481.77
-0.24
540.26
-0.7
8.5
-0.06
+14
Եղանակը Երևանում
Հայ
Ընդդիմադիր կուսակցության հացադուլ հայտարարած առաջնորդը գիշերել է հորդառատ անձրևի տակ
20:02
23 Մարտի 2011

«Ժառանգություն» ընդդիմադիր կուսակցության առաջնորդ, Հայաստանի արտաքին գործերի առաջին նախարար Րաֆֆի Հովհաննիսյանի անժամկետ հացադուլի իններորդ օրն է։ Նախորդ գիշերը պատգամավորն անցկացրել է հորդառատ անձրևի տակ։

Երևանի եղանակն ակնհայտ անբարենպաստ է Հովհաննիսյանի համար. մայրաքաղաքում նկատելիորեն ցրտել է, և արդեն երկրորդ օրն է՝ անձրևներ են տեղում։

Ավելի վաղ ոստիկանները թույլ չեն տվել նախկին նախարարի համախոհներին վրան և ծածկ տեղադրել Ազատության հրապարակում, որտեղ հացադուլ է անցկացնում Հովհաննիսյանը։ Հայաստանի մարդու իրավունքների պաշտպան Կարեն Անդրեասյանը երկուշաբթի տարածած հայտարարությունում անօրինական է անվանել Ոստիկանության գործողությունները «Ժառանգության» առաջնորդի նկատմամբ։

Ինչպես «Նովոստի-Արմենիա» գործակալությանը հայտնեց «Ժառանգություն» խմբակցության պատգամավոր Անահիտ Բախշյանը, նախօրեի երեկոյան «Ժառանգության» պատգամավորներն այդ հարցով հանդիպեցին Հայաստանի Ոստիկանապետ Ալիկ Սարգսյանի հետ։

«Ի վերջո, մեզ թույլ տվեցին այնտեղ ծածկ տեղադրել, բայց արդեն ուշ էր, և մենք չկարողացանք բավարար օգնել։ Րաֆֆի Հովհաննիսյանը գիշերեց հորդառատ անձրևի տակ, թեև մենք ծածկի նման մի բան էինք կառուցել, բայց դա այդքան էլ չօգնեց»,- տեղեկացրեց պատգամավորը։

Բացի այդ, Բախշյանի խոսքերով, ինչպես պարզվեց, ծածկը թույլ են տվել տեղադրել միայն գիշերային տեղումների ժամանակ, «իսկ վրանի մասին առհասարակ խոսք չկա»։

Չնայած հյուծված տեսքին՝ հացադուլավոր ընդդիմադիրը «Նովոստի-Արմենիա» գործակալության թղթակցին ասաց, որ իրեն լավ է զգում։ Բացի այդ, Հովհաննիսյանին զննող բժիշկներն առայժմ առողջական որևէ խնդիր չեն հայտնաբերել։

«Ժառանգություն» կուսակցության առաջնորդ Րաֆֆի Հովհաննիսյանը մարտի 15-ից անժամկետ հացադուլ է անցկացնում Ազատության հրապարակում «Ծոմ հանուն ազատության» կարգախոսով։ Ինչպես լրագրողներին հայտնել էր Հովհաննիսյանը, անցած օրերի ընթացքում իրեն է մոտեցել շուրջ 15 հազար ՀՀ քաղաքացի, ովքեր իրենց աջակցությունն են հայտնել և համոզել են դադարեցնել հացադուլը:

Րաֆֆի Հովհաննիսյանը նախօրեին նշել էր, որ ներկայացրել է 15 պահանջից բաղկացած ցուցակ, մասնավորապես, իշխանությունը ժողովրդին, ոչ՝ կուսակցական իշխանությանը, ժողովուրդը երկրի տերն է, ազատ քաղաքացի, անվտանգ պետություն, հայկական երիտասարդության արժանի ապագա, աշխատանքը՝ ժողովրդին, ոչ՝ անարդարությանը, աղքատությանն ու միգրացիային, վերջ՝ իշխող կոռուպցիային և այլն:

Հովհաննիսյանի արարքը տարբեր կերպ են մեկնաբանում իշխանամետ և ընդդիմադիր շրջանակները։

Մասնավորապես, «Սոցիոմետր» սոցիոլոգիական հետազոտությունների կենտրոնի ղեկավար, սոցիոլոգ Ահարոն Ադիբեկյանը կարծում է, որ Հովհաննիսյանի հացադուլը ոչ այլ ինչ է, եթե ոչ ընդդիմադիր ընտրազանգվածի ներգրավում, այսինքն, PR-քայլ, իսկ Դաշնակցություն կուսակցության խորհրդարանական խմբակցությունը «Ժառանգության» առաջնորդի հացադուլն ուժեղ կամքի դրսևորում է անվանում։ Հայաստանի Հանրապետական կուսակցության փոխնախագահ, ՀՀԿ խորհրդարանական խմբակցության ղեկավար Գալուստ Սահակյանը, իր հերթին, ակցիան անհիմն է համարում։

Ընդդիմադիր Հայ ազգային կոնգրեսի առաջնորդ, Հայաստանի առաջին նախագահ Լևոն Տեր-Պետրոսյանը հավանության չի արժանացրել պատգամավորի արարքը։ Տեր-Պետրոսյանն ընդգծել է, որ եթե Հովհաննիսյանը հրապարակային ծոմապահության փոխարեն հացադուլ հայտարարեր կոնկրետ քաղաքական պահանջներով, ապա նա ոչ միայն կողջուներ դա, այլ նաև ամբողջությամբ կհայտներ իր աջակցության մասին։

Միաժամանակ, որոշ քաղաքական գործիչներ, մասնավորապես, ԱԳՆ նախկին ղեկավար Վարդան Օսկանյանը և Ժողովրդական կուսակցության առաջնորդ Տիգրան Կարապետյանը մտահոգված են Րաֆֆի Հովհաննիսյանի առոջությամբ և կոչ են անում դադարեցնել հացադուլը։ -0-

Loading...
Թեմատիկ նյութեր
Բաժնի այլ նյութեր
11:29
27 Մայիսի 2017
Արդարադատության նախարարությունում լարված մթնոլորտ է
Նոր կառավարության միակ «սյուրպրիզը» արդարադատության նախարարի պաշտոնում Դավիթ Հարությունյանի նշանակումն էր:
15:08
24 Մայիսի 2017
ՀՀ վարչապետն աշխատանքային այցով կմեկնի Կազան
ՀՀ վարչապետ Կարեն Կարապետյանը մայիսի 25–ին աշխատանքային այցով կմեկնի ՌԴ։
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա: