482.74
-0.81
570.65
+2.43
8.24
+0.06
-1
Եղանակը Երևանում
Հայ
ՀՀ նախագահը համարում է, որ Լատվիան ոչ միայն բարեկամ է, այլև՝ կարևոր գործընկեր ԵՄ համագործակցության շրջանակներում
12:49
10 Մարտի 2011

Լատվիան մեզ համար ոչ միայն բարեկամ է, այլև՝ կարևոր գործընկեր Հայաստան-Եվրամիություն համագործակցության շրջանակներում, ասել է Հայաստանի նախագահ Սերժ Սարգսյանը Լատվիայի նախագահ Վալդիս Զատլերսի և տիկին Լիլիտա Զատլերսի անունից իր պատվին տրված պաշտոնական ընթրիքի ընթացքում:

Հայաստանի նախագահի խոսքերով, Լատվիայի հետ հարաբերությունները կառուցելիս Երևանը հաշվի է առնում ոչ միայն համատեղ անցյալը, այլև՝ համատեղ ապագան:

 «Հայաստանը հաստատակամ է Եվրոպական միության հետ հարաբերությունները խորացնելու իր հանձնառությանը և այդ տեսանկյունից էապես արժևորում է Լատվիայի աջակցությունը և պատրաստակամությունը՝ սատար կանգնելու եվրոպական մեծ ընտանիքին Հայաստանի մերձեցման ջանքերին»,- հինգշաբթի մեջբերել են Սարգսյանի խոսքերը պետության ղեկավարի մամուլի ծառայությունից։
Սարգսյանը նշել է, որ Երևանը Լատվիան դիտում է որպես Հայաստանին և Եվրամիությանը կապող ոչ միայն քաղաքական, այլև կարևոր տնտեսական օղակ։

Խոսելով հայկական պատվիրակությանը լատվիական կողմի ցուցաբերած ջերմ ընդունելության մասին՝ Հայաստանի նախագահը հիշեցրել է, որ մոտ մեկ տարի առաջ Հայաստանում ընդունում էին Լատվիայի ղեկավար Վալդիս Զատլերսին։

«Հավատում եմ, որ նման բարձրաստիճան փոխայցելությունների պարբերականությունը լավագույնս է արտահայտում մեր երկրների միջև առկա քաղաքական երկխոսության և փոխվստահության բարձր մակարդակը»,- ասել է Հայաստանի նախագահը։

Ըստ նրա, երկու երկրների միջև դիվանագիտական հարաբերություններն ունեն ոչ երկարատև՝ 20-ամյա ժամանակագրություն, սակայն սերտ շփումների պատմությունը չի սահմանափակվում այդ կարճ հատվածով։
«Դիվանագիտական հարաբերություններն ու մեր պետությունների միջև ընթացող աշխույժ քաղաքական երկխոսությունը գալիս են հաստատելու հայ և լատվիացի ժողովուրդների ազատ ու անկախ ապրելու դարավոր երազանքի իրականացումը և այդ իրողությունն անշրջելի դարձնելու գործում փոխադարձ աջակցությունը»,- ասել է նախագահը։

Նրա խոսքերով, պատմական զարգացումների բերումով հայերը հայտնի են որպես միջնորդներ Արևելքի և Արևմուտքի, Հյուսիսի և Հարավի միջև շփումներում:

«Լատվիան չէր վրիպել հայ վաճառականների ուշադրությունից, և հայ առևտրային կապիտալը 19-րդ դարի վերջից ի վեր ներկայություն էր հաստատել այս հյուրընկալ երկրում: Այսօր էլ Լատվիայում բնակվում, աշխատում և ստեղծագործում են ավելի քան չորս հազար հայեր, ովքեր ջանք ու եռանդ չեն խնայում հայ-լատվիական մերձեցմանը, շփումներին նպաստելու համար»,- ասել է Սարգսյանը։

Նրա խոսքերով, լատվիահայ համայնքը, սակայն, մեր երկրները կապող բազմաթիվ թելերից մեկն է միայն:
«Հայաստանն ու Լատվիան շատ առումներով նման երկրներ են: Նկատի չունեմ միայն տարածքի ու բնակչության համադրելի լինելու հանգամանքը: Հայաստանը ևս Լատվիայի պես ընտրել է զարգացման եվրոպական ուղին: Մենք դավանում ենք միևնույն արժեքները, որոնք խարսխված են ժողովրդավարության և մարդու իրավունքների պաշտպանության սկզբունքների վրա: Բացի այդ, մեր երկրները հարուստ չեն բնական պաշարներով, ուստի և մենք պարտավոր ենք լինել ճկուն և աշխատասեր` մեր զարգացումը կապելով մարդկային կապիտալի, մարդկանց ստեղծագործ հնարավորությունների հետ»,- նշել է նախագահը։

Նա ասել է նաև, որ, այդ ամենին կարելի է գումարել նաև ընդհանուր անցյալը, և կստացվի այն իրական պատկերը, որը համատեղ առաջ շարժվելու ամուր հիմքեր է տալիս:

«Մենք պետք է ջանք ու եռանդ չխնայենք մեր երկու ժողովուրդների ուղղակի շփումները խրախուսելու, ինչպես նաև երկկողմ հարաբերությունների քաղաքական, տնտեսական, մշակութային և մի շարք այլ բաղադրիչները բովանդակալից դարձնելու ուղղությամբ»,- ասել է Սարգսյանը։

Նա նշել է, որ ինքն անձամբ շատ ջերմ տպավորություններ է պահպանել երիտասարդ տարիներին Լատվիա կատարած իր այցելություններից։ «Դոմյան տաճարը, Ռիգայի հին քաղաքի գեղեցիկ ճարտարապետությունը, մարդկանց սիրալիր ու բարյացակամ վերաբերմունքը և, վերջապես, խոր արմատացած եվրոպական պատկանելությունը դրոշմվել են ոչ միայն իմ, այլև շատ հայ այցելուների հիշողությունում։ Ուրախությամբ պիտի նշեմ, որ հետագայում՝ արդեն անկախության տարիներին, երբ ես Ռիգա այցելեցի որպես անկախ Հայաստանի պաշտպանության նախարար, համոզվեցի, որ ձեր հրաշալի մայրաքաղաքը տարեցտարի ավելի ու ավելի է գեղեցկանում»,- ընդգծել է նա։

Սարգսյանը ողջունել է նաև մշակութային համագործակցության աշխուժացումը երկու երկրների միջև։
Հայկական պատվիրակությունը նախագահ Սերժ Սարգսյանի գլխավորությամբ նախօրեին Ռիգա է ժամանել՝ Լատվիայի նախագահի հրավերով։ -0-

Loading...
Թեմատիկ նյութեր
Բաժնի այլ նյութեր
20:09
14 Դեկտեմբերի 2017
Հայաստանի դիրքորոշումը հայ–թուրքական արձանագրությունների հարցում անփոփոխ է. ԱԳՆ
Հայաստանի դիրքորոշումը Թուրքիայի հետ հարաբերությունների բարելավման արձանագրությունների հարցում անփոփոխ է մնում:
19:21
14 Դեկտեմբերի 2017
Թուրքիան հայտարարել է, որ հավատարիմ է Հայաստանի հետ հարաբերությունների բարելավմանն ուղղված արձանագրություններին
Թուրքիան պահպանում է Հայաստանի հետ հարաբերությունների բարելավմանն ուղղված արձանագրությունների նկատմամբ իր հավատարմությունը:
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։