478.3
+0.07
574.1
-0.3
8.31
+0.05
+18
Եղանակը Երևանում
Հայ
Ղարաբաղյան հակամարտության կարգավորման վճռական գործողությունների ժամանակն է. ԵԱՀԿ համանախագահ
16:25
12 Մարտի 2011

Եկել է ղարաբաղյան կարգավորման ամենահամարձակ և վճռական գործողությունների ժամանակը, ասվում է Եվրոպայում Անվտանգության և համագործակցության կազմակերպության (ԵԱՀԿ) գործող նախագահ, Լիտվայի արտաքին գործերի նախարար Աուդրոնյուս Աժուբալիսի հայտարարությունում, որը հրապարակվել է «Առավոտ» թերթում՝ հղում անելով ԵԱՀԿ հայտարարությանը։

«Մենք գիտակցում ենք Լեռնային Ղարաբաղի հակամարտության լրջությունը։ Այն արդեն ավելի քան երկու տասնամյակ շարունակ ստվեր է գցում Հարավային Կովկասի վրա՝ խեղդելով հույսը և խոչընդոտելով զարգացմանը։ Եկել է ժամանակը, որպեսզի տարածաշրջանի առաջնորդներն իրենց ջանքերն ուղղեն տարածաշրջանում առկա հզոր մարդկային, ֆինանսական և քաղաքական ռեսուրսները՝ փոխշահավետ դրական գործողությունների իրագործման համար»,- ասել է Աժուբալիսը։

Ըստ նրա՝ ոչ ոք չի շահի ներկայիս լճացած վիճակից և լարվածությունից, և բոլոր կողմերը համաձայն են, որ միակ ելքն իրավիճակից հակամարտության խաղաղ կարգավորումն է։

«Սակայն ներկայիս իրավիճակն անկայուն է։ Մենք այլևս չենք կարող թույլ տալ հետագա բանակցությունների ձախողում, հակամարտության լճացում և լարվածության մեծացում»,- ասաց ԵԱՀԿ ղեկավարը։

Աժուբալիսն ընդգծել է նաև, որ ԵԱՀԿ Մինսկի խմբի համանախագահների գործունեությունն այս տարիների ընթացքում նպատել է լարվածության մակարդակի նվազեցմանը և երկու կողմերի միջև երկխոսությանը։

Լեռնային Ղարաբաղի հակամարտության կարգավորման ԵԱՀԿ Մինսկի խմբի համանախագահ երկրների պատվիրակությունների ղեկավարները, ովքեր մասնակցել են 2010թ. դեկտեմբերին կայացած Աստանայի գագաթնաժողովին, ինչպես նաև Հայաստանի և Ադրբեջանի նախագահներ Սերժ Սարգսյանը և Իլհամ Ալիևը չորեքշաբթի հանդես են եկել հայտարարությամբ այն մասին, որ եկել է ղարաբաղյան հակամարտության վերաբերյալ վճռական քայլերի ժամանակը:

«Մենք պետք է հարգենք այդ համաձայնագիրը»,- ասել է Աժուբալիսը՝ հավելելով, որ Լիտվայի կառավարությունը ԵԱՀԿ Մինսկի խմբի հետ համատեղ պատրաստ է անել հնարավորինը ղարաբաղյան հակամարտության կարգավորմանն աջակցելու համար։

Նա նշել է, որ հակամարտության խաղաղ կարգավորման պարտավորությունն իրենց վրա վերցրած կողմերը պետք է զերծ մնան ուժի և ուժի կիրառման սպառնալիքից և հետ տանեն դիպուկահարներին ղարաբաղա-ադրբեջանական շփման գծից, քանի որ «փոխադարձ վստահության մթնոլորտ չի ձևավորվի, եթե արյունահեղության հավանականությունը կախված է մեկ կրակոցից»։

ԵԱՀԿ նախագահը դրական է գնահատել նաև պայմանավորվածությունների ձեռքբերումը մարտի 5-ին Սոչիում Հայաստանի, ՌԴ և Ադրբեջանի նախագահների միջև։ 

Մարտի 5-ի հանդիպման ժամանակ Լեռնային Ղարաբաղի հակամարտության կարգավորման վերաբերյալ Հայաստանի Հանրապետության, Ռուսաստանի Դաշնության և Ադրբեջանական Հանրապետության նախագահներն ընդունեցին համատեղ հայտարարություն: Ինչպես նշվում է փաստաթղթում, քննարկելով 2010թ. հոկտեմբերի 27-ին Աստրախանում ընդունված եռակողմ հայտարարության գործնական կիրառման հարցերը` նախագահները, ի լրումն դրանում նախատեսված միջոցառումների, պայմանավորվեցին վստահության հետագա ամրապնդման քայլերի մասին:

«Բանակցությունների մասնակիցների համատեղ հայտարարության համաձայն՝ կողմերը պայմանավոևվել են ամենակարճ ժամկետներում ավարտել ռազմագերիների փոխանակումը, լուծել բոլոր վիճելի հարցերը խաղաղ միջոցներով և քննություն անցկացնել հրադադարի ռեժիմի գծում հնարավոր միջադեպերի վերաբերյալ։ Այս ամենը «զգույշ» լավատեսության առիթ է տալիս»,- նշել է ԵԱՀԿ նախագահը։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին:
16:46
14 Սեպտեմբերի 2017
ՌԴ վարչապետ Դմիտրի Մեդվեդևը մոտ ապագայում կայցելի Երևան
ՀՀ վարչապետ Կարեն Կարապետյանն այսօր հեռախոսազրույց է ունեցել ՌԴ կառավարության ղեկավար Դմիտրի Մեդվեդևի հետ: