484.51
-0.37
518.72
-3.16
8.61
-0.05
+6
Եղանակը Երևանում
Հայ
Հայաստանը կվկայագրվի որպես մալարիայից ազատ գոտի
18:23
24 Փետրվարի 2011

ԵՐԵՎԱՆ, 24 փետրվարի. /Նովոստի-Արմենիա/. Հայաստանը կվկայագրվի որպես մալարիայից ազատ գոտի, հաղորդում է հանրապետության Առողջապահության նախարարության մամուլի ծառայությունը։
Ինչպես նշված է հաղորդագրության մեջ, ՀՀ առողջապահության նախարար Հարություն Քուշկյանն ընդունել է Առողջապահության համաշխարհային կազմակերպության Եվրոպական տարածաշրջանային գրասենյակի պատվիրակությանը` Միխայիլ Եժովին և Ռոստիցա Մինչևային, ինչպես նաև ԱՀԿ հայաստանյան գրասենյակի ներկայացուցիչ  Գայանե Ղուկասյանին:

Միխայիլ Եժովը բարձր է գնահատել Հայաստանում մալարիայի վերացման գործում ձեռքբերված առաջընթացը: Նա նշել է, որ կատարվել է լուրջ և հետևողական աշխատանք, որի շնորհիվ էլ երկիրը շուտով վկայական կստանա:

Ի դեպ, Հայաստանը տարածաշրջանում առաջին երկիրն է, որը հասել է նման արդյունքի, ինչը կարևոր է թե առողջապահական, թե բիզնեսի, թե տուրիզմի զարգացման տեսակետից:

Նշենք, որ 1994 թվականից ի վեր, 31 տարվա ընդմիջումից հետո, մալարիան կրկին արմատավորվեց Հայաստանի Հանրապետությունում և սկսեցին արձանագրվել մալարիայի տեղական դեպքեր` Արարատի, Արմավիրի և Տավուշի մարզերում: Հայաստանը զգալի քաղաքական նախաձեռնություն ցուցաբերեց և այսօր էլ ցուցաբերում է մալարիայի դեմ պայքարի ասպարեզում: Հայաստանի Հանրապետության կառավարությունը համակարգված և բազմոլորտ պայքար ծավալեց մալարիայի դեմ:  Այս գործում երկրին զգալիորեն աջակցեցին միջազգային կազմակերպությունները, մասնավորապես` Առողջապահության համաշխարհային կազմակերպությունը:

Մալարիայի դեմ պայքարի և կանխարգելման համալիր աշխատանքը զգալի արդյունք տվեց` հաջողվեց կանխել հիվանդության հետագա տարածումը, ընդհատվեց տեղական փոխանցումը, նշանակալի կրճատվեց մալարիա փոխանցող մոծակների պոպուլյացիան և Հայաստանում ստեղծվեցին մալարիայի վերացման նախադրյալներ:

2003թ. Հայաստանի կառավարությունը, վերանայեց մալարիայի դեմ պայքարի իր ռազմավարությունը, խնդիրներն ու մոտեցումները: 2005-ին Հայաստանը վավերացրեց տաշքենդյան հռչակագիրը, որը կոչ էր անում «անցում կատարել մալարիայի հսկողությունից դեպի մալարիայի վերացում»: 2006թ. կառավարության որոշմամբ ընդունվեց «Հայաստանի Հանրապետությունում տեղական մալարիայի վերացման 2006-2010 թվականների նպատակային ծրագիրը և տեղական մալարիայի վերացման բնագավառում իրականացվելիք առաջնահերթ միջոցառումների ցանկը»: Այս ծրագրի գործադրման պայմաններում 2006թ. սկսած Հայաստանի Հանրապետությունում տեղական ծագման մալարիայի դեպք չի արձանագրվել:

Հայաստանը եվրոպական տարածաշրջանի առաջին երկիրն է, որին հաջողվել է հասնել հիվանդության էլիմինացմանը` երկրի տարածքում մալարիայի տեղական դեպքերի վերացմանը: Այս փաստը, համաձայն միջազգայնորեն ընդունված ընթացակարգի, ենթակա է վկայագրման Առողջապահության համաշխարհային կազմակերպության կողմից: Ուստի, 2009թ. ՀՀ առողջապահության նախարարը դիմել է ԱՀԿ գլխավոր տնօրենին` վկայագրման գործընթաց սկսելու համար: Այժմ նախապատրաստվում է Առողջապահության համաշխարհային կազմակերպության կողմից ՀՀ վկայագրումը որպես մալարիայից ազատ գոտի:--0-

Loading...
Թեմատիկ նյութեր

Բաժնի այլ նյութեր
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով:
11:15
06 Ապրիլի 2017
Րաֆֆի Հովհաննիսյանն ու Վարդան Օսկանյանը դու՞րս են գալիս քաղաքականությունից
Երկուսն էլ նախկինում ԱՄՆ քաղաքացիներ են եղել։
19:02
30 Մարտի 2017
Հայ քաղաքագետը հայտնել է առաջիկա ընտրությունների հիմնական ինտրիգը
Քաղաքագետ Սերգեյ Մինասյանը հայտնել է խորհրդարանական ընտրությունների` փորձագիտական հանրությանը հետաքրքրող հիմնական ինտրիգը։
19:40
27 Մարտի 2017
Հայաստանի և Ադրբեջանի ԱԳՆ ղեկավարները բարձր մակարդակով հանդիպում են նախապատրաստում. Հոգլանդ
Հայաստանի և Ադրբեջանի արտաքին գործերի նախարարները բարձր մակարդակով հանդիպում են նախապատրաստում: