478.42
-0.15
561.67
-0.12
8.1
+0.05
+22
Եղանակը Երևանում
Հայ
Երևանը շանտաժ է համարում ԼՂՀ սահմանի մոտ ադրբեջանական մարտական ուղղաթիռների թռիչքները
10:59
15 Ապրիլի 2011

Լեռնային Ղարաբաղի Հանրապետության սահմանի մոտ ադրբեջանական մարտական ուղղաթիռների թռիչքներն Ադրբեջանի հերթական շանտաժն ու խուճապի արտահայտությունն է, Հանրային հեռուստաընկերությանը տված հարցազրույցում ասաց ՀՀ արտաքին գործերի փոխնախարար Շավարշ Քոչարյանը։

Ադրբեջանական գրոհային ինքնաթիռներն ու մարտական ուղղաթիռները հինգշաբթի թռիչքներ են իրականացրել Լեռնային Ղարաբաղի Հանրապետության սահմանի մոտ, բայց երկրի օդային տարածություն չեն ներխուժել, հաղորդել են ԼՂՀ պաշտպանության բանակի լրատվության և քարոզչության բաժնից։ ՊԲ հակաօդային ուժերի կողմից թռիչքային բոլոր թիրախները հավաստանշվել են ժամանակին և շարունակ պահվել են խիստ վերահսկողության տակ։

«Դա խուճապի յուրօրինակ արտահայտություն է... Ադրբեջանն արդեն կանգնած է իրական բանակցություններ վարելու հստակ խնդրի առջև։ Այն, որ նրանք երկար ժամանակ հայտարարում էին՝ կամ ամեն ինչ այնպես, ինչպես իրենք են ցանկանում, կամ ոչինչ, կամ ամեն ինչ, կամ պատերազմ, ի սկզբանե անարդյունավետ էր։ Հետևաբար այնպիսի իրավիճակում, պետք է գործել, այլ ոչ թե հայտարարություններ անել, Բաքուն խուճապի մեջ է ընկնում, և դրա արտահայտություններից մեկն այդ շանտաժն է»,- նշեց փոխնախարարը։

Նա ընդգծեց, որ հայկական կողմը միշտ հստակ հայտնել է իր դիրքորոշումը ղարաբաղյան հարցում, և նրա մոտեցումները հիմնականում համընկնում են միջազգային կառույցների դիրքորոշման հետ։

«Բնական է, որ դա դուր չի գալիս Ադրբեջանին, և նա միշտ մեղադրում է միջազգային կառույցներին՝ Մինսկի խմբին, ՄԽ համանախագահներին։ Դրա համար մի շարք պատճառներ կան. դրանցից մեկն այն է, որ այդ երկրի իշխանություններն իրենց ժողովրդին քարոզչության պատանդ են դարձրել։ Այն, ինչ նրանք հայտարարում են, ոչ մի ընդհանուր բան չունի իրականության հետ, և իրենց արդարացնելու համար նրանք ստիպված են մեղադրել բոլորին»,- հայտնեց Քոչարյանը։

Ըստ նրա՝ երկու հայկական պետությունների պաշտպանական գերատեսչությունների ղեկավարները ղեկավարվում են հետևյալ սկզբունքով՝ պետք է գործել, ոչ թե խոսել։ «Նրանք երկուսն էլ հաղթող կողմի պաշտպանության նախարարներն են։ Եվ նրանք կրկին հաղթող կլինեն, եթե Ադրբեջանը որոշի որևէ արկածախնդրության գնալ»,- ընդգծեց փոխնախարարը։

Նա նշեց, որ ԵԱՀԿ Մինսկի խմբի երեկվա հայտարարության մեջ հստակ ասվում է, որ պետք է ընդհանրացնել արձանագրված արդյունքները և անցնել կարգավորման։

Հինգշաբթի ԵԱՀԿ կայքում ԵԱՀԿ Մինսկի խմբի համանախագահների՝ ապրիլի 11-14-ը տարածաշրջան կատարած այցի արդյունքների վերաբերյալ տեղադրված հայտարարությունում ասվում է, որ «ղարաբաղյան կարգավորման բազային սկզբունքների վերջնական հաստատման և խաղաղ համաձայնագրի մշակմանն անցնելու ժամանակն է»։

«Դա նշանակում է, որ հստակ գործողությունների ժամանակն է։ Ադրբեջանը վերջին փորձերն է ձեռնարկում սեփական ժողովրդի աչքին իրեն արդարացնելու համար»,- ամփոփեց Քոչարյանը։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
11:27
21 Օգոստոսի 2017
ՀՀ ԱԳՆ–ն մեկնաբանել է ԵՏՄ մաքսային գոտուն միանալու Թուրքիայի մտադրությունը
ՀՀ փոխարտգործնախարար Շավարշ Քոչարյանը ԱԳՆ–ի Twitter–յան էջում մեկնաբանել է ԵՏՄ մաքսային գոտի մուտք գործելու Թուրքիայի ցանկությունը։
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։