483.55
-0.56
568.22
-2.21
8.18
-0.05
+4
Եղանակը Երևանում
Հայ
ՌԴ ավելի քան 70 տարածաշրջաններ ներգրավված են Հայաստանի հետ համագործակցության ծրագրում. Բասարգին
13:47
18 Ապրիլի 2011

ՌԴ ավելի քան 70 տարածաշրջաններ ուղղակիորեն և անուղղակիորեն ներգրավված են Հայաստանի հետ համագործակցության ծրագրում, երկուշաբթի ՀՀ վարչապետ Տիգրան Սարգսյանի հետ հանդիպման ժամանակ ասաց ՌԴ տարածքային զարգացման նախարար Վիկտոր Բասարգինը։

Բասարգինը Հայաստանում է գտնվում «Դեպի նոր տնտեսական հեռանկարներ Հայ-Ռուսական դաշնակցային հարաբերություններում» առաջին միջտարածաշրջանային համաժողովին մասնակցելու նպատակով, որը տեղի կունենա ապրիլի 18-20-ը Կարեն Դեմիճյանի անվան մարզահամերգային համալիրում։

 

«30 սուբյեկտներ այսօր համաձայնագրեր ունեն Հայաստանի Հանրապետության կամ ՀՀ մարզերի հետ, մնացածները, կարծում եմ, ակտիվորեն կձգտեն, որ  համաձայնագրեր ունենան և մշակեն համագործակցության միջնաժամկետ ու երկարաժամկետ ծրագրեր»,- Բասարգինի խոսքը մեջբերեցին հայկական կառավարության մամուլի ծառայությունից։

Ռուս նախարարն ընդգծել է, որ պատրաստվելով այս համաժողովին` հատուկ ուսումնասիրել է ՀՀ և ՌԴ տարածաշրջանների միջև համագործակցության ամբողջ բազան:

Սարգսյանն իր հերթին կարևորել է հայ-ռուսական ֆորումի անցկացումը։

«Ուրախալի է, որ մեր նախագահների` տարածաշրջանային մակարդակով կապերն ամրապնդելու նախաձեռնությունն արդեն կյանքի է կոչվում, և մենք տեսնում ենք առաջին պտուղները: Վստահ եմ, որ միջտարածաշրջանային համաժողովը նոր լիցք կհաղորդի այդ կապերի ամրապնդմանը: Մենք շահագրգռված ենք դրանում, և կանենք հնարավոր ամեն ինչ, որպեսզի այդ կապերն ամրապնդվեն և խորանան»,- ասել է կառավարության ղեկավարը։

 

Նա նշել է, որ երկու երկրների առջև  ծառացած խնդիրներն ընդհանուր են, ռազմավարական գործընկերային հարաբերություններն առանձնահատուկ բնույթ են տալիս այս բոլոր միջոցառումներին։

Տիգրան Սարգսյանը նշել է նաև, որ տարածքային զարգացումը Հայաստանի Հանրապետության կառավարության գործունեության առաջնայնություններից է, և այն ունի քաղաքական, տնտեսական և սոցիալական նշանակություն մեր պետության զարգացման համար:

Կառավարության ղեկավարը ներկայացրել է Հայաստանի Հանրապետության տնտեսական քաղաքականության առաջնայնությունները:

 

Զրուցակիցներն անդրադարձել են հայ-ռուսական հարաբերությունների մի շարք ոլորտներում ընթացող զարգացումներին: Կարևորվել է տարածքային զարգացման առումով երկու երկրներում առկա փորձի ուսումնասիրությունն ու փոխանակությունը:

Ֆորումի լիագումար նիստը կբացվի ապրիլի 19-ին: Ֆորումին թեմատիկ կլոր սեղաններ կանցկացվեն։

Ծրագրվում է միջկառավարական և միջտարածաշրջանային համաձայնագրերի, ներմուծման, արտահանման պայմանագրերի, նոր ձեռնարկությունների բացման մասին տարածաշրջանային տնտեսվարող  սուբյեկտների միջև պայմանագրերի ստորագրում։ Դրանցից կարևորագույնը ՀԿԵ-ի և ՀՀ կառավարության միջև Վանաձոր-Ֆիոլետովո երկաթուղագծի 32 կիլոմետրանոց հատվածի շինարարությունը սկսելու մասին հուշագիրն է։

Ֆորումի աշխատանքներին կմասնակցեն Տնտեսական համագործակցության  ռուս-հայկական հանձնաժողովի համանախագահներ, ՀՀ վարչապետ Տիգրան Սարգսյանը և ՌԴ տրանսպորտի նախարար Իգոր Լևիտինը, նախարարությունների և գերատեսչությունների ղեկավարներ, մարզպետեր, ձեռներեցներ, այդ թվում՝ Ռուսաստանի հայկական սփյուռքի գործարար  շրջանակներից, փորձագետներ, ոչ կառավարական կազմակերպությունների ներկայացուցիչներ, ԶԼՄ-ների աշխատակիցներ։ Ֆորումին կմասնակցի   ավելի քան 500 մարդ։

Ապրիլի 18-ին Կարեն Դեմիրճյանի անվան Մարզահամերգային համալիրում ֆորումի շրջանակներում կբացվի արդյունաբերական նորարարությունների ռուս-հայկական միջտարածաշրջանային ցուցահանդեսը, որի ընթացքում առաջին անգամ կներկայացվեն երկու երկրների շատ նորարար նախագծեր և տեխնոլոգիաներ։

Նշանակալից միջոցառումների թվում են «Զվարթնոց» օդանավակայանին «Արմավիա» հայկական ավիաընկերության կողմից «Սուխոյ Սուպերջետ-100» առաջին ինքնաթիռի փոխանցումը, Երևանում Հարավկովկասյան երկաթուղու «Ենթակառուցվածքների ախտորոշման կենտրոնի» բացումը, որը վերականգնվել է Հայաստանում ՌԴ դեսպանատան նախաձեռնությամբ։ -0-

Loading...
Թեմատիկ նյութեր
Բաժնի այլ նյութեր
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ: