484.75
-0.5
571.76
+2.32
8.19
+0.01
-1
Եղանակը Երևանում
Հայ
Թուրքիան կեղծ հայամետ քաղաքականությամբ փորձում է միջազգային նոր իմիջ ստեղծել. հայ թուրքագետ
15:41
22 Ապրիլի 2011

Թուրքիան իր թվացյալ հայամետ քաղաքականությամբ փորձում է ստեղծել միջազգային նոր իմիջ, հայտարարել է ԵՊՀ Արևելագիտության ֆակուլտետի դեկանի տեղակալ, թուրքագետ Ռուբեն Մելքոնյանը:

«Այսօր Թուրքան կոնկրետ ուղղումներ է մտցնում 1915 թ.-ի Հայոց ցեղասպանության միջազգային ճանաչման կանխման իր քաղաքականության մեջ, ինչն, առաջին հայացքից, կարող է նույնիսկ հայամետ տրամադրության դրսևորում թվալ: Դա, մասնավորապես, վերաբերվում է տարբեր ակցիաներին և միջոցառումներին, որոնցով թուրքական կողմը պատմական ճշմարտության ճանաչման փորձի իմիտացիա է ստեղծում», - ուրբաթ լրագրողներին ասաց Մելքոնյանը:

Թուրքագետը, մասնավորապես, նշեց սգո ակցիան, որը թուրքական մտավորականության և իրավապաշտպան կազմակերպությունների ներկայացուցիչները նախատեսում են անցկացնել Ստամբուլում ապրիլի 24-ին:

Թուրքական հասարակությանն ուղղված ակցիայի կազմակերպիչների ուղերձում նշվում է, որ 20-րդ դարի սկզբում Օսմանյան կայսրությունում բնակվել է 1,5-2 մլն հայ, «որոնց 1915 թ.-ի ապրիլի 24-ից սկսեցին վտարել, և նրանք այլևս չկան»: Ուղերձի հեղինակները վստահեցնում են, որ նրանց հոգիներում «արդեն 95 տարի է շարունակում է աճել Մեծ աղետի մեծ ցավը», նրանք կոչ են անում թուրքերին, ովքեր իրենց սրտերում զգում են այդ մեծ ցավը, խոնարհվել 1915 թ.-ի իրադարձություններիզ զոհերի հիշատակի առջև:

Այս կապակցությամբ Մելքոնյանը կասկած հայտնեց այս և նմանատիպ այլ ակցիաների ազնվության և անկեղծության կապակցությամբ:

«Ակցիան շատ կարճ ժամանակահատվածում քաղաքականացվեց և եվրոպական, և միջազգային տարբեր կառույցներում ու վերածվեց Թուրքիայի գովազդային հոլովակի: Այսինքն, թուրքական կողմը փորձում է ներկայացնել, թե Թուրքիայում այսօր կոնկրետ փոփոխություններ են տեղի ունենում, ինչն իր հերթին ուղղված է նրան, որպեսզի երրորդ պետությունները չմիջամտեն այս գործընթացներին՝ սպասելով Թուրքիայում գործընթացի տրամաբանական զարգացմանը», - նշեց թուրքագետը:

Մելքոնյանն ընդգծեց, որ նմանատիպ ակցիաներն աշխարհասփյուռ հայության համար կարևոր և արժեքավոր կլինեին այն դեպքում, եթե չքաղաքականացվեին: «Սրանք գործընթացներ են՝ հանուն գործընթացի, նրանք որևէ նպատակ չեն հետապնդում և միայն իմիտացիա են ստեղծում, թե Թուրքիայում որևէ տեղաշարժ է տեղի ունենում: Այս քաղաքականությունն ավելի վտանգավոր է, քանի որ այստեղ մեզ համար որոգայթներ են թաքնված, որոնք մեզ ծանոթ չեն», - ավելացրեց թուրքագետը:

Հայոց Ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին մոտ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Հայոց Ցեղասպանության հարցի վերաբերյալ Արևմուտքի կողմից արվող քննադատություններին։

Հայոց ցեղասպանության փաստը ճանաչել են բազմաթիվ երկրներ։ Առաջինը 1965 թ.-ին ճանաչել է Ուրուգվայը, որի օրինակին են հետևել Ռուսաստանը, Ֆրանսիան, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, ԱՄՆ-ի 42 նահանգները։ Հայոց ցեղասպանությունը ճանաչել են նաև Վատիկանը, Եվրախորհրդարանը, Եկեղեցիների համաշխարհային խորհուրդը։-0-

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։