480.39
+0.17
536.6
+0.48
8.07
+0.03
+19
Եղանակը Երևանում
Հայ
Իսրայելի և Եգիպտոսի թատերախմբերն առաջին անգամ կմասնակցեն Երևանի «Արմմոնո» փառատոնին
15:53
31 Մարտի 2011

Իսրայելի և Եգիպտոսի թատերախմբերն առաջին անգամ կմասնակցեն «Արմմոնո»  մոնոներկայացումների միջազգային 9-րդ թատերական երևանյան փառատոնին, որը կանցկացվի ապրիլի 3-8-ը, հինգշաբթի լրագրողներին ասաց փառատոնի տնօրենի Մարիաննա Մխիթարյանը:

Նրա խոսքերով՝ «Արմմոնո-2011»-ին կներկայացվի շուրջ 20 մոնոներկայացում Ռուսաստանի, Ֆրանսիայի, Գերմանիայի, Իսրայելի, Լիտվայի, Եգիպտոսի, Լեհաստանի և Հայաստանի դերասանների մասնակցությամբ:

«Փառատոնի շրջանակներում կներկայացվեն մոնոներկայացումներ Գերմանիայից, Ֆրանսիայից, Լեհաստանից, ինչն արդեն ավանդույթ է դառնում... Կցուցադրվի երկու ներկայացում Ռուսաստանից: Մոսկվայի Ե. Վախթանգովի անվան թատրոնի դերասան Յուրի Կրասկովը, ով նախորդ տարի կազմակերպված փառատոնի ժամանակ ներկայացրել էր «Խելագարի գրառումները» ներկայացումը, այս տարի ևս հանդես կգա նոր բեմադրությամբ:  Երևան կայցելի նաև շատ երաժշտական, շատ թեթև արտիստուհի Իրինա Եվդոկիմովան: Բացի այդ, այս տարի առաջին անգամ «Ամմոնոյին» կմասնակցեն Եգիպտոսից և Իսրայելից ժամանած դերասանները», - հինգշաբթի մամուլի ասուլիսի ժամանակ ասաց Մխիթարյանը:

Նա նշեց, որ փառատոնի շրջանակներում նախատեսված են նաև կլոր սեղաններ և քննարկումներ ժամանակակից թատրոնի թեմայով, որոնց կմասնակցեն ինչպես հայ, այնպես էլ օտարերկրյա դերասաններ և ոլորտի ներկայացուցիչներ:

Մխիթարյանը մասնավորապես նշեց, որ կլոր սեղաններին և քննարկումներին կմասնակցեն միջազգային փառատոնների այնպիսի ներկայացուցիչներ և հիմնադիրներ, ինչպիսիք են Նինա Մազուրան (Ուկրաինա), Վեցլավ Գերասը (Լեհաստան), Էլեոնորա Մակարովան (Ռուսաստան), Սամաա Իբրահիմը (Եգիպտոս):

Մխիթարյանն ընդգծեց, որ այս տարի փառատոնը ստացել է շուրջ տասնյակ հայտեր թատրոնի՝ հայ երիտասարդ դերասանների կողմից: Նա հատկապես նշեց երիտասարդ տաղանդավոր դերասաններ Մարիամ Ղազանչյանին՝ «Մարսել» մոնոներակայացմամբ, Նարեկ Ներսիսյանին՝ «Լյուսիեն Լյուս» մոնոներկայացմամբ, Հասմիկ Վերդյանին՝ «Սևիլուհին...» մոնոներկայացմամբ, որոնց աշխատանքները կներկայացվեն փառատոնի շրջանակներում:

Մխիթարյանն ավելացրեց, որ մայիսի 9-ից փառատոնի հայկական ծրագիրը կներկայացվի հանրապետության մարզերում:

ՀՀ մշակույթի նախարարության ժամանակակից արվեստի բաժնի պետ Սոնա Հարությունյանն իր հերթին շնորհակալություն հայտնեց ՀՀ ԱԺ խոսնակ Հովիկ Աբրահամյանին, ում բարձր հովանու ներքո է անցկացվում փառատոնը:

Նա ընդգծեց, որ ՀՀ մշակույթի նախարարության և խորհրդարանի միջև համագործակցությունն արդեն բարի ավանդույթ է դարձել:

Փառատոնի հայկական ծրագրի շրջանակներում հանդես կգան Արամ Հովհաննիսյանը՝ «Արա Գեղեցիկ», Սամվել Բաղինյանը՝ «Ֆիեստա», Մարիամ Ղազանչյանը՝ «Մարսել»,  Հասմիկ Վերդյանը՝ «Սևլուհին...», Ռոբերտ Հակոբյանը՝ «Ձեզ եմ դիմում..», Գրետա Մեջլումյանը՝ «Ծառերը», Նարեկ Ներսիսյանը՝ «Լյուսիեն Լյուկ» մոնոներկայացումներով: «Միհր» թատրոնը հանդես կգա «Պիեսներ մահվան մասին» մոնոներկայացումների շարքով:

Փառատոնի շրջանակներում ելույթ կունենա նաև Մոսկվայի Վախթանգովի անվան պետական ակադեմիական թատրոնի դերասան Յուրի Կրասկովը «Լսելով հեռուն» մոնոներկայացմամբ: Ռուսաստանից հանդես կգա նաև դերասանուհի Իրինա Եվդոկիմովան «Ոչ ոք» մոնոներկայացմամբ:

Փառատոնի միջազգային ծրագիրը ներառում է անվանի դերասանուհի Վերոնիկ Վանիելի «Ցանկությունների երաժշտություն» (Ֆրանսիա), Ժան Պոլ Շին Տյուի «Առաջին մարդը» (Ֆրանսիա), Գաբրիելա Մուսկալայի «Բուենոս Այրեսից վերադառնալիս» (Գերմանիա), Սամաա Իբրահիմի «Կարմեն» (Եգիպտոս), Բիրուտե Մարի «Ունե» (Լիտվա), Հովարդ Ռիպպի «Ջիլփել հիմարիկը» (Իսրայել) ներկայացումները:

«Արմմոնո» փառատոնը կանցկացվի ՀՀ ԱԺ խոսնակ Հովիկ Աբրահամյանի բարձր հովանու ներքո՝ ՀՀ մշակույթի նախարարության և Հայաստանի թատերական գործիչների միության աջակցությամբ:

«Արմմոնո» միջազգային թատերական փառատոնն առաջին անգամ անցկացվել է Երևանում 2003 թ.-ի սեպտեմբերին:-0-

Loading...
Թեմատիկ նյութեր
Բաժնի այլ նյութեր
21:02
22 Հունիսի 2017
Սերժ Սարգսյանը ԵԺԿ–ի գագաթնաժողովում ներկայացրել է Հայաստանի առաջընթացը
Հայաստանի նախագահ Սերժ Սարգսյանը Բրյուսելում մասնակցել է Եվրոպական ժողովրդական կուսակցության` ընդլայնված կազմով գագաթնաժողովին:
14:01
22 Հունիսի 2017
Նիկոլ Փաշինյանը`Վահրամ Բաղդասարյանին. «Պադեզդի մակարդակ եք ուզում, եկեք գնանք...» (ՎԻԴԵՈ)
«Գիշերը երևի վատ է անդրադարձել, երեկ ավելի օբյեկտիվ ելույթներ էին հնչում»,-ասաց Վահրամ Բաղդասարյանը:  
19:09
21 Հունիսի 2017
ՀՀ նախագահն աշխատանքային այցով մեկնել է Բրյուսել
ՀՀ նախագահ Սերժ Սարգսյանն այսօր երեկոյան աշխատանքային այցով մեկնել է Բելգիայի Թագավորություն։
15:20
20 Հունիսի 2017
Ֆրանսահայ համայնքի պատմության նոր էջ. 4 հայ պատգամավորներ ընտրվել են Ֆրանսիայի ԱԺ–ում
Էմանուել Մակրոնի «Առաջ, հանրապետություն» կուսակցությունից չորս ֆրանսահայեր անցել են Ֆրանսիայի խորհրդարան:
15:26
19 Հունիսի 2017
Հայաստանի և Ադրբեջանի նախագահները պատրաստ են շարունակել բանակցությունները ԼՂ հիմնահարցի շուրջ. ռուս միջնորդ
Հայաստանի և Ադրբեջանի նախագահներ Սերժ Սարգսյանն ու Իլհամ Ալիևը պատրաստ են շարունակել ղարաբաղյան հակամարտության կարգավորմանն ուղղված խաղաղ բանակցությունները:
18:54
15 Հունիսի 2017
Մենք կարող ենք ինքներս լուծել և՛ Ղարաբաղում, և՛ Մերձդնեստրում, և՛ Ուկրաինայում առկա խնդիրները. Լուկաշենկո
Բելառուսի նախագահ Ալեքսանդր Լուկաշենկոն անդրադարձել է ՀԱՊԿ տարածաշրջանի երկրների որոշ խնդիրների։
20:00
14 Հունիսի 2017
Հայաստանն ու Տաջիկստանը, հնարավոր է, ուղիղ ավիահաղորդակցություն գործարկեն. Սարգսյան
Հայաստանն ու Տաջիկստանը դիտարկում են երկու երկրների միջև ուղիղ ավիաչվերթի գործարկման հնարավորությունը:
18:41
14 Հունիսի 2017
Տաջիկստանի նախագահը նշել է Հայաստանի հետ համագործակցության հեռանկարային ոլորտները (ՖՈՏՈ)
ՀՀ նախագահի հրավերով պաշտոնական այցով այսօր Հայաստան է ժամանել Տաջիկստանի Հանրապետության նախագահ Էմոմալի Ռահմոնը:
14:43
13 Հունիսի 2017
Նալբանդյանը նշել է ԵՄ-ի հետ շրջանակային համաձայնագրի ստորագրման ժամկետը
Էստոնիան ԵՄ նախագահությունը կստանձնի հուլիսի 1-ից:
13:43
12 Հունիսի 2017
Հայաստան կայցելի Էստոնիայի արտգործնախարար Սվեն Միկսերը
Էստոնիայի արտգործնախարարին կընդունեն հանրապետության նախագահը, Ազգային ժողովի նախագահը և վարչապետը։
15:38
09 Հունիսի 2017
ՀՀ նախագահն աշխատանքային այցով մեկնել է Ղազախստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղազախստանի Հանրապետություն:
13:48
08 Հունիսի 2017
Թեհրանի ահաբեկչությունը կհանգեցնի իրանցիների աննախադեպ քաղաքական համախմբման. փորձագետ
Ահաբելիչները սխալ հաշվարկներ են կատարել։