...
Թեմատիկ նյութեր
Բաժնի այլ նյութեր
14:20
26 Սեպտեմբերի 2017
Մեծ Բրիտանիայի եվրահարցերով պետնախարարը կժամանի Երևան
Մեծ Բրիտանիայի` Ամերիկայի և Եվրոպական հարցերով պետնախարար Ալան Դունկանը սեպտեմբերի 26–28–ին ՀՀ ԱԳՆ ղեկավար Էդվարդ Նալբանդյանի հրավերով կժամանի Երևան։
11:21
26 Սեպտեմբերի 2017
Իրաքյան Քուրդիստանում քաղաքացիների 93%-ն «այո» է ասել անկախացմանը
Նախօրեին անկախության հարցով հանրաքվե է անցկացվել Իրաքյան Քուրդիստանում։
17:06
23 Սեպտեմբերի 2017
Հայաստանի և Ադրբեջանի ԱԳՆ ղեկավարները կհանդիպեն Նյու Յորքում
Հայաստանի և Ադրբեջանի ԱԳ նախարարներ Էդվարդ Նալբանդյանը և Էլմար Մամեդյարովի հանդիպումը կկայանա  Նյու Յորքում:
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան: