486.66
-0.08
513.23
+1.81
8.4
-0.01
-3
Եղանակը Երևանում
Հայ
Հայերը կկարողանան երկաթուղով սևծովյան հանգստավայրեր մեկնել հունիսի 15-ից՝ նախկին սակագներով
16:22
14 Ապրիլի 2011

ԵՐԵՎԱՆ, 14 ապրիլի. /Նովոստի-Արմենիա/. «Հարավկովկասյան երկաթուղի» ՓԲԸ-ն հունիսի 15-ից սկսում է ամառային սեզոնը՝ գործարկելով Բաթումիի ուղղությամբ երկու գնացք, ասաց «ՀԿԵ» ՓԲԸ-ի գլխավոր տնօրեն Շևքեթ Շայդուլլինը:

«Մենք սեզոնը փոքր-ինչ շուտ ենք սկսում, քանի որ այս տարի դպրոցներում շրջանավարտներ չեն լինելու, և մենք կցանկանայինք, որպեսզի Հայաստանի բնակիչները կարողանային ընտանիքով մեկնել ծովափ: Մենք գործարկում ենք ամենօրյա ֆիրմային գնացքը, ևս մեկ ժամով կրճատում ենք երթուղին, այժմ այն կկազմի 17 ժամ, դա արվել է ուղևորների հարմարավետության համար», - «Նովոստի» միջազգային մամուլի կենտրոնում ասաց Շայդուլլինը:

Նա նաև տեղեկացրեց, որ Երևան-Բաթումի-Երևան ուղղությամբ կգործարկվի լրացուցիչ ուղևորային շարժակազմ, որը կերթևեկի երեքշաբթի և ուրբաթ օրերին: Նրա խոսքերով՝ այս գնացքը նախատեսված է բնակչության միջին մակարդակից ցածր շերտերի համար, և սակագները կլինեն 10-15 տոկոսով ցածր, իսկ երթևեկությունը կկազմի 19 ժամ:

«Ուղևորատար երկաթուղային փոխադրումների ոլորտում սակագնային քաղաքականությունը մշակելիս մենք հաշվի ենք առել բնակչության վճարունակության պահանջարկի կառուցվածքն ու մակարդակը, ինչպես նաև սեզոնային պահանջարկի գործոնը, և հարկ է նշել, որ Երևան-Բաթումի-Երևան միջազգային արագընթաց գնացքի սակագները մենք անփոփոխ ենք թողել», - ասաց Շայդուլլինը՝ նշելով, որ ազգային դրամով տոմսի արժեքի տատանումը կախված կլինի սակագնային արժույթից, որը միջազգային հաշվարկներում շվեյցարական ֆրանկն է:

Նրա խոսքերով՝ այժմ Երևան-Բաթումի ուղղությամբ սակագինը «ՍՎ» կատեգորիայում (երկտեղանոց փափուկ կուպեներ) կազմում է 24 հազար դրամ (68 դոլար), «կուպե» հարմարավետությամբ և առանց նրա կատեգորիայի սակագները, համապատասխանաբար, 13 հազար դրամ (շուրջ 35 դոլար) և 11,7 հազար դրամ (31 դոլար), «տեղաքարտը»՝ 7,5 հազար դրամ (20 դոլար): 5-10 տարեկան երեխաները կստանան 40 տոկոս զեղչ, մինչև 5 տարեկան երեխայի համար երթևեկությունն անվճար է՝ առանց տեղի:

ՀԿԵ գլխավոր տնօրենը տեղեկացրեց, որ 2010 թ.-ին անցկացված մարկետինգային հետազոտությունների համաձայն՝ Բաթումի է մեկնել ավելի քան 82 հազար քաղաքացի, ընդ որում՝ երկաթուղի է ընտրել 40 հազար մարդ:

«Այսօր մեր առջև ավելի լուրջ խնդիր է կանգնած՝ տեղափոխել մինչև 70 հազար մարդ», - ասաց նա: Այս կապակցությամբ Շայդուլլինը նշեց, որ կքննարկվեն ծառայությունների որակի բարձրացման հետ կապված մի շարք հարցեր: Նա նաև ավելացրեց, որ ընկերությունը պատրաստվել է որոշակի ծավալի՝ առաջին հերթին Վրացական երկաթուղու հետ համատեղ մշակված տոմսերի էքսպրես-վաճառքի համակարգի ներդրման միջոցով: «Մայիսին պիլոտային աշխատանք կիրականացվի Երևան-Թբիլիսի նախագծի ուղղությամբ, գործարկվել է եվրոպական մակարդակի տոմսերի ձևաչափը, ինչն ամրագրման հնարավորություն է տալիս և վերացնում է մարդկային գործոնը», - ասաց գլխավոր տնօրենը:

Միաժամանակ նա ավելացրեց, որ ընկերությունը լրջորեն զբաղվում է կադրերի վերապատրաստմամբ՝ թրեյնինգային ընկերությունների ներգրավմամբ, մասնավորապես պատրաստվում են վաճառքի մենեջերներ, առաջին հերթին դրանք գանձապահներ են, ուղեկցորդներ, գնացքի պետեր:

«Մինչև հունիսի 1-ը մենք արդեն կլուծենք այս խնդիրը, այսինքն մենք նպատակաուղղված ենք, որպեսզի գնելով երկաթ, վերականգնելով ենթակառուցվածքները՝ մարդկային գործոնն ու հաճախորդի հետ աշխատանքը մնան գլխավորը: Հաճախորդը ճանապարհ է գնում և պետք է իրեն թագավոր զգա», - ասաց ընկերության ղեկավարը:

Շայդուլլինը տեղեկացրեց, որ հերթերից խուսափելու նպատակով կավելանա տոմսարկղերի թիվը, սակայն տոմսերը հիմնականում կիրացվեն կայարանում, քանի որ գործակալական ընկերությունների միջոցով տոմսերի վաճառքը հանգեցնում է տոմսերի գնի աճի:

Նա նաև տեղեկացրեց, որ տոմսերի վաճառքի ավտոմատացված համակարգը թույլ կտա բացառել ձեռքով աշխատանքը և կրճատել սպասարկումը՝ հասցնելով այն մոտ 2 րոպեի:

«Հայկական երկաթուղու» կոնցեսիոն կառավարումն իրականացնում է «ՀԿԵ» ՓԲԸ-ն՝ «Ռուսական երկաթուղիներ» ԲԲԸ հարյուրտոկոսանոց դուստրը: ՀԿԵ-ն իր բալանսում ընդունել է ՀԿՈՒ շարժակազմը 2008թ. հունիսի մեկից՝  «Հայկական երկաթուղիներ» պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 10 տարի երկարացման իրավունքով 2008թ. փետրվարի 13-ի կոնցեսիոն պայմանագրին համապատասխան։--0—

Loading...
Թեմատիկ նյութեր
Բաժնի այլ նյութեր
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։