486.67
+0.35
520.49
+1.39
8.22
+0.01
-1
Եղանակը Երևանում
Հայ
Ռուսական ռազմական բեռների տարանցման մասին համաձայնագիրը դադարեցնելու Վրաստանի որոշումն ուղղված չէ Հայաստանի դեմ. պատգամավոր
14:57
20 Ապրիլի 2011

Ռուսական ռազմական բեռների տարանցման մասին համաձայնագիրը դադարեցնելու Վրաստանի որոշումն ուղղված չէ Հայաստանի դեմ, «Նովոստի-Արմենիա» գործակալությանն ասաց ՀՀ ԱԺ պաշտպանության, ազգային անվտանգության և ներքին գործերի մշտական հանձնաժողովի նախագահ Հրայր Կարապետյանը:

Վրաստանի խորհրդարանը նախօրեին միաձայն ընդունել է «Վրաստանի տարածքով ռազմական բեռների և անձնակազմի տարանցման մասին Ռուսաստանի հետ կնքված 2006 թ.- մարտի 31-ի համաձայնագրի գործողությունների դադարեցման մասին» որոշումը: Համաձայնագրի գործողության ժամկետը լրանում է 2011 թ.-ի նոյեմբերին:

Վրաստանի փոխարտգործնախարար Նինո Քալանդաձեի խոսքերով՝ վերջին տարիներին Ռուսաստանը չէր օգտվում այդ համաձայնագրից և վերջին անգամ այդ հարցով դիմել է Վրաստանին 2008 թ.-ի հունիսին, սակայն մերժում ստանալուց հետո այլևս չի դիմել: Վրաստանը մտադիր է նախօրոք ՌԴ-ին պաշտոնական տեղեկատվություն ուղարկել այն մասին, որ դուրս է գալիս այդ համաձայնագրից:

«Հարցը Ռուսաստանի, այլ ոչ թե Հայաստանի իրավասության ներքո է, ավելին, վրացի գործընկերները վստահեցրել են հայկական կողմին, որ այդ որոշումն ուղղված չէ Հայաստանի դեմ», - ասաց Կարապետյանը:

Վրաստանը Ռուսաստանի և Հայաստանի միջև գրեթե միակ ցամաքային տարանցիկ ուղին է, քանի որ Հայաստանի և Թուրքիայի սահմանը փակ է, իսկ Ադրբեջանի հետ երկիրը փաստորեն գտնվում է ռազմական դրության մեջ:

Կարապետյանը կարծում է, որ տարանցման մասին համաձայնագրի դադարեցումը Ռուսաստանի համար լուրջ խնդիրներ կստեղծի, և նա պետք է ճանապարհ գտնի դրանք լուծելու և պաշտպանության ոլորտում հայ-ռուսական գործող պայմանագրերը կատարելու համար:

ՀՀ ԱԺ-ն նախորդ շաբաթ վավերացրել է ՀՀ-ում ՌԴ ռազմակայանի տեղակայման ժամկետների երկարացման մասին արձանագրությունը, որը նախատեսում է ոչ միայն ժամկետների երկարացում, այլև մի շարք բաղկացուցիչներ, որոնց թվում է հայկական Զինված ուժերի հետ համատեղ Հայաստանի անվտանգության ապահովումը:

Ռուսական կողմը, փաստաթղթի համաձայն, պարտավորվում է հայկական կողմին զինել ժամանակակից սպառազինությամբ, ռազմական (հատուկ) տեխնիկայով:

Գյումրիում տեղակայված է ռուսական 102-րդ ռազմակայանը, որը ռազմական հերթապահություն է իրականացնում ԱՊՀ ՀՕՊ-ի միասնական համակարգի շրջանակներում: Բազան ՌԴ Հյուսիսկովկասյան ռազմական օկրուգի Անդրկովկասյան ռուսական զորախմբի ենթակայության տակ է գտնվում:

Բազան զինված է С-300 զենիթահրթիռային համալիրով և ՄիԳ-29 կործանիչներով: Բազայի անձնակազմը շուրջ 5 հազար մարդ է ներառում:-0-

Loading...
Թեմատիկ նյութեր
Բաժնի այլ նյութեր
10:57
19 Հունվարի 2017
Խաչատուր Սուքիասյանը կլինի Գագիկ Ծառուկյանի դաշինքի շտաբի պետը
Երկար քննարկումներից հետո Խաչատուր Սուքիասյանը որոշել է առաջիկա ընտրություններին մասնակցել Գագիկ Ծառուկյանի դաշինքով։
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։
13:10
17 Հունվարի 2017
Սեյրան Օհանյանն ու Վարդան Օսկանյանը քննարկել են առաջիկա խորհրդարանական ընտրություններին առնչվող հարցեր
ՀՀ պաշտպանության նախկին նախարար Սեյրան Օհանյանը երեքշաբթի հանդիպել է նախկին արտգործնախարար, «Համախմբում» կուսակցության նախագահ Վարդան Օսկանյանի հետ:
11:03
17 Հունվարի 2017
ՀՀ վարչապետը պաշտոնական այցով կմեկնի ՌԴ
Այցի շրջանակում Կարեն Կարապետյանը Մոսկվայում հանդիպում կունենա ՌԴ վարչապետ Դմիտրի Մեդվեդևի հետ:
16:32
16 Հունվարի 2017
ՀՀ նոր վարչապետից հարկավոր չէ սպասել լուրջ փոփոխություններ. քաղաքագետ
Իրավիճակի լուրջ բարելավում, որին սպասում է Հայաստանի բնակչությունը նոր վարչապետից և կառավարությունից, սկզբունքորեն չի կարող լինել, հայտարարեց քաղաքագետ, Կովկասի ինստիտուտի տնօրեն Ալեքսանդր Իսկանդարյանը:
13:37
13 Հունվարի 2017
Հայաստանի վարչապետը նշում է, որ կարող է չհայտնվել ՀՀԿ ընտրացուցակներում
Հայաստանի վարչապետ Կարեն Կարապետյանը հավանական է համարում, որ կարող է չհայտնվել Հայաստանի հանրապետական կուսակցության ընտրացուցակներում։
11:42
12 Հունվարի 2017
ԱՄՆ դեսպանատունն ու ԵՄ պատվիրակությունը որոշել են չֆինանսավորել Հայաստանի քաղաքական ուժերից և ոչ մեկին
Արևմուտքը, մասնավորապես ԱՄՆ դեսպանատունը և ԵՄ պատվիրակությունը, որոշել են առավելապես չեզոքություն ցուցաբերել և ուղղակի կամ անուղղակի չֆինանսավորել քաղաքական ուժերից և ոչ մեկին:
12:23
11 Հունվարի 2017
ՀՀԿ կանանց շրջանում խռովություն է հասունանում
ՀՀԿ կանայք պատրաստվում են Սերժ Սարգսյանից հանդիպում խնդրել և նրա մոտ բարձրացնել ցուցակի առաջին եռյակը եզրափակող Արփինե Հովհաննիսյանի հարցը: