480.39
+0.17
536.6
+0.48
8.07
+0.03
+28
Եղանակը Երևանում
Հայ
Հայաստանը պատրաստ է խորացնել հարաբերությունները Շվեյցարիայի հետ. նախագահ
12:20
01 Ապրիլի 2011

Հայաստանը պատրաստակամ է և ցանկանում է խորացնել Շվեյցարիայի հետ հարաբերությունները, նախօրեին ասել է ՀՀ նախագահ Սերժ Սարգսյանը Շվեյցարիայի նախագահ Միշելին Կալմի-Ռեյի պատվին տրված պաշտոնական ընթրիքի ժամանակ:

«Այդ ցանկությունը հիմնված է շատ պարզ ճշմարտությունների վրա` դուք, որպես պետություն, կարողացել եք դառնալ ժողովրդավար երկիր, ստեղծել եք հզոր տնտեսություն, կարողացել եք շատ բարձր մակարդակով լուծել ձեր ժողովրդի սոցիալ-տնտեսական խնդիրները», -«Նովոստի-Արմենիա» գործակալությանը մեջբերեցին նախագահի խոսքերը ՀՀ նախագահի մամուլի ծառայությունից:

Նա նշել է, որ Շվեյցարիայի իշխանությունների համար համամարդկային արժեքները շատ բարձր արժեքներ են:

«Այս առումով, իհարկե, հայ ժողովուրդը երախտապարտ է Շվեյցարիայի կառավարությանը, ժողովրդին, խորհրդարանին, որ ճանաչեցիք Հայոց ցեղասպանությունը և դրանով իսկ մեկ անգամ ևս ձեր վերաբերմունքը ցուցաբերեցիք ցեղասպանության հանցագործության նկատմամբ», - ասել է նա:

Նախագահը ցանկություն է հայտնել Շվեյցարիայի Համադաշնության հետ խորացնել տնտեսական հարաբերությունները, ակտիվացնել մշակութային փոխանակումները, 

«Ցանկանում ենք, որպեսզի մեր և ձեր ժողովուրդներն իրար շատ ավելի մոտիկից ճանաչեն: Այս առումով, համագործակցությունը և երկկողմ, և բազմակողմ մակարդակներում շատ օգտակար է», - նշել է նա:

Կալմի-Ռեյն իր հերթին նշել է, որ ՀՀ նախագահի հետ ունեցած զրույցի ընթացքում անդրադարձ է եղել երկու երկրների գերազանց հարաբերություններին:

«1988թ. Հայաստանին պատուհասած աղետին հաջորդած շրջանում հրատապ օգնություն ցուցաբերելուց հետո, Շվեյցարիան շարունակում է համագործակցության ծրագրերը ձեր երկրում: Վաղը ես մեկնելու եմ Գյումրի` հարգանքի տուրք մատուցելու այդ գործընկերությանը», - ասել է նա:

Շվեյցարիայի նախագահը հպարտությամբ է ողջունել շվեյցարական  դիվանագիտական ներկայացուցչության աշխատանքը Հայաստանում:

Հինգշաբթի Երևանում բացվել է Շվեյցարիայի դեսպանատունը՝ երկու երկրների նախագահներ Սերժ Սարգսյանի և Միշլին Կալմի-Ռեյի մասնակցությամբ

Սակայն, Կալմի-Ռեյի խոսքերով՝ Շվեյցարիայի և Հայաստանի փոխհարաբերությունները միայն կառավարության շփումներով չեն սահմանափակվում:

«Շվեյցարիայում ապրում են հայկական ծագումով բազմահազար մարդիկ: Շվեյցարիայի բնակչությունը մեծ համակրանքով է վերաբերվում հայերին: Պետք է ասել, որ Հայաստանն ըստ արժանվույն է գնահատել Շվեյցարիայի այնպիսի գործիչների, որոնց թվում է հազարավոր որբերի ապաստան տված Յակով Կունցլերը», - ասել է նա՝ նշելով ժողովուրդների միջև բարեկամության բազմաթիվ դրսևորումները:

Շվեյցարիայի նախագահը նաև ընդգծել է այն կարևորությունը, որ Հայաստանի կառավարությունը տալիս է ֆրանսախոսության միջազգային կազմակերպությանը և որի նախագահությունն այս տարի իրականացնում է Շվեյցարիան:

«Ես իմացել եմ, որ Հայաստանում ֆրանսախոսության շրջանակներում իրականացվող միջոցառումներն իրենց թվով աշխարհում ամենաբարձրն են: Կարծում եմ, որ սա տպավորիչ կերպով վկայում է բազմալեզու և բազմամշակույթ արժեքների նկատմամբ Հայաստանի նվիրվածությունը», - ընդգծել է նա:

Կալմի-Ռեյը շնորհավորել է Հայաստանին՝ այս տարվա Ժնևի գրքի ցուցահանդեսում պատվո հյուրի կարգավիճակ ստանալու առիթով, ինչը հայ գրողներին և հրատարակիչներին հնարավորություն կտա իրենց ստեղծագործությունները ներկայացնել ավելի լայն հասարակությանը:

«Եվ վերջապես, ինձ համար մեծ պատիվ կլինի, պարոն նախագահ, ընդունել Ձեզ Շվեյցարիայում մայիսի սկզբին պաշտոնական այցի շրջանակներում»,-նշել է Շցեյցարիայի Համադաշնության նախագահը:-0-

Loading...
Թեմատիկ նյութեր
Բաժնի այլ նյութեր
00:46
26 Հունիսի 2017
Հայկական ձևով հնդկահավն իրարանցում է առաջացրել Բաքու մեկնող ինքնաթիռում (ՎԻԴԵՈ)
Հայկական ձևով հնդկահավն ու բրինձը իրարանցում են առաջացրել Բաքու մեկնող ինքնաթիռում։
21:02
22 Հունիսի 2017
Սերժ Սարգսյանը ԵԺԿ–ի գագաթնաժողովում ներկայացրել է Հայաստանի առաջընթացը
Հայաստանի նախագահ Սերժ Սարգսյանը Բրյուսելում մասնակցել է Եվրոպական ժողովրդական կուսակցության` ընդլայնված կազմով գագաթնաժողովին:
14:01
22 Հունիսի 2017
Նիկոլ Փաշինյանը`Վահրամ Բաղդասարյանին. «Պադեզդի մակարդակ եք ուզում, եկեք գնանք...» (ՎԻԴԵՈ)
«Գիշերը երևի վատ է անդրադարձել, երեկ ավելի օբյեկտիվ ելույթներ էին հնչում»,-ասաց Վահրամ Բաղդասարյանը:  
19:09
21 Հունիսի 2017
ՀՀ նախագահն աշխատանքային այցով մեկնել է Բրյուսել
ՀՀ նախագահ Սերժ Սարգսյանն այսօր երեկոյան աշխատանքային այցով մեկնել է Բելգիայի Թագավորություն։
15:20
20 Հունիսի 2017
Ֆրանսահայ համայնքի պատմության նոր էջ. 4 հայ պատգամավորներ ընտրվել են Ֆրանսիայի ԱԺ–ում
Էմանուել Մակրոնի «Առաջ, հանրապետություն» կուսակցությունից չորս ֆրանսահայեր անցել են Ֆրանսիայի խորհրդարան:
15:26
19 Հունիսի 2017
Հայաստանի և Ադրբեջանի նախագահները պատրաստ են շարունակել բանակցությունները ԼՂ հիմնահարցի շուրջ. ռուս միջնորդ
Հայաստանի և Ադրբեջանի նախագահներ Սերժ Սարգսյանն ու Իլհամ Ալիևը պատրաստ են շարունակել ղարաբաղյան հակամարտության կարգավորմանն ուղղված խաղաղ բանակցությունները:
18:54
15 Հունիսի 2017
Մենք կարող ենք ինքներս լուծել և՛ Ղարաբաղում, և՛ Մերձդնեստրում, և՛ Ուկրաինայում առկա խնդիրները. Լուկաշենկո
Բելառուսի նախագահ Ալեքսանդր Լուկաշենկոն անդրադարձել է ՀԱՊԿ տարածաշրջանի երկրների որոշ խնդիրների։
20:00
14 Հունիսի 2017
Հայաստանն ու Տաջիկստանը, հնարավոր է, ուղիղ ավիահաղորդակցություն գործարկեն. Սարգսյան
Հայաստանն ու Տաջիկստանը դիտարկում են երկու երկրների միջև ուղիղ ավիաչվերթի գործարկման հնարավորությունը:
18:41
14 Հունիսի 2017
Տաջիկստանի նախագահը նշել է Հայաստանի հետ համագործակցության հեռանկարային ոլորտները (ՖՈՏՈ)
ՀՀ նախագահի հրավերով պաշտոնական այցով այսօր Հայաստան է ժամանել Տաջիկստանի Հանրապետության նախագահ Էմոմալի Ռահմոնը:
14:43
13 Հունիսի 2017
Նալբանդյանը նշել է ԵՄ-ի հետ շրջանակային համաձայնագրի ստորագրման ժամկետը
Էստոնիան ԵՄ նախագահությունը կստանձնի հուլիսի 1-ից:
13:43
12 Հունիսի 2017
Հայաստան կայցելի Էստոնիայի արտգործնախարար Սվեն Միկսերը
Էստոնիայի արտգործնախարարին կընդունեն հանրապետության նախագահը, Ազգային ժողովի նախագահը և վարչապետը։
15:38
09 Հունիսի 2017
ՀՀ նախագահն աշխատանքային այցով մեկնել է Ղազախստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղազախստանի Հանրապետություն: