478.2
-0.31
559.83
-1.08
8.05
+0.02
+20
Եղանակը Երևանում
Հայ
Հայաստանի և Ռուսաստանի նախագահները կքննարկեն առևտրատնտեսական և ներդրումային համագործակցությունը
10:45
25 Փետրվարի 2011

Առևտրատնտեսական և ներդրումային համագործակցության զարգացմանը վերաբերող հարցերը կլինեն ՌԴ նախագահ Դմիտրի Մեդվեդևի և ՀՀ նախագահ Սերժ Սարգսյանի ուշադրության կենտրոնում, ովքեր ուրբաթ աշխատանքային հանդիպում կունենան, հաղորդում է ՌԻԱ Նովոստին՝ հղում անելով Կրեմլի մամուլի ծառայությանը:

Երկու առաջնորդների բանակցությունները կանցնեն Սանկտ Պետերբուրգում՝ ռուս-հայկական քաղաքական կանոնավոր երկխոսության շրջանակներում:

«Ակնկալվում է, որ պետությունների ղեկավարների ուշադրության կենտրոնում կլինեն առևտրատնտեսական և ներդրումային համագործակցության ամրապնդման հարցերը՝ հաշվի առնելով այն, որ Ռուսաստանը վստահորեն զբաղեցնում է Հայաստանի արտաքին-տնտեսական առաջատար գործընկերոջ դիրքը», - նշվում է մամուլի հաղորդագրության մեջ:

Նախորդ տարի փոխադարձ առևտրաշրջանառությունը վերականգնվել է՝ հասնելով մինչև միջճգնաժամային 2008 թվականի ցուցանիշներին: 1991 թ.-ից Ռուսաստանից Հայաստանի տնտեսություն արված կապիտալի ներդրումները գերազանցել են 2,8 միլիարդ դոլարը: Հայկական շուկայում գործում են ռուսական այնպիսի առաջատար կորպորացիաներ, ինչպիսիք են «Գազպրոմ» ԲԲԸ-ն, «Ինտեր ՌԱՕ ԵԷՍ» ԲԲԸ-ն, «ՌԵ» ԲԲԸ-ն, «ՎՏԲ Բանկ» ԲԲԸ-ն, «Ռոսիյսկի ալյումինի» ԲԲԸ-ն, «Վիմպելկոմ» ԲԲԸ-ն, «Սիստեմա» ԲԲԸ-ն:

Բանակցությունների օրակարգում Կրեմլը առանձնացնում է համագործակցությունը վառելիքա-էներգետիկ, այդ թվում՝ ատոմային և տրանսպորտային ոլորտներում՝ Հայաստանի տնտեսության այն ճյուղերում, որտեղ ռուսական մասնակցությունն առավել նկատելի է:

«Ռուսական ընկերությունները, որոնց սեփականությունն են ու կառավարմանն են հանձնված Հայաստանի էլեկտրաէներգիայի գեներացիայի և փոխանցման կարևոր օբյեկտները, դրանք բարձրացրել են շահութաբեր շահագործման մակարդակի, ապահովում են հանրապետության սոցիալ-տնտեսական ոլորտի կայուն էներգամատակարարում: Նախատեսվող ծրագրերի համաձայն՝ իրականացվում են գազա-էներգետիկական  նախագծեր»,- ասվում է հաղորդագրության մեջ:

«Որակապես ավելի բարձր փուլ է թևակոխում ատոմային էներգիայի խաղաղ օգտագործման ոլորտում իրականացվող փոխգործակցությունը: Հերթական մասշտաբային ներդրումային նախաձեռնությունն է ԱԷԿ-ի նոր էներգաբլոկի կառուցման հարցում նախատեսված համագործակցությունը», - նշվում է մամուլի հաղորդագրության մեջ:

Ռուսաստանը Հայաստանին աջակցում է նաև արտաքին տրանսպրորտային կապերի կարգավորման հարցում, հիշեցրել են Կրեմլից:

«2008 թ.-ին «Ռուսական երկաթուղիներ» ԲԲԸ-ի կողմից հայկական երկաթուղու կոնցեսիոն կառավարման պահից ի վեր ոլորտի արդիականացում է սկսվել: Կովկաս-Փոթի նավահանգիստների միջև երկաթուղային լաստանավային երթուղու աշխատանքի պրակտիկան հաստատում է այս երթուղու հեռանկարային լինելը: 2010 թ.-ի մարտի 1-ից ռուս-վրացական սահմանին գտնվող «Վերին Լարս» հսկիչ անցակետի գործարկման վերսկսումը հնարավորություն ընձեռեց վերականգնել Հայաստանի հետ Ռուսաստանի ցամաքային տարանցիկ հաղորդակցությունը», - նշվում է տեղեկատվության մեջ:

Քաղաքական բաղկացուցիչ

Ռուս-հայկական բանակցությունների օրակարգում ավանդաբար ներառվում են ինտեգրացիոն կառույցների՝ ԱՊՀ-ի, ՀԱՊԿ-ի, ԵվրԱզԷՍ-ի (ԵվրԱզԷՍ-ում Հայաստանն ունի դիտորդի կարգավիճակ) շրջանակներում փոխգործակցությանը վերաբերող հարցեր, ինչպես նաև Անդրկովկասում անվտանգության և կայունության ապահովման խնդիրը, այդ թվում նաև՝ ղարաբաղյան հակամարտության կարգավորման համատեքստում:

Նախորդ տարվա հոկտեմբերին Աստրախանում տեղի է ունեցել Հայաստանի, Ադրբեջանի և Ռուսաստանի նախագահների եռակողմ հանդիպումը: Հանդիպման արդյունքում համատեղ հայտարարություն է ընդունվել, որում նշվում է, որ քաղաքական-դիվանագիտական միջոցներով հակամարտության կարգավորումը պահանջում է հրադադարի ռեժիմի պահպանմանն ուղղված հետագա ջանքեր և ռազմական ոլորտում վստահության միջոցներ: Բացի այդ, պայմանավորվածություն է ձեռք բերվել Հայաստանի և Ադրբեջանի միջև ռազմագերիների փոխանակման մասին:

Կես տարվա մեջ երրորդ հանդիպումը

Բարձր մակարդակի ռուս-հայկական կապերը կանոնավոր բնույթ են կրում: Նախորդ տարվա նոյեմբերին Սարգսյանն այցելել է Մոսկվա, այցելության ընթացքում հանդիպել է Մեդվեդևի հետ, ինչպես նաև մասնակցել է Ռուսաստանի հայերի միության հոբելյանին նվիրված միջոցառմանը:

Նախորդ տարվա օգոստոսին Մեդվեդևն այցելել է Երևան՝ Հայաստան ՌԴ նախագահի առաջին պետական այցելության շրջանակներում: Այն ժամանակ տեղի ունեցած բանակցությունների արդյունքում մի շարք համաձայնագրեր են ստորագրվել:

Դրանց թվում են Գյումրիում ռուսական ռազմակայանի գտնվելու ժամկետը 49 տարով երկարացնելու մասին արձանագրությունը, ՌԴ Ռազմատեխնիկական համագործակցության դաշնային ծառայության և Հայաստանի պաշտպանության նախարարության միջև փոխըմբռնման հուշագիրը, ինչպես նաև հայկական տարածքում ատմոային էներգաբլոկի կառուցման մասին միջկառավարական համաձայնագիրը:

Երկկողմ փոխգործակցության համակարգման և կատարելագործման կարևոր գործիք է Տնտեսական համագործակցության միջկառավարական հանձնաժողովը: Դրա հերթական՝ տասներկուերորդ նիստը տեղի ունեցավ 2010թ. հոկտեմբերի 23-ին Եկատերինբուրգում:--0--

Loading...
Թեմատիկ նյութեր
Բաժնի այլ նյութեր
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ: